VOV4.K’ho - Càr Dak Lak geh 4 xã tiah nhàr dà lơgar gơwèt 2 kơnhoàl Buôn Đôn mờ Ea Súp. Tàm ală nam do, mpồl ling sền gàr tiah nhàr dà lơgar càr Dak Lak neh sền kuơ broă bơ\t bơtàu anih rơcang sơndră pơgồp bal mờ broă lơh gùt làng bol sền gàr tiah nhàr dà lơgar bal mờ broă làng bol sền gàr bơta lơngăp lơngai kơl jăp kờ` ai tơl bơta pràn tam dră kờ` kơrian ală nùs nhơm ờ niam bơh mpồl cau pơlơ\ dră dê.

Tàm tiah nhàr dà lơgar càr Dak Lak, [òn ơm kis ờ tơrgùm bal, trồ tiah ờ niam, ù tiah klàr, rài kis làng bol kal ke, khà hìu rơ[ah gam tàm khà uă ngan, geh tus rơlao 60%... Sơgràm bơta do, ală mpồl cau ờ niam chồl pràn ală broă lơh kờ` tam dră mờ gơnoar atbồ, tàm hơ\ uă ngan là hòi jà, bơchồt làng bol ală kòn cau dô gan nhàr dà lơgar, kis ntrờn mờ tus bal ală broă tam dră, lơh ờ niam tus mờ bơta lơngăp lơngai mpồl bơtiàn. Broă tìs mờ quy chế tàm tiah nhàr dà lơgar bal mờ bơta lơngăp lơngai [òn lơgar, mus kơl, sơgràm ù brê, tam phà ù mờ ală bơta ờ niam tàm mpồl bơtiàn gơbàn kal ke… Lơh jăt gùng dà, broă lơh bơh Đảng uỷ càr, tu\ do, mpồl ling sền gàr tiah nhàr dà lơgar càr neh ai 50 nă cau geh đảng gơwèt ală mpồl ling sền gàr tiah nhàr dà lơgar tus bal lơh broă tàm ală [òn, ală xã tàm tiah nhàr dà lơgar. Mpồl kuang bàng geh ai tus tàm ală xã tiah nhàr dà lơgar neh rơcang pơlam ală đảng uỷ, gơnoar atbồ xã bơ\t bơtàu ròt chính trị, tơnguh bơtàu lơh sa mpồl bơtiàn, tơn jơh jơgloh, tơmù rơ[ah, tam dră kơrian geh cồng nha ală broă sơgràm tus, gan tiă nhàr dà lơgar mờ kơrian cau tìs gan nhàr dà lơgar; tơnguh ală broă lơh tòm kờ` gàr niam bơta lơngăp lơngai chính trị, ờ do ờ dă gùt mpồl bơtiàn tàm tiah nhàr dà lơgar. Ồng Lê Thanh Hải, Bí thư Đảng uỷ xã Ia Rvê, kơnhoàl Ea Súp pà g^t:

- Đảng uỷ xã bal mờ Đảng uỷ mpồl ling sền gàr tiah nhàr dà lơgar lơh quy chế pơgồp bal lơh jăt. Bơh tàm quy chế do, pah nam, phan nhai ha là ală dơ\ geh uă broă lơh ndrờm geh pơgồp bal tus sền gròi bơta lơngăp lơngai ờ do ờ dă tàm xã.

Bal mờ hơ\, mpồl ling sền gàr tiah nhàr dà lơgar càr Dak Lak neh tơnguh broă pơgồp bal mờ ală mpồl lơh broă geh gơnoar g^t go\ mờ di tu\ bơsong ală broă bè sền gàr dà lơgar, bơta lơngăp lơngai tàm tiah nhàr dà lơgar; pơgồp bal nền nòn mờ Mpồl đơng lam ling klàng càr bal mờ Mpồl đơng lam ling klàng ală kơnhoàl Ea Súp, Buôn Đôn bơ\t bơtàu mpồl ling klàng bal mờ làng bol lơh tòm tàm ală [òn ală xã tiah nhàr dà lơgar rơcang pơgồp bal sền gàr nền nòn [òn lơgar, ală cau geh pin pơrdah, go\ di tu\ mờ bơsong geh cồng nha ală broă gơbàn, ba` lời ală cau ờ niam sơgràm lơh gơbàn geh tiah ờ niam, ba` lời gơbàn geh bơta ờ niam bè bơta lơngăp lơngai chính trị, ờ do ờ dă gùt mpồl bơtiàn tàm tiah nhàr dà lơgar. Đại uý Trương Văn Hoành, Chính trị viên, Phó kuang atbồ mpồl ling sền gàr tiah nhàr dà lơgar Ia Rvê đơs:

- Kờ` lơh jăt kơnòl bơ\t bơtàu broă gùt làng bol tus bal sền gàr tàm nhàr dà lơgar tàm do, tơngai pa do, đảng uỷ, mpồl đơng lam ling klàng kung neh lơh niam broă pơlam ai đảng uỷ, gơnoar atbồ xã in tàm broă tus bal sền gàr chính trị, dong kờl làng bol tơnguh bơtàu lơh sa mpồl bơtiàn tàm xã, lam sồr mpồl lơh broă tàm xã pơgồp bal nền nòn mờ gơnoar atbồ xã bal mờ ală mpồl lơh broă tus bal sền gròi mờ bơ\t bơtàu broă lơh dong kờl làng bol tơnguh bơtàu lơh sa, bơta chài rơgơi mpồl bơtiàn bè ròng kơnrồ, bơsram sră.

Kờ` bơ\t bơtàu broă gùt làng bol tus bal sền gàr bơta lơngăp lơngai tiah nhàr dà lơgar pràn kơl dang, mpồl ling sền gàr tiah nhàr dà lơgar càr neh pơlam, pơgồp bal mờ đảng uỷ, gơnoar atbồ kơnhoàl bal mờ Uỷ ban Mặt trận càr lơh uă broă lơh mùl màl bè: jào mờ ai ngui 102 nơm hìu “Hìu pà cau rơ[ah tiah nhàr dà lơgar” geh mờr 4 tơmàn priă; pơgồp bal lơh, jào 64 nơm hìu gơwèt broă lơh “Nùs nhơm niam Trường Sơn” pà ală cau geh sră dong kờl bơh dà lơgar in mờ kờp jơh khà priă 2 tơmàn 500 tơlăk priă; khoàng 14 nơm tơlung dà kờ` geh dà ngui sa kloh niam ai làng bol ală xã tàm tiah nhàr dà lơgar in. Đại tá Phạm Quang Hùng, đơng lam mpồl ling sền gàr tiah nhàr dà lơgar pà g^t:

- Mpồl ling sền gàr tiah nhàr dà lơgar sùm ai làng bol là cau tòm, lơh bè lơi kờ` g^t di tu\ bơsong ală broă kal ke kờ` làng bol sùm pin dờn tàm gùng dà, broă lơh bơh Đảng mờ dà lơgar; mờ là mpồl dong kờl mpồl ling sền gàr tiah nhàr dà lơgar sền gàr kơl jăp ală gơnoar ù tiah, bơta lơngăp lơngai nhàr dà lơgar.

Pah nam, di tàm ală ngai chờ, ngai satềp, ală mpồl ling neh tus pơlam [òn lơgar in lơh jăt niam ală broă lơh, broă dong kờl, mờ bơyai tus còp să, lam sồr ală hìu nhă geh sră dong kờl bơh dà lơgar, hìu nhă geh rài kis kal ke in. Gah lơh sơnơm ling klàng sền gàr nhàr dà lơgar kung lơh niam broă sơndră, tam dră mờ ală bơta kòp tàm ală xã tiah nhàr dà lơgar, kham, sơm kòp mờ pà sơnơm ờ sa priă ai g^t nđờ rơbô nă làng bol in. Kuơ màng ngan, tàm nam 2016, mpồl ling sền gàr tiah nhàr dà lơgar neh lam sồr kuang bàng, cau ling tàm mpồl tus bal broă lơh “Dong kờl ală oh lòt bơsram” dong kờl 40 nă oh geh rài kis kal ke tàm ală xã tiah nhàr dà lơgar.

Bơdìh hơ\ tai, Đảng uỷ mpồl đơng lam ling sền gàr tiah nhàr dà lơgar gam sền kuơ broă lơh jăt niam broă lơh bal mờ lơgar ndai bè broă sền gàr tiah nhàr dà lơgar. Tus tu\ do, tàm gơl gùng nhàr dà lơgar jòng 73 kơi sồ bơh càr Dak Lak mờ càr Mundukiri, bơh lơgar Việt Nam mờ lơgar Campuchia dê neh tồt `jrong geh 5 tiah là `jong sồ 42, 44, 45, 46 mờ 47. Tàm tơngai tus, 2 lơgar geh pơn jăt tai lơh jăt broă wah nhàr dà lơgar mờ tồt `jrong 2 tiah gam tai tàm gơl gùng nhàr dà lơgar geh mpồl ling sền gàr tiah nhàr dà lơgar Ea H’Leo mờ mpồl ling sền gàr tiah nhàr dà lơgar Yok Mbre sền gàr.

Mờ gùng dà “Dong kờl bơyô là dong kờl să tòm”, mìng kờp is tàm nam 2016, mpồl ling sền gàr tiah nhàr dà lơgar càr neh pơlam Đảng uỷ càr, UBND càr dong kờl lơh pà hìu lơh broă ai Tiểu đoàn 303 lơgar Campuchia in mờ broă lơh gùng che ồs đèng àng tus tàm 3 pôs ling cảnh sát gơwèt Ty Công an càr Mundulkiri geh rơlao 5 tơmàn priă, dong kờl mpồl sền gàr tiah nhàr dà lơgar lơgar Campuchia tơmù kal ke. Lơh jăt gùng dà bơh Mpồl đơng lam ling sền gàr tiah nhàr dà lơgar bè broă bơyai lơh oh mi bal tàm [òn bơh 2 gah nhàr dà lơgar, cau ling sền gàr tiah nhàr dà lơgar càr neh pơlam Đảng uỷ, UBND càr mờ 2 kơnhoàl tiah nhàr dà lơgar Buôn Đôn mờ Ea Súp bơyai lơh oh mi bal mờp ală xã 2 gah nhàr dà lơgar, rơhời chồl pràn broă tam klăc bal, đềt mềr bal bơh làng bol 2 gah nhàr dà lơgar dê.

Cau cih mờ yal tơng^t Ndong Brawl