VOV4.K’ho- Mờ gơnoar broă là Chủ tịch Mpồl cau ling yau kơnhoàl Dak Song, càr Dak Nông dê ồng Nguyễn Đình Liên lam lơh jat nùs nhơm  “ Cau ling wa Hồ” lơh krơh niam, kơnòl mờ lam lài tàm broă lơh. Mờ jơnau đơs “ ai [òn lơgar nàng lơh jơnau kờ` lơh broă” ồng ờ mìng lơh pràn ală srơh mpồl dê lơm gời mờ gam lơh jat nùs nhơm dong kờl bal cau tàm mpồl tàm rài kis mờ tàm broă lơh sa.

Neh tus bal tàm mpồl kuang bàng jak chài mờ ling dong kờl is lơh kơnòl broă dunia tàm lơgar gơ\p bơyô Lào dê tàm ală nam 80 bơh rài lài dê, ồng Nguyễn Đình Liên neh g^t loh nùs nhơm cau ling bal, tàm dong kờl bal tài mpồl bơtìan. Tơnơ\ tu\ jơh lòt ling, ồng Liên geh jàu lơh broă tàm gah brê bơnơm tus dì tu\ jơh sơnam lơh broă. Nam 2017, tu\ dờp kơrnoat jơh sơnam ơm rlô lơh broă, tồn lah geh ơm rlô tơnơ\\ rlau 35 nam lơh broă, mơya ồng Liên geh kơnhoàl Dak Song pin dờn mờ jàu at gơnoar broă Chủ tịch Mpồl cau ling yau kơnhoàl dê

Tàm gơ noar broă pa, ồng Liên sùm tơnguh uă nùs nhơm kơnòl bơh he dê tàm broă lơh. Ồng neh bơt bơtàu “ 3 jơnau kờ` tờm ngan” tàm broă lơh mpồl dê mờ lơh ngan jòi ală gùng dà broă lơh tờm kuơ màng nàng dong kờl ală hìu bơnhă cau tàm mpồl mờ làng bol tàm ù tiah kơnhoàl in bơtàu tơnguh lơh sa, bè ờs wơl rài kis

Ồng Liên pà g^t: Mpồl cau ling yau kơnhoàl Dak Song gam geh 2 rơbô 62 hìu bơnhă geh rài kis kal ke kờ` geh dong kờl. Tàm ală hìu bơnhă hơ\ geh 80 hìu bơnhă r[ah, 84 hìu bơnhă ndrờm bè r[ah mờ 30 hìu bơnhă geh hìu sềt `hat dà mìu . Bơdìh hơ\ tai, tàm ù tiah kơnhoàl dê kung gam geh uă cau geh rài kis kòp tê jê să jơ gloh r[ah, ờ tơl priă bơcri, ờ tơl bơta mờng chài lơh sa… Den tàng bè hơ\, să tờm ồng dê gơ lơh pal geh kơnòl dong kờl, pơn dờm pơn iang khi in lơh ngan brồ guh lơh sa, bơtàu tơnguh lơh broă sa.

Jat ồng Liên, nàng lơh jat ală broă lơh dong kờl làng bol tơn jơh jơ gloh, tơr mù r[ah geh cồng nha, Mpồl cau ling yau kơnhoàl neh kờp sền, đal g^t ală jơnau gơbàn lơh ală hìu bơnhă gơtìp kal ke, jơnau gơ bàn tài mbè lơi kal ke ngan nàng lik klàs r[ah. Tơnơ\ hơ\, Mpồl ai gùng dà broă lơh bơsong ală jơnau gơbàn nàng dong làng bol klàs r[ah. Ồng Liên đơs là: broă dong kờl ờ di mìng tàm dùl ngai, 2 ngai  là làng bol gơtùi klàs r[ah ờ. Den tàng, pal geh bơta tàm bơyai bal, pơn dờm pơn iang nàng làng bol ngan ngồn lơh nền lik klàs r[ah. Nàng bơh hơ\, broă lam lơh ală broă lơh, rơndap broă hơ\ sồng lơh geh cồng nha.

Ai gùng dà broă lơh “ Làng bol pal kah rơngal is să tờm he dê” là jơnau đơs lơh broă, Mpồl cau ling yau kơnhoàl Dak Song đơs là gùng dà broă lơh, rơndap broă lơh dong kờl phan lơi kờ` pal geh, cèng wơl bơta kuơ ngan ngồn den geh dong kờl jơh nùs jơh tồr ai làng bol in.

Pơn yơu bè, bơh broă lơh nùs nhơm cau ling bal, bơh bồ nam tus tu\ do, Mpồl cau ling yau kơnhoàl dê neh bơt bơtàu geh 3 nơm hìu nùs nhơm cau ling bal ai ală hìu bơnhă ồng Bàn Xuân Hạnh, ơm tàm xã Dak N’Drung; hìu bơnhă ồng Đoàn Văn Suốt, ơm tàm xã Nam Bình mờ hìu bơnhă mò Nguyễn Thị Na, ơm tàm xã Thuận Hạnh. Halà bè tàm nam 2019, jơh gùt Mpồl cau ling yau kơnhoàl dê geh 17 hìu bơnhă cih mat dan lik klàs r[ah. Bơh hơ\, mờ kes priă “ Tài cau r[ah” Mpồl cau ling yau kơnhoàl neh dong kờl phan bơna lơh broă, sơl tìl phan tam, phan ròng ai ală hìu bơnhă do in. Tus tu do, bơh broă lòt sền, 17 hìu bơnhă cih mat dan lik klàs r[ah nam 2019 sền bal là neh jơh r[ah.

Nàng lơh jat geh cồng nha broă lơh tơrmù r[ah ai cau tàm mpồl ling yau in, ồng Liên ờ ngòt  tiah ngai halà rềp, lời wơl dùl gah broă hìu bơnhă dê nàng sùm geh mat tàm [òn lơgar. Ală thôn, [òn kal ke, ală hìu bơnhă geh cau kòp kơn jơ\, ờ tơl phan là ồng sùm geh mat di tu\ mờ jòi broă dong kờl. Ồng sùm kơlôi là, ờ ơm kơ\ tàm [òn lơgar là ờ di là lơh broă ngan ngồn. Den tàng, ală dơ\ pơrjum kuơ màng geh gơ rềng tus rài kis làng bol dê, ồng ndrờm sồr bơyai lơh tàm ală thôn, [òn. Do là broă mờ ồng Liên kơ\p kờ` lơh pràn broă lơh wèt tus mờ [òn lơgar, g^t loh làng jơnau gơbàn r[ah bơh cau tàm mpồl cau ling yau dê nàng dong kờl lik klàs r[ah geh anih loh làng.

Cau mblàng K’ Hạnh