VOV4.K’ho – Rê wơl mờ rài kis ờs mờng pah ngai tơnơ\ rài tam lơh, mờ bơta sồt mồr tàm să ja` là 4/4, cau ling sồt să Vũ Xuân Trà tàm [òn 6, [òn drà Ea Drang, kơnhoàl Ea H’leo, càr Dak Lak ờ mìng lơh ngan brồ guh lơh pas ai să tờm he in lơm gời mờ gam sùm geh nùs nhơm dong kờl cau lòt ling bal, cau r[ah. Gơ wèt mờ ồng, bơta chờ hờp pah ngai là geh tam pà bal mờ ală cau lơi kal ke rlau mờ he.

Rê wơl bơh ală nam nhai tam lơh bòl glar kal ke tàm tiah tam lơh tiah nhàr lơgar đah jum mat tơngai mu\t, nam 1986, cau ling yau să ja` gơtìp sồt să 4/4 Vũ Xuân Trà bal mờ pơ ùr mờ ală kòn bơh tiah đah tô dà lơgar tus tàm tiah lơh sa pa tàm kơnhoàl Ea H’leo, càr Dak Lak. Ală ngai sơnrờp, rài kis gam uă ngan kal ke, mơya mờ bơta lơh ngan jơh nùs bal mờ bơta pràn jak bơh cau ling dê geh bơh tàm tu\ tơngai tam lơh neh dong ồng lơh ngan sơrlèt gan. Bơh 2 sàu ù geh blơi bơh priă dong kờl tơn jơh jơgloh tơrmù r[ah, tus tu\ do, hìu bơnhă ồng neh geh anih lơh sa sươn dờng ơnàng 5 lồ mờ nggùl tam kơphê, tiêu mờ kă bro phan drơng broă `ô bau. Ală nam rềp ndo, pah nam, hìu bơnhă ồng lơh geh mờr 1 tơmàn priă tơnơ\ tu\ kờp jơh priă tă lơh. Ồng Vũ Xuân Trà, đơs: “Bơh sơnrờp pa tus, rài kis hìu bơnhă tìp uă ngan kal ke. Uă tu\ tồn lah ờ jai sơrlèt gan geh, hơ\ sồng geh bơta dong kờl pơn dờm pơnđiang bơh gơnoar atbồ tiah do dê, să tờm a` kung lơh ngan jơh nùs jơh pràn, a` jơh nùs lơh broă lơh sa, rơhời hìu bơnhă a` kung geh sơl phan sa phan prăp”.

Cau ling sồt să Vũ Xuân Trà

Ờ mìng lơh pas ai să tờm in lơm gời, bơh nam 2009, sền go\ uă cau lòt ling bal geh rài kis kung gam kal ke sơl, ồng neh bơyai mờ pơ ùr, pah nam tă bơh 50 tus 70 tơlak priă ai oh mi tàm mpồl cau ling yau in càn nàng geh priă bơtàu tơnguh lơh sa mờ ờ go\ sa priă cồng. Nàng dong ală hìu bơnhă cau geh màng mờ dà lơgar geh rài kis kal ke, pah nam hìu bơnhă ồng pà bơh 2 tus 3 sră tềm pềr priă (tơl sră geh 1 tơlak priă). Ồng gam ai ală oh kòn bơh ală cau ling yau dê mu\t lơh broă hìu bơnhă he dê in. Tu\ do, pah nam, anih lơh sa sươn dờng lơh broă sa sươn sre bơh hìu bơnhă ồng dê lơh geh broă lơh broă sa ai rlau 20 nă cau lơh broă là oh kòn hìu bơnhă geh rài kis kal ke mờ priă nhai là bơh 7 tus 10 tơlak dùl nhai. Ồng Hoàng Ngọc Thành, ơm tàm [òn 6, [òn drà Ea Drang, kơnhoàl Ea H’leo, càr Dak Lak, là dùl tàm ală cau lòt ling bal geh ồng Trà dong kờl, đơs bè do: “Nam 2008, rài kis hìu bơnhă gam kal ke, wa Trà pà a` in càn 20 tơlak priă nàng blơi măy mok ai a` in lơh sa. Tơnơ\ tu\ geh bơta dong kờl bơh wa Trà dê tus mờ hìu bơnhă a`, den tus tu\ do rài kis hìu bơnhă ngai sơlơ bơtàu tơnguh bè lơh sa pơndrờm mờ lài. Wa Trà sùm sền gròi dong kờl tàm rài kis oh mi tàm mpồl cau ling yau in, ngan ngồn là dong bàr pe nă cau bơtàu tơnguh lơh sa”.

Là kuang atbồ Mpồl cau ling yau [òn 6, [òn drà Ea Drang, kơnhoàl Ea H’leo, ồng Trà jơh nùs hòi jà uă cau tàm mpồl crơng gơs bal mpồl lơh broă niam. Pah nhai 2 dơ\, ală cau tàm mpồl tus bal tru\ gơm bơh 200 tus 250 bơnah phan sa ờ sa priă (kờp priă tơl bơnah phan sa là 25 rbô đong) pà ală cau kòp r[ah gam sơm kòp tàm Hìu sơnơm kơnhoàl Ea H’leo in. Gơ wèt mờ ală oh dềt kal ke, nam lơi mpồl lơh broă niam kung hòi jà tă pơgồp, lam bơi sră măy sră cih, mờ gai cih nàng pà ală oh in di tàm Ngai sơntờm mu\t nam bơsram pa. Ồng sùm đơs, dong geh cau ndai hơ\ ngan là bơta chờ hờp, den tàng bè hơ\, pah tu\ kơno yal tàm tiah lơi geh hìu bơnhă lơi gơtìp kal ke là ồng Trà ndrờm lời tu\ jiơ nàng lòt còp mờ tu\ lơi kung jơh nùs dong kờl lơm. Ồng Trần Quang Thắng kuang jat jơng atbồ Mpồl cau ling yau kơnhoàl Ea H’leo, pà gi\t: “Ồng Vũ Xuân Trà là cau atbồ mpồl cau ling yau [òn. Să tờm ồng hơ\ jơh nùs ngan tus bal tàm jơh ală srơh broă lơh tàm tiah ơm kis. Dùl nă cau pơnrơ jak lam lài bơh mpồl cau ling yau kơnhoàl Ea H’leo dê đơs bal mờ [òn 6 dê đơs is”.

Jơnau yal bè bơta pràn jak lơh ngan sơrlèt gan tàm rài kis mờ nùs nhơm kờ` gơboh kòn bơnus bơh cau ling sồt să Vũ Xuân Trà dê ờ mìng tơngo\ bơta kờ` gơboh, nùs nhơm cau lòt ling bal, mờ gam lơh niam tai rùp rài cau ling wa Hồ tàm rài lơngăp lơngai tu\ do.

Cau mblàng Lơ Mu K’ Yến