VOV4.K’ho - Lơh jăt broă pơlam oh lòt bơsram geh Mpồl đơng lam ling sền gàr tiah nhàr dà lơgar Việt Nam lam sồr, broă lơh dong kờl oh lòt bơsram bơh mpồl đơng lam ling sền gàr tiah nhàr dà lơgar càr Kon Tum neh dong kờl uă oh geh rài kis hìu nhă kal ke tàm tiah nhàr dà lơgar pơn jăt tai geh lòt bơsram.

Lơh ngan bơsram sră mờ gơlòng sồr, den tàng uă nam tơn, Y Thật, kòn cau Jeh – Triêng, kis tàm [òn Đak  Ác, xã Đak Long, kơnhoàl Đak Glei geh khà bơsram jăk. Bal mờ ală bơyô bơsram ơdu\ 7 A1, hìu bơsram cấp 2 Dân tộc Bán trú xã Đak Long, Y Thật ờ geh uă cau kơlôi là neh geh tu\ mờng sơbì bơsram kờ` ơm tàm hìu dong kờll hìu nhă lơh broă. Bơta tòm tài bèp Y Thật chơ\t gờ`, mè bao mờ cau ndai mờ deh dơ\ le\ 2 nă oh dềt, hìu nhă neh kal ke sơlơ kal ke rơlao. Bơta ngan, ală wa cau ling tàm pôs ling sền gàr tiah nhàr dà lơgar Đak Long g^t rài kis kal ke do, pà oh in priă bơsram pah nhai 500 rơbô priă, kờ` geh priă lời oh in lòt bơsram. Oh Y Thật đơs:

- Hìu oh kal ke ngan, mè glar bòl ngan ròng bol oh. Oh kờ` ơm tàm hìu dong kờl mè lơh broă. Ală wa cau ling sền gàr tiah nhàr dà lơgar dong kờl oh mờ oh geh lơh ngan bơsram jăk.

Kung tàm [òn Đak Ác, hìu nhă bi A Xu geh rài kis gơbàn kal ke ngan. Să tòm bi gơbàn kơl te jơng den tàng ờ gơtùi lòt lơh broă `jơ\, broă lơh sa hìu nhă gơbàn lir wil tàm bơta jơgloh rơ[ah, broă bơsram sră kòn in ờ di là broă kờ` hìu nhă dê. Tơnơ\ mờ uă nam ờ geh priă blơi gai cih, sră cih, bi A Xu neh kơlôi tus broă lời Y Xí , kòn ùr dờng bi dê gam gơsram ơdu\ 7 ơm ờ lòt bơsram, kờ` dong kờl hìu nhă lơh broă. Nùs nhơm chờ ni sơna tus mờ hìu nhă bi tu\ kuang bàng, cau ling sền gàr tiah nhàr dà lơgar tus hờ hìu jào priă bơsram oh Y Xí in. Bi A Xu đơs bè do:

- Cau ling pà broă blơi ào, mpha, ai kòn a` in lòt bơsram kờ` oh kòn bơsram jăk, kòn a` chờ ngan.

Jăt Mpồl đơng lam ling sền gàr tiah nhàr dà lơgar càr Kon Tum yal, tus tu\ do neh là nam dơ\ 5, priă bơsram pơlam oh lòt bơsram, neh geh mpồl ling do lơh tàm ală hìu bơsram tàm tiah nhàr dà lơgar. Tu\ do geh 58 nă oh geh rài kis kal ke geh dờp priă dong kờl do. Mờ 500 rơbô priă pah nhai, bal mờ broă sền gròi lam sồr bơh ală wa cau ling sền gàr tiah nhàr dà lơgar neh dong kờl ală oh geh pơn jăt tai bơsram dờng rơlao, geh cồng nha tàm broă bơsram sră jăk rơlao. Broă lơh geh kuơ màng do bơh mpồl ling sền gàr tiah nhàr dà lơgar dê, pơgru Trần Ngọc Mạnh, atbồ hìu bơsram cấp 2 Dân tộc Bán trú xã Đak Long pà g^t:

- Mùl màl hìu bơsram bơdìh mờ broă bơto mờ bơsram den broă dong kờl kơnòm bơsam geh rài kis rơ[ah đơs bak mờ 3 nă kơnòm bơsram do đơs is den hìu bơsram gơbàn kal ke ngan tài priă ờ tơl. Broă mpồl ling sền gàr tiah nhàr dà lơgar dong kờl ală oh in den ală oh geh tơl ing bè sră măy, sră cih, bơsram mờ geh tơl ală bơta kờ` ală oh in pơn jăt tai lòt bơsram. Broă dong kờlk den 2 nă oh pa do ală oh neh bơsram sơlơ ngai sơlơ jăk loh làng ngan.

Bal mờ broă dong kờl ală kơnòm bơsram kal ke tàm tiah nhàr dà lơgar, priă bơsram pơlam oh lòt bơsram bơh mpồl ling sền gàr tiah nhàr dà lơgar càr Kon Tum gam dong kờl tus ờ uă xã tàm lơgar Lào bal mờ lơgar Campuchia. Ală kơnòm bơsram dờp geh priă bơsram ndrờm geh nùs nhơm bơsram  sră sơlơ ngai sơlơ jăk. Thượng tá Nguyễn Bá Hưng, Phó kuang atbồ Chính trị, Mpồl đơng lam ling sền gàr tiah nhàr dà lơgar càr Kon Tum pà g^t:

- Ală kuang bàng, cau ling tàm mpồl ling do, ală jơdu\ lơh broă, ală mpồl lơh broă jăt gah nhàr dà logar, ală pôs ling sền gàr tiah nhàr dà lơgar bal mờ tiểu đoàn 19 ndrờm dờp lơh oh mi mờ tơl mpồl ling, tơl nă kuang bàng tàm mpồl đơng lam dờp ròng 2 nă oh tàm ală xã tiah nhàr dà lơgar mờ tàm ală xã đah ne càr Kon Tum rềp bal là lơgar Lào mờ lơgar Campuchia kờ` dong kờl ală oh geh tơl niam rơlao tai tàm broă bơsram sră, lơh ngan tàm broă bơsram sră mờ geh lơh kuang bàng tơnơ\ do ală xã dê. Tàm tơngai tus, bol a` pơlam mờ Đảng uỷ, mpồl đơng lam ling sền gàr tiah nhàr dà lơgar geh sùm mờ lơh broă do tàm broă lơh dờng rơlao, uă rơlao kờ` dong kờl ală oh ờ mìng bơh ơdu\ 1 tus ơdu\ 12 mờ gam lơh gơs tus mờ ală loh bơsram tàm hìu bơsram đại học, cao đẳng tai di lah ală oh geh tơl ngăc ngar bơsram sră uă rơlao tai.

Mờ nùs nhơm bal mờ kơnòl gơwèt tus mờ làng bol kis tàm tiah nhàr dà lơgar, broă lơh yang phe tàm gơboh lài do, hơ\ sồng broă dong kờl oh lòt bơsram bơh mpồl ling sền gàr tiah nhàr dà lơgar càr Kon Tum tu\ do dê gam pơn jăt tai ai bơta pràn g^t nđờ rơhiang nă oh tus lòt bơsram, kuang bàng, cau ling sền gàr tiah nhàr dà lơgar càr Kon Tum neh pơgồp bal kuơ màng tàm broă chồl pràn broă bơto bơtê mờ bơsram tàm tiah nhàr dà lơgar càr Kon Tum dê. Mờ ală bi, nùs nhơm chờ hờp dờng màng ngan hơ\ là ală kơnòm bơsram tàm tiah nhàr dà lơgar bơsram jăk, niam, gơlòng sồr, gơs cau geh kuơ mpồl bơtiàn in.

              Cau cih mờ yal tơng^t Ndog Brawl