VOV4.K’ho - Tam lơh neh rơlau 40 nam, mơya là ù tiah mờ lài do là 1 tàm ală tiah tam lơh cui rơcai ngan rlau jơh tàm càr Dak Nông, uă tiah gam jơngkah [ồm mền, phan bơrtoh, pơhìn lơh aniai tus ờ do ờ dă tơl nă cau in. Mìng kờp is bơh nam 2011 tus tu\ do, tàm càr Dak Nông geh tus mờr 100 dơ\ rềs àr gơrềng tus gar nat, nai [ồm, phan bơrtoh gam jơnkah wơl bơh git nđờ jơt nam lài. Kờ` gàr niam ờ do ờ dă tus mờ broă mut lơh ală broă lơh, tus mờ bơta bơtàu tơnguh lơh sa mpồl bơtiàn tàm càr, kuang bàng, cau ling công binh gah đơng lam bồ ling klàng càr Dak Nông neh sơlèt gan uă kal ke, ngòt rơngơt nàng jòi rồ, tă siau bơr toh git nđờ rơhiang tấn gar nat, gar [ồm. Broă lơh bơh ală bi dê neh dong làng bol iang nùs lơh broă, bơtàu tơnguh lơh sa:

Mờr 2 poh lài, hìu nhă ồng Diệp Bạch Long, ơm tàm [òn Yang Kach, ntum Dak Drô, kơnhoàl Krông Nô, càr Dak Nông tàm tu\ tờ tơnau nàng geh dà [ồm chi tam in tàm mìr neh sền go\ dùl nai [ồm dờng ngan. Go\ nai [ồm gam bè ờs, hìu nhă ồng Long ngòt ngan, ơm mơ broă tờ tơnau nàng yal anih lơh broă geh gơnoar in. Klo yal, kuang bàng, cau ling công binh gah đơng lam bồ ling klàng càr Daknông neh tus mơ nàng mut lơh kơnòl gàr tơl niam ờ do ờ dă. Đal git là nai bồm lơh gơbàn chơt jê MK 82, kơn jơ\ 227 k ^, dờng 27,3 phơng, jòng 1 thơk 33, geh 87,2 k^ siau bơrtoh Tritonal, khà ngài lơh gơbàn chơt jê tus 600 thơk, ngòt rơngơt ngan, ngai 18/5 pa do, mpồl ling công binh neh ntrờn nai [ồm tus tiah ờ do ờ dă mờ neh lơh bơrtoh geh cồng nha. Mpồl ling công binh gam ai măy jòi sền gùt dar suơn mìr hìu nhă ồng Long dê nàng wàs jơh phàu crong, phan bơrtoh gam jơngkah wơl, nàng làng bol iang nùs lơh broă sa. Ồng Long pà git: “Bă tiah mờ hìu nhă a` lơh broă sa lài do kung geh uă làng bol tàm tu\ tờ tơnau, tờ trồm tam kơphe kung sền go\ gar nat, gar [ồm. Ờ hềt geh broă lơi lơh gơbàn chơt să mơya làng bol ngòt ngan tài tu\ sền go\ den gơ lơh ờ suk ngan tu\ lòt lơh broă sa. Tu\ sền go\ kung geh mpồl lơh broă geh gơ noar bơ song, tus tu\ do, mpồl ling neh jòi rồ [ồm mền den ù lơh sa kung neh kloh jơh, làng bol lơh broă sa iang nùs ngan, ờ di ờ suk bè lài do tai”.

Jat cồng nha lùp sền nam 2012, tàm càr Dak Nông geh mờr 10 rbô lồ ù geh đơs là gam jơngkah bè phàu crong mờ phan bơrtoh, uă ngan tơr gùm tàm ală kơnhoàl: Dak Mil, Dak Song, Dak Rlâp, Tuy Đức, Cư Jút mờ Krông Nô. Mut lơh broă lơh 504 bơh gơnoar atbồ lơgar dê bè jòi rồ [ồm mền tơnơ\ tam lơh, tus tu\ do, càr Dak Nông pa mut lơh kloh geh 370 lồ, uă ngan là tàm ală rơndap broă, broă lơh bơt bơtàu dờng tàm kơnhoàl Dak Rlâp, Dak Mil mờ [òn drà Gia Nghĩa. Đại uý Nguyễn Văn Giáp, lơh broă gùng dră bal Đại đội công binh – di gah đơng lam bồ ling klàng càr Dak Nông pà git, bulah ờ hềt geh tơl bơta nàng dùl dơ\ le\ gơtùi lơh kloh jơh ală bă ù gam phan bơrtoh, mơya mpồl ling sùm lơh ngan sơrlèt gan tơl bơta kal ke, ngòt rơngơt nàng gàr niam ờ do ờ dă anih bơt bơtàu, tiah lơh sa mờ màng kis tơl nă cau in. Đại uý Nguyễn Văn Giáp đơs: “Git wă uă bơta kuơ màng mờ bơta aniai bơh [ồm mền gam jơnkah wơl tơnơ\ tam lơh, tàm tu\ mut lơh kơnòl broă, oh mi tàm mpồl ling neh pơlam jơnau đơng lam bơh mpồl Đảng mờ gah đơng lam bồ dê tàm tơl kơnòl broă. Oh mi công binh tu\ mut lơh kơnòl sùm mờ nùs nhơm lơh ngan lơh jơh kơnòl geh jàu, nàng cèng wơl bơta kloh niam ù tiah in, cèng wơl bơta ngap lơngai kung bè pleh ală bơta rềs àr gơlik geh”.

Bè jơnau mờ bol a` pa yal, càr Dak Nông là tiah tam lơh lài do, là tiah gam geh uă bă ù gam gơlời [ồm, mền uă bơh rài tam lơh. Bơta do, geh uă bơta gơbàn aniai mờ mùl màl kung neh geh gơbàn ală dơ\ rềs àr gơrềng tus mờ ală [ồm mền gơlời wơl do. Lơh bè lơi kờ` lơh kloh jơh ală bă ù gam uă [ồm mền bơh rài tam lơh lời wơl mờ tơl niam ờ do ờ dă kờ` lơh broă mờ tơnguh bơtàu lơh sa tàm càr Dak Nông? Cau ai tơng^t jơnau đơs Việt Nam tàm Tây Nguyên neh geh dơ\ lùp Trung tá Lê Đức Chính, kuang atbồ Công binh, mpồl đơng lam ling klàng càr Dak Nông bè broă do:

- Ơ Trung tá Lê Đức Chính, kuang atbồ Công binh, mpồl đơng lam ling klàng càr Dak Nông, Trung tá đơs bè lơi bè khà [ồm, mền, phan bơrtoh gam gơlời tàm càr Dak Nông?

Trung tá Lê Đức Chính: Dak Nông là tiah tam lơh càr Quảng Đức lài do dê, den tàng khà [ồm, mền gam gơlời wơl uă ngan. Jăt broă sền gròi bơh anih lơh sa kă bro 319 Gah sền gàr dà lơgar nam 2012 yal, den bă ù gam geh [ồm mền tàm càr di pơgăp rơlao 10 rơbô lồ, do là ală kal ke tus mờ làng bol dê tàm broă lơh sa, tơnguh bơtàu lơh sa. Broă [ồm, mền phan bơrtoh gam gơlời wơl uă lơh gơbàn tàm càr do rềs àr uă sơl. Mpồl đơng lam ling klàng càr kung neh lơh ngan pơgồp bal mờ ală anih lơh broă geh gơnoar kờ` jòi rồ mơya broă do geh bă ù neh tă [ồm mền ờ uă ngan mờ bă ù gam [ồm mền.

- Broă jòi rồ [ồm mền kung geh lơh tàm ală tu\ mùl màl là kal ke ngan, ngòt rơngơ\t ngan, mơya kuang bàng, cau ling neh lơh ngan bè lơi kờ` lơh gơs kơnòl să tòm ơ Trung Tá?

Trung tá Lê Đức Chính: Tu\ dờp jơnau yal bơh làng bol go\ geh [ồm, gar phào, den mpồl Công binh geh ai cau lơh broă, tềng đăp mờ broă đơng lam bơh kuang atbồ đơng lam ling klàng càr mờ anih lơh broă pơlam, geh lơh rơndăp broă, pơgồp bal mờ ală anih lơh broă geh gơnoar, tàm hơ\ uă ngan là mpồl đơng lam ling klàng ală kơnhoàl kờ` rồ tơrgùm mờ lơh bơrtoh jơh. Tàm broă tơrgùm mờ lơh bơrtoh jơh [ồm, mền, gar phào gam gơlời do ngòt rơngơ\t ngan, den tàng, tàm broă bơsram lơh, bơto broă lơh do, cau ling bol a` sùm sền kuơ jơnau g^t wă tài broă lơh bơrtoh [ồm, mền, gar phào di lah ờ lơh niam, tu\ gơbàn rềs àr là gơrềng uă ngan tus mờ màng kis kòn bơnus, den tàng, mpồl lơh broă tus bal lơh bơrtoh pal g^t wă nền nòn bè ală bơta gar [ồm, mền, gar phào lài do mờ pal geh nùs nhơm kơ\ dơn. Tu\ neh g^t nền nòn mờ geh nùs nhơm kơ\ dơn, den broă lơh geh [uơn, ờ gơtìp kal ke mờ cồng nha geh tơl niam ờ do ờ dă.

- Mờ khà kờp rơlao 10 rơbô lồ ù gam geh uă gar [ồm, mền, tàm tu\ hơ\, broă jòi rồ kờ` lơh kloh mìng rơ\p geh 370 lồ, bè hơ\ gam uă ngan broă pal lơh, mờ mpồl ling geh sền wơ ală bơta lơi tàm tơngai tus?

Trung tá Lê Đức Chính: Bă ù gam geh [ồm, mền gơlời wơl tàm gùt càr gam uă, tàm tơngai tus, tềng đăp mờ broă đơng lam bơh kuang atbồ đơng lam ling klàng càr, kuang atbồ anih lơh broă pơlam sồr, mpồl Công binh geh pơgồp bal mờ ală anih lơh broă, mpồl lơh broă geh gơnoar, lài ngan là pal chồl pràn broă lam sồr làng bol, tu\ tìp go\ [ồm, mền, gar phào, phan bơrtoh den pleh ngài mờ yal mờ anih lơh broă geh gơnoar kờ` rồ tă. Lam sồr mờ ală broă lơh mùl màl bè ngui [ồm, mền, gar phào phan bơrtoh lơh tơlòng, bơto sồr làng bol in g^t ală bơta mờ pleh, dơ\ 2 là lam sồr tàm ală anih yal tơng^t, bơto sồr làng bol, tàm hơ\ uă ngan là kơnòm dềt tu\ go\ gar phào, [ồm, mền gam gơlời wơl. Bơdìh hơ\ tai, bol a` pơgồp bal mờ ală anih lơh broă geh gơnoar, Gơnoar atbồ lơgar neh geh broă dong kờl jòi rồ [ồm, mền, phan bơrtoh gam gơlời wơl tơnơ\ mờ rài tam lơh (gam sơnđan là broă lơh 504) geh pơlam tus mờ ală kơnă mờ dan mờ Dà lơgar ai khà priă kờ` pơgồp bal mờ ală mpồl ling jòi rồ kờ` lơh kloh ù tiah gam geh [ồm, mền, kờ` dong kờl làng ol iang nùs tơnguh bơtàu lơh sa mờ pleh mờ ală rềs àr gơbàn. Mờ broă lơh ngan bơh gùt kuang bàng, cau ling Công binh dê tềng đăp mờ broă đơng lam nền nòn bơh mpồl đơng lam ling klàng càr, a` kơlôi là broă jòi rồ [ồm mền kờ` lơh kloh ù tiah gam tai tàm tơngai tus geh lơh mhar rơlao mờ tu\ go\ geh [ồm, mền den bol a` mhar tus rồ kờ` kơrian niam ờ do ờ dă ba` ai bơrtoh.

 - Ơi, dan ưn ngài Trung tá!

Cau cih mờ yal tơng^t K’ Duẩn – Ndong Brawl