VOV4.K’ho - Poh lài, tàm 2 xã Ia Lâu mờ Ia Piơr, kơnhoàl Cư\ Prông, càr Gia Lai gơbàn mìu bal mờ càl pồt lơh 250 nơm hìu tơrlah mờ gơpồ rơkàng. Mờ broă lơh ngan bơh gơnoar atbồ bal mờ ală gah, mpồl lơh broă geh gơnoar dê, cau tòm là mpồl ling, làng bol tàm 2 xã do neh mhar niam wơl rài kis.

Tàm dơ\ mìu bal mờ càl pồt lài do, hìu mò Nông Thị Sìu, kis tàm [òn Bắc Thái, xã Ia Lâu, kơnhoàl Cư\ Prông gơbàn gơpồ rơkàng jơh. Uă tiah gơbàn rơdàng mờ di gơlan gơbàn tơrlah. Mò Sìu là pơ-ùr cau ling chơ\t màng, tu\ do gam kis mờ 2 nă sao ndrờm gơbàn kòp down, rài kis kal ke ngan.

Tơnơ\ mờ dơ\ càl pồt, cau ling bơh Trung đoàn 710, Binh đoàn 15 gơwèt Bộ Quốc phòng neh tus dong kờl mò Sìu lơh wơl hìu, tìm sơlo, mờ dong kờl 60 tơlăk priă kờ` mò lơh wơl hìu pa kơl jăp rơlao. Tềng đăp mờ nùs nhơm niam bơh mpồl ling tus mờ hìu nhă, mò Nông Thị Sìu ngoh rơngăc đơs:

-Mò ngòt hìu tơrlah den chơ\t ală sao. Mò ờ g^t đơs bè lơi tai, mò ưn ngài gơnoar atbồ, cau ling bal mờ ală ling gàr [òn neh dong kờl.

Kung gơbàn càl pồt lơh aniai lào do sơl, hìu mò Nguyễn Thị Dinh, kis tàm [òn Kỳ Phong, xã Ia Piơr gơbàn tơrlah jơh.

Cau ling dong kờl hìu nhă mò Nguyễn Thị Dinh lơh wơl hìu gơbàn tơrlah

Mò Dinh bơtoah ờ gơbàn sồt să tu\ pa l^k bơdìh den hìu gơbàn tơrlah. Geh gơnoar atbồ bal mờ ală cau ling tàm xã do tus dong kờl kờ` hìu nhă mò tơmù hoàc huơr, mò Nguyễn Thị Dinh pà g^t:

-Rềs àr lơh aniai den ală gah, mpồl lơh broă bal mờ gơnoar atbồ t2m xã hơ\ sồng mpồl ling tus dong kờl hìu nhă. A` dan ưn ngài uă ngan.

Lài mờ hơ\, tàm 2 ngai bơh ngai 12 tus 13, tàm 2 xã tiah nhàr dà lơgar Ia Lâu mờ Ia Piơr, kơnhoàl Cư\ Pông geh mìu bal mờ càl pràn, lơh tơrlah 8 nơm hìu, gơpồ rơkàng 242 nơm hìu.

Dong kờl làng bol tìm wơl hìu

Kờp jơh hoàc huơr mờr 1 tơmàn 800 tơlăk priă. UBND kơnhoàl Cư\ Prông neh tă kes priă dong kờl tơl hìu làng bol 2 tơlăk priă kờ` ring niam ing tàm rài kis. Mờ kơnhoàl kung sồr ală gah, mpồl lơh broă geh gơnoar, hòi jà mpồl lơh broă tàm xã do tơn tus dong kờl làng bol, lơh wơl hìu đam. Tus tu\ do, broă tơmù hoàc huơr tàm 2 xã Ia Lâu mờ Ia Piơr neh gơs. Ồng Phạm Tiến Lợi, Phó kuang atbồ UBND xã Ia Lâu pà g^t:

-Càl pràn neh lơh hoàc huơr 68 nơm hìu, tàm hơ\ geh 8 hìu gơbàn pồ rơkàng jơh mờ 1 nơm hìu tơrlah jơh. Tềng đăp mờ bơta do, Đảng uỷ, gơnoar atbồ xã neh pơgồp bal mờ ală mpồl ling tàm do, tàm hơ\ geh Trung đoàn 710 neh ai cau ling tus dong kờl làng bol. Mờ tus tu\ do neh geh 100% neh lơh gơs wơl jơh.

Broă tơmù hoàc huơr bơh mìu bal mờ càl pràn geh lơh mhar là kơnờm mờ broă tus bal bơh ală mpồl ling tàm do dê, tàm hơ\ uă ngan là ală mpồl ling gơwèt Binh đoàn 15 Bộ Quốc phòng dê.

250 nơm hìu tàm 2 xã Ia Lâu mờ Ia Piơr kơnhoàl Cư\ Prông gơbàn tơrlah mờ gơpồ rơkàng

Tàm hơ\, Trung đoàn 710, Binh đoàn 15 neh tă 120 tơlăk priă mờ ai uă kuang bàng, cau ling tus dong kờl làng bol tơmù hoàc huơr. Thượng tá Bùi Lê Đoàn, atbồ Trung đoàn 710 pà g^t:

-Tơnơ\ mờ tu\ geh jơnau yal hoàc huơr bơh trồ tiah lơh aniai bè hơ\, den bol a` neh bal mờ ală kơnă, gơnoar atbồ tàm do tus mờ pal lơh mơ kờ` làng bol in geh hìu ơm, geh hìu sa. Mờ kung geh gàr niam rài kis làng bol tàm xã do in sơl. Bơh tu\ hơ\, den hơ\ sồng he geh ring niam tàm broă lơh.

Mờ broă lơh ngan bơh Đảng uỷ, gơnoar atbồ xã, ală gah, mpồl lơh broă geh gơnoar bal mờ cau tòm là ală mpồl ling tàm ală xã do, làng bol kis tàm 2 xã Ia Lâu mờ Ia Piơr, kơnhoàl Cư\ Prông gơbàn hoàc huơr bơh mìu bal mờ càl pràn lơh neh mhar ring niam rài kis. Broă dong kờl kuơ màng do neh lơh làng bol in pin dờn rơlao tu\ kis tàm ù tiah nhàr dà lơgar gam uă kal ke do.

Cau cih mờ yal tơng^t Ndong Brawl