VOV4.K’ho – Bulah pal uă nam bòl glar rồ ù nàng geh ù tam phan, rài kis hìu nhă dê gam kal ke, mơya cau ling sồt să Nguyễn Minh Quốc tàm xã Dà Rsal, kơnhoàl Dam Rông, càr Lâm Đồng neh ai is 8 sàu ù nàng lơh hìu bơsram. Jat ồng, ală bă ù do, ala mờ tam bùm lô, bùm blàng den lời ai nàng “tam cau” digơlan niam rlau:

Pơgap mờ do 20 nam, cau ling sồt să Nguyễn Minh Quốc lik lòt bơh [òn tờm xã Mỹ Lợi, kơnhoàl Phù Mỹ, càr Bình Định tus Tây Nguyên nàng bơt bơtàu lơh sa pa. Ồng lòt tus tiah ngài ngan rlau jơh bơh càr Lâm Đồng dê nàng lơh broă, hơ\ là xã Rô Men, kơnhoàl Lâm Hà – tu\ do là Dà Rsal, kơnhoàl Dam Rông.

Tàm ù tiah do, jơh ală là làng bol kòn cau, kis rah rài tềng ală dòr bơnơm. Rài kis làng bol dê bềng bòl glar kal ke, mờ ală hìu ơm ing geh lơh mờ gle đơr, tìm mờ nha; broă bơsram sră oh kòn dê kung kal ke ngan. Ồng Nguyễn Minh Quốc kah wơl: “A` rê bơh mpồl ling den jòi broă lơh nàng kis, pal tam is biap, jòi biap brê, geh piang sàu 3 dơ\ tàm ngai là kuơ màng ngan bloh, lơh broă bòl glar ngan. Tus ndo, go\ oh kòn gam bòl glar kal ke ngan. Hìu bơsram den lơh mờ pìr, mờ đơr, đah đăng den tìm mờ kơbàk. Pah tu\ mìu càl kơbàk gơtìp pơrtồ den kơnòm bơsram ờ gơtùi bơsram, sền bol khi nđàc ngan.”

Rlau 10 nam ơm tàm tiah brê, ồng Nguyễn Minh Quốc ờ ngòt bòl glar, kal ke, ngai mang rồ ù, pès ală [làng nhơt tơdau, brê gle, bơnơm ja; lơh ù tiah ro kơnra` gơs ală suơn tam phan gơs niam. Hời rơhời, ù tiah ngài mờ kal ke ngan do làng bol tus kis ngai sơlơ uă, jơnau kờ` bơsram sră bơh oh kòn dê ngai sơlơ uă, mơya kờ` jòi bă tiah ring, [uơn lơh hìu bơsram den kal ke ngan. Go\ bè hơ\, tàm uă nam sùm, ồng Nguyễn Minh Quốc neh ai is ală bă ù niam mờ ồng neh tuh dà kơl hề rồ geh nàng gơnoar atbồ mò gah bơto mờ bơsram in lơh hìu bơsram. Ồng đơs: “Đơs ngan sền gơ lơh nđàc ngan. Phòng giáo dục tu\ hơ\ ờ geh priă jền, hìu bơsram den kung ờ geh priă sơl, mờ ù tàm do tu\ hơ\ dilah kờ` jòi den kal ke ngan, den a` ai is ù nàng oh kòn he in geh tiah bơsram. Nam 2005, ai kơnhoàl Lâm Hà in 4 sàu 3 chuồng nàng lơh hìu bơsram cấp 1 mờ cấp 2. Nam 2006, tu\ neh tam cah is kơnhoàl Dam Rông den hìu nhă ai tai kơnhoàl Dam Rông in 697 chuồng ù nàng lơh hìu bơsram cấp 2. Tus nam 2008 den hìu  bơsram gam hat ir, den tàng hìu nhă ai tai hìu bơsram in 2 sàu ù nàng lơh hìu bơsram pa mờ lơh [làng hìu bơsram.”

Bè hơ\ là rlau 8 sàu ù cèng mat sơnđan ồng Nguyễn Minh Quốc neh geh cau tờm atbồ pa geh sơnđan: Hìu bơsram cấp 1 Lương Thế Vinh mờ hìu bơsram cấp 2 Lê Hồng Phong. Bal mờ ală hìu bơsram pa dờng niam, den bă tiah ơm kis ai cau pơgru in kung geh lơh rềp bal tơn. Ală cau pơgru kơnòm să sơrlèt rlau 50 kơi sồ gùng kùel bơh thị trấn Đinh Văn, kơnhoàl Lâm Hà tus ndo lơh broă, tàm uă nam sùm pal ơm tàm ală hìu kù, tual tang lơh ing, tu\ do neh geh anih ơm niam kơljap. Chờ hờp tài oh kòn geh hìu bơsram niam, cau pơgru geh tiah ơm pa, ùr pơgru Lê Thị Hoa, hìu bơsram cấp 2 Lê Hồng Phong, xã Dà Rsal, kơnhoàl Dam Rông đơs: “Hìu nhă wa Quốc dê geh nùs nhơm niam ai is ù gơnoar atbồ tàm [òn lơgar in, mờ mùl màl là hìu bơsram Lê Hồng Phong, dùl bă ù bè hơ\ den làng bol mờ gùt mpồl bơtiàn ngoh rơngac ngan. Là dùl nă cau pơgru den ưn ngài ngan hìu nhă wa mờ ngan là tơl nă cau geh bơsram, đòm jat broă lơh niam wa dê tă pơgồp uă rlau ai tus gah bơto bơsram in nàng broă bơto bơsram rơnàng kơnòm să in ngai sơlơ niam rlau.”

Hơ\ kung là bơta sền ngềr, nùs nhơm kah ưn ngài bơh ală mè bèp geh oh kòn gam bơsram tàm ală hìu bơsram do. Mò Nguyễn Thị Mộng Kiều, mè oh Nguyễn Thanh Tâm, kơnòm bơsram cấp 2 Lê Hồng Phong, xã Dà Rsal, kơnhoàl Dam Rông đơs: “Là dùl nă cau geh kòn bơsram tàm hìu bơsram Lê Hồng Phong, dan ưn ngài nùs nhơm niam bè wa Quốc neh ai is rlau 1 sàu ù hìu bơsram in nàng ală sau geh tiah nhơl `o\, dong ală sau bơsram niam rlau.”

Rlau 20 nam bơh tiah tàm gùl lơgar tus Tây Nguyên bơt bơtàu lơh sa pa, cau ling sồt să Nguyễn Minh Quốc ờ mìng lơh ală [làng nhơt tơdau, brê gle ro kơnra` gos ală suơn tam phan gơs niam, mờ gam ai is 8 sàu ù nàng lơh hìu bơsram. Jat ồng, ală bă ù niam gơs geh rồ mờ dà kơl hề, ờ mìng nàng tam chi, mờ gam lời nàng bơto bơtê gơs rơnàng tơnơ\ do ai broă lơh tam cau in.

           Cau cih mờ yal tơnggit K’Duẩn