VOV4.K’ho - Bu\ lah tàm bơta sră [ăo lơi, ală cau ai tơng^t jơnau đơs sùm jơh nùs, sơlèt mờ ală kal ke, geh tu\\ là ngòt rơngơ\t ngan kờ` geh jơnau tôngt mờ jơnau cih mùl màl, niam tus mờ cau sền, cau iăt in. Mờ broă kơ` gơboh mờ broă lơh, ală cau lơh [ăo neh là ală cau gàr sùm bơta niam bơh broă lơh [ăo ai broă lơh [ăo sùm duh hồl tàm ală jơnau cih, jơnau yal tàm tơl sră [ăo.

Di gơlan ală cau bơgoh kờ` mờ coh plai ờ tu\ lơi hu^ mờ săp đơs mpong niam bơh ồng Đình Khải, ồng geh cau sơnđan là “Cau cih wơl dơ\ pơrlòng coh plai mờ jơnau đơs”. Sơn đờm lơh broă tàm Anih pờ tơl^k jơnau đơs tàm nam 1973, mờ kung bơh tu\ hơ\ ồng lời wơl bơta niam tàm nùs nhơm cau kờ` gơboh mờ coh plai mờ ală jơnau đơs niam, geh logic.

Uă cau g^t ồng là dùl nă cau turi coh plai niam ngan mơya ờ hoan geh cau g^t là, đah ngkời bơh dùl nă cau turi Đình Khải là dùl nă cau lơh [ăo uă bơta. Ală ngai tam lơh gal ke, ồng bal mờ cau tàm mpồl neh tus tàm tiah tam lơh kờ` geh aloă jơnau tơng^t mhar, di tu\ pờ tơl^k tàm anih pờ tơl^k jơnau đơs Việt Nam. Kung gam mờ săp mpong niam, pràn, cau lơh [ăo Đình Khải ngoh rơngăc ngan tu\ kah wơl ală nam nhai tus bal tam lơh Hồ Chí Minh:

-Anih pờ tơl^k jơnau đơs Việt Nam, mpồl kuang bàng, cau ai tơng^t jơnau đơs lòt bal tàm tiah tam lơh ờ uă. Den tàng, ală jơnau tơng^t bơh tiah tam lơh den oh mi kuang bàng ai tơng^t jơnau ndrờm geh ai, ndrờm pơyoa di tu\ tus hờ bơdìh do kờ` pờ tàm jơnau đơs, tàm hơ\ geh bal jơnau tơng^t ndrờm geh pờ di tu\...

Lơh broă tàm anih pờ tơl^k jơnau đơs Việt Nam rơlao 20 nam, cau lơh [ăo Nguyên Long neh gơs là cau đềt mềr mờ ală jơnau cih, jơnau đơs pràn kơl dang ngan bè đah lơh sa.

Ală bơta àng, jơngo bơh broă lơh sa jàng lah kră kơl dang, mơya mờ nùs nhơm kờ` gơboh kờ` jòi sền mùl màl bơh broă gơl^k geh, cau lơh [ăo Nguyên Long neh sùm lơh broă bal mờ anih lơh sa kă bro bal mờ làng bol cih wơl ală jơnau mùl màl bơh tàm ală jơnau cih sră [ăo  geh khà pơn jờng dờng. Cau lơh [ăo Nguyên Long pà g^t:                                                        

-Tàm tơngai lơh broă den kung geh ờ uă jơnau cih kung geh khà pơn jờng sră [ăo dà lơgar dê bè “~ìm tàm tiah tam phan” ha là “Geh gơnoar is xăng, jờu: hoàc huơr bơh cơ chế lơh ờ di pal” mờ pa do ngan là jơnau “Lơgar Việt Nam geh bơta lơi tu\ mu\t bal mờ Hiệp định lơh broă bal tơl ală bơta mờ gơguh jăk gan dà lềng Thái Bình Dương (CPTPP)” geh khà bàr pơrlòng sră [ăo gùt lơgar bè jơnau tơng^t broă lơh bal mờ lơgar ndai. Gơtùi đơs, ală broă geh dờp bè ală jơanu cih do neh ai geh bơta pràn, dong kờl să tòm he gơboh mờ broă lơh rơlao,…

Ờ di mờ đah lơh broă sa kră kơl dang, cau lơh [ăo Cẩm Thuý, kuang atbồ đah Văn hoá Nghệ thuật, sră [ăo Đại đoàn kết den đềt mềr mờ đah chài rơgơi đơs crih tamya bơh tu\ pa rơ\p mu\t lơh [ăo. Broă sền wơl, kờ` bal bơh cau sền [ăo neh cèng wơl lo\ in ală bơta chờ, bơta gơboh gơbài dờng màng ngan mờ ờ di broă lơh lơi kung geh:

-Lơh sră [ăo lơh să tòm in ờ dil tu\ mờ tơl sồ [ăo, tơl tơngu me, tơl dơ\ tìp là dùl dơ\ pa ngan, he gơlơh bè geh tìp tai ală jơnau ngăc nngar kuơ màng mờ bơta do là bơta kuơ màng ngan. Rơlao mờ hơ\ tai, tơl jơnau cih [ăo mờ he geh cih gơs mờ cau sền kờ` den kung là bơta niam lam sồr kờ` he pơn jăt tai gàr sùm nùs nhơm kờ` gơboh mờ broă lơh.

Đơs tus cau lơh [ăo Đỗ Doãn Hoàng, cau ai tơng^t jơnau Báo Lao động, cau geh kơlôi mơ tus mờ ală jơnau tơng^t, lùp sền bè ală broă kal ke tàm mpồl bơtiàn: “Hu^ gùng tềng tiah jơng Bù bơklao bèp”, “Ală bơta cau cèng rùp jơnau lùp”, “Jòi cave”…

Rơlao 20 nam lơh broă, bi neh 4 dơ\ geh khà pơn jờng sră [ăo dà lơgar mờ g^t nđờ 10 khà pơn jờng sră [ăo, jơnau cih ndai. Nam 2015, Đỗ Doãn Hoàng geh rơwah pồ gơs cau lơh [ăo jăk chài ngan tàm đah lùp sền tam dră mờ broă gơsơ\t aniai, kă bro phan kis tàm brê. Đơs bè broă lơh [ăo, Đỗ Doãn Hoàng yal: “A` ờ đơs hơ\ là nùs nhơm kờ` gơboh, mờ hơ\ là broă ting jăt”:

-A` ờ ngui jơnau đơs kờ` gơboh mờ ngui jơnau di gơlan pràn kơl dang rơlao, di gơlan là jê rơlao là ting jăt. Bol a` pal ting jăt bơta ring lơngai bơh să tòm kờ` mu\t tàm broă lơh. Tài di lah he go\ oh kòn he, rơnàng tơnơ\ do gơtìp cau lơh aniai, sa kuề sa koà den he hơ\ sồng go\ bơta ờ ndrờm bal bơh bol a` dê là di pal mờ broă bol a` dờp ting jăt kờ` đơs tus mờ ală pal đơs di jăt mờ nùs nhơm să tòm là di pal ngan.

Gơwèt mờ ală cau ai tơng^t jơnau ơm lơh broă hờ lơgar bơdìh, tu\ lơh broă sră [ăo den kung geh ală bơta ờ su\k ơm is. Cau ai tơng^t jơnau Phạm Huân, lơh broă tàm anih pờ tơl^k jơnau đơs Việt Nam tàm tiah đah tô châu Mỹ mờ châu Mỹ Latinh yal, gơwèt mờ bi, lơh broă tàm dùl tiah ơnàng bè đah tô châu Mỹ, tàm hơ\ bơta tòm là lơgar Mỹ, dùl lơgar dờng tàm dunia den bi pal lơh broă ờ g^t tus tàm tu\ lơi, lơh bè lơi di tu\ ai jơnau tơng^t tus mờ ală broă tàm dunia kuơ màng kờ` cau iăt tàm lơgar in.

Pa do ngan, ngai 07 nhai 6, tàm dơ\ pơrjum geh bơyai lơh tàm hìu lơh broă Liên Hợp Quốc, hừ nùs tơnơ\ mờ săp tàp tê bơh ală bơyô dunia chờ gờm lơgar Việt Nam gơs là 1 tàm 5 lơgar ờ mùl màl tàm Hội đồng bảo an Liên Hợp Quốc, cau ai tơng^t jơnau Phạm Huân neh yal mơ bơta ch do bơh tàm anih pờ tơl^k jơnau đơs Việt Nam. Cau ai tơng^t jơnau đơs Phạm Huân yal, hơ\ là ală tu\ kah ngan:

-Tu\ tơrbo\ bal bal jơnau đơs den tu\ hơ\ a` kung ờ kơlôi bơdìh bơta krơi is lơi bơdìh mờ broă pal lơh bè lơi kờ` ai jơh jơnau tơng^t mờ he pa geh sền tus mờ cau iăt in mhar ngan mờ tơl ngan. Ngoh rơngăc ngan di gơlan là tu\ lơh gơs broă, hơ\ hơ\, hơ\ sồng geh tơngai sền wơl ală pang rùp neh ku\p geh mờ yal wơl ală jơnau mờ he neh pơyoa tus.

Mờ tu\ hơ\, hơ\ sồng go\ là he mùl màl bơtoah ngan tài ờ di cau ai tơng^t jơnau đơs lơi kung geh tus mờ ală broă lơh dờng bè hơ\. Mờ kung go\ pơny ờ să tu\ geh pơgồp bal tàm broă ai jơnau tơng^t hơ\ mhar ngan tus tàm lơgar Việt Nam bơh anih pờ tơl^k jơnau đơs Việt Nam dê.

Sră [ăo geh sền là dùl gah broă lơh krơi is, den tàng cau lơh [ăo pal mờ cau ngăc ngar mờ geh lơh broă sùm. Broă lơh [ăo ờ gơtùi kơrian ală broă lơh lơi, bơta do kung ndrờm là tơl nă cau lơh [ăo pal kờ` gơboh, bơceh pa mờ lơh broă, bè jơnau Bác Hồ neh nting sồr ală cau lơh [ăo kăc màng Việt Nam là: “Sùm sùm jòi go\ tàm mùl màl niam bơh broă lơh jăk chài bơ\t bơtàu mờ sền gàr dà lơgar geh tơngu me uă ngan,  phan pa uă kờ` bơceh, den tàng ală jơnau cih sră [ăo geh bơta niam, pơgồp bal tàm broă chồl pràn mpồl bơtiàn tơnguh bơtàu ngai sơlơ niam bơne\ rơlao”.

Cau mblàng Ndong Brawl