VOV4.K’ho - Là kơnòm bơsram kòn cau, rài kis hìu nhă tìp uă kal ke, mơya oh Hoàng Ngọc Cường, kis tàm [òn 1, ntum Ea Sar, kơnhoàl Ea Kar, càr Dak Lak neh lơh ngan sơlèt mờ ală kal ke geh khà jăk tàm broă bơsram sră. Tàm dơ\ pơlòng mu\t bơsram tàm hìu bơsram dờng pa do, oh Cường neh geh 27 điểm nggùl, tơl khà kờ` mu\t bơsram tàm hìu bơsram dờng Cảnh sát nhân dân [òn dờng Hồ Chí Minh.

 Nam 1990, hìu nhă oh Hoàng Ngọc Cường, kòn cau Tày bơh càr Cao Bằng tus càr Dak Lak lơh broă mờ ơm kis, do kung là tu\ oh mu\t bơsram ơdu\ 1. Kung bè ală làng bol kòn cau Tày pa tus ơm kis tàm [òn 1, ntum Ea Sar, kơnhoàl Ea Kar, hìu nhă oh Cường tìp uă ngan kal ke. Ồng Hoàng Văn Nhượng, bèp oh Cường pà g^t, tài jơgloh, rơ[ah, hìu bơsram ngài mờ hìu tai, den tàng kòn klao dờng pal ơm ờ lòt bơsram kờ` dong kờl mè bèp. Cường lơh ngan bơsram den tàng hìu nhă kung pal lơh ngan drơng bal sơl. “Deh kòn, kung kờ` kòn geh lòt bơsram, geh broă lơh kờ` ba` ke bè mè, bèp dê. Bè mè, bèp lài do neh kal ke, ờ geh lòt bơsram tai, tu\ do den tàng gơtìp bè do. Mè, bèp tus tàm do mìng lơh sa suơn sre glar bòl ngan. Den tàng, ai oh kòn in lòt bơsram, lơh ngan kung ờ kal ke rơlao, a` sùm lam sồr kòn in bè hơ\, kòn a` kung đơs là lơh ngan bơsram sơl”.

Broă lòt bơsram bơh oh Hoàng Ngọc Cường kung gơtìp kal ke sơl. Pah ngai lòt bơsram, oh pal lòt jơng rơlao 7 kơi sồ gùng hơ\ sồng tus hìu bơsram. Kàl prang trồ tiah gơthul ù kơmbuh, kàl mìu gùng lòt gơtìp mbè ntiar. Geh uă tu\, tài kờ` dong kờl ală cau tàm hìu lơh broă, oh pal tiă dà dờng tềng đăp hìu, gan tàm suơn cau hơ\ sồng ờ gơtìp jơla bơsram. Kal ke là bè hơ\, mơya nam bơrsam lơi, Cường sùm geh khà bơsram jăk. Đơs bè broă lơh ngan bơsram bơh oh Hoàng Ngọc Cường dê, pơgru atbồ ơdu\ bơsram Thái Văn Mạnh pà g^t: “Bơh tàm broă bơto oh Cường, a` go\ oh Cường là 1 nă kơnòm bơsram geh nùs nhơm kờ` gơboh mờ broă bơsram sră, oh Cường tơriang tơriồng ngan tàm broă bơsram sră, den tàng a` lam sồr Cường bơh tu\ hơ\ pơlòng tàm gah kuang àng, kờ` tơnơ\ do tu\ neh jơh bơsram geh broă lơh niam”.

Jăt jơnau pơlam bơh cau pơgru atbồ ơdu\ bơsram dê, bal mờ broă lơh ngan bơsram, tàm dơ\ pơlòng rơwah mu\t bơsram tàm hìu bơsram dờng pa do, oh Hoàng Ngọc Cường neh tơl khà mu\t bơsram tàm hìu bơsram dờng Cảnh sát nhân dân [òn dờng Hồ Chí Minh mờ khà geh 27 điểm nggùl. Dờp sră yal geh tơl khà mu\t bơsram, ală cau tàm hìu nhă Cường chờ hờp mơya kung ờ su\k ơm sơl. Chờ tài geh tơl khà mu\t bơsram di mờ jơnau kơ\p kờ`, mờ khà điểm geh uă, mơya ờ su\k ơm tài khà priă tă broă bơsram sră tàm [òn dờng Hồ Chí Minh. Den tàng, tàm tu\ kơ\p ngai mu\t bơsram, Cường neh dong kờl mè bèp tàm broă lơh hìu nhă mờ lòt lơh broă ơpah kờ` geh priă lòt bơsram ndang. “Hìu nhă kal ke, lòt bơsram tàm hìu bơsram dờng den hoàc huơr uă bơta ngan, den tàng oh lòt lơh broă ơpah kờ` dong kờl mè, bèp geh priă nàng lòt bơsram tơnơ\ do. Ờ su\k ơm tus mờ oh dê là bơsram tàm hìu bơsram dờng geh uă priă tă ngan, kas ngan, broă bơsram krơi is mờ tu\ bơsram tàm kai bơsram 3, den tàng tơnơ\ do geh uă kal ke tus mờ oh dê”.

Kơno jơnau yal Cường geh tơl khà mu\t bơsram tàm hìu bơsram dờng, ờ mìng hìu nhă oh chờ hờp mờ jơh ală cau tàm [òn rơ[ah do ndrờm chờ hờp lơm bal. Ồng Chu La Đồng, mpồl cau dờng sơnam [òn 1, ntum Ea Sar pà g^t: tàm tiah kal ke do, broă kờ` lòt bơsram bơh ală oh kòn gam uă kal ke, den tàng geh 1 nă kơnòm bơsram là kòn cau tơl khà mu\t bơsram tàm hìu bơsram dờng mờ khà điểm uă ngan bè oh Hoàng Ngọc Cường là chờ hờp ngan. “Bơdìh mờ broă bơsram tàm hìu bơsram, rê hờ hìu oh Cường gam lơh ngan dong kờl hìu nhă. Tu\ kàl lơh sa den lòt dus `hơ\t kòi, lòt ê kơnrồ, ròng sur. Cường kung g^t là geh g^t sră geh ngăc ngar den hơ\ sồng g^t bơta jăk chài khoa học kỹ thuật, kờ` drơng tàm broă lơh hìu nhă mờ mpồl bơtiàn”.

Mpồng hìu bơsram dờng neh rơcang rò ală cau bơsram dờng pa geh tơl khà mu\t bơsram, Hoàng Ngọc Cường rơcang lòt bơh tiah kơh bơnơm càr Dak Lak tus [òn dờng Hồ Chí Minh kờ` bơsram sră, di gơlan gam pal gơtìp mờ uă kal ke. Mơya mờ nùs nhơm lơh ngan, bồ tơngoh ngăc ngar bal mờ să jan pràn kơl dang klao pơnu kòn cau dê, neh kis mờ dờng tàm bơta rơ[ah, kal ke, kơ\p kờ` oh Cường lơh ngan bơsram jăk rơlao kờ` gơs cau ling Kuang àng làng bol dê.