VOV4.K’ho – Jơh gùt tu\ tơngai kah yau pơn rơ ngan 70 nam crơng gơs mờ bơtàu tơnguh bơh Anih jơnau đơs Việt Nam dê, ồng Trần Văn Đốc sùm pơnìơ să neh lơh broă măy mok pờ tơlik jơnau đơs tàm sùm 40 nam do. Sơlơ chờ hờp rlau tai, pơ ùr ồng dê kung lơh broă hơ\ sơl bal mờ ală kòn lơh broă bè bèp dê sơl, pơ gồp bơnah sơlơ bơtàu tơnguh rlau tai broă lơh pờ tơlik jơnau đơs bơh Anih jơnau đơs Việt Nam dê sơlơ kơno tus ngài, tus tiah ngài ngan…

Nam 1970, klau pơnu mat sơnđan Trần Văn Đốc bơh [òn tờm là tiah tam uă kòi Thái Bình mu\t lơh broă drơng măy mok pờ tơlik jơnau đơs tàm Anih jơnau đơs Việt Nam, mờ broă lơh tờm là lơh niam wơl ală măi mok ờ diơng mờ crăp ală măi mok tàm Anih pờ tơlik jơnau đơs Mễ Trì. Mìng bàr nam tơnơ\ hơ\, lơgar Mỹ ngui rơndeh bar B52 đùh [ồm tus càr lơgar Hà Nội, Anih pờ tơlik jơnau đơs Mễ Trì là anih dờng màng ngan, den tàng kung gơtìp rơndeh par đùh [ồm lơh tơrlah tơrling jơh, Anih jơnau đơs Việt Nam nisơna ờ pờ tơlik tai jơnau đơs mờr 9 phuk, làng bol mờ cau ling gùt lơgar gơlơh gơ rơm să mờ kơlôi rcang ngan.

Bal mờ ling klàng mờ làng bol càr lơgar Hà Nội 12 ngai mang lơh gơs Tam lơh pha lin kah yau “Hà Nội- Điện Biên Phủ hơđang kơlwàng trồ”, ală cau drơng măy pờ tơlik jơnau đơs bè ồng Trần Văn Đốc tu\ hơ\ kung ngai mang sùm “lơh broă” tàm bơta đùh [ồm lơh aniai uă ngan nàng sền gàr kơ\ kơl jăp anih pờ tơlik jơnau đơs dà lơgar dê. Broă lơh hơ\, jat ồng Đốc là gơlơh pơnìơ să ngan. “Rơnàng kơnòm să bol a` tàm tu\ hơ\ gơlơh pơnìơ să ngan geh lơh broă pờ tơlik jơnau đơs, broă lơh hơ\ là dờng màng ngan. A` kah ngan rlau jơh là tàm gùl nam 1972, oh mi geh jơnau sồr ntrờn lik bơh anih prăp phan anih pờ tơlik jơnau đơs Mễ Trì lòt ntrờn tus Quốc Oai, crăp măi mok tàm anih pờ tơlik jơnau đơs CK2, tàm trồm rơgồng bơnơm Vàng. Bol sò tơm lơh aniai uă dơ\ ngan, bulah bòl glar kal ke ngan mơya oh mi bol a` kung gam chờ hờp chờ hờn sơl lơh broă ngai mang sùm; lơh broă sùm nàng pờ tơlik jơnau đơs. Bol sò tơm lơh aniai sùm 12 ngai mang, oh mi bol a` lơh broă sùm tàm trồm rơgồng, pờ tơlik jơnau đơs di tu\, sền gàr niam ờdo ờdă mờ tơnguh jơnhoa bơngă Jơnau đơs Việt Nam”.

Bồ nam 1973, mờ bơta pha lin kah yau bơh Kơrnoat pơrgon Pari, tơn jơh tam lơh, ring lơngai geh wơl, ồng Trần Văn Đốc bal mờ ală cau lơh broă măy mok pờ tơlik jơnau đơs bơh Anih jơnau đơs Việt Nam dê lòt gùng bơ\t bơtàu uă anih pờ tơlik jơnau đơs tàm làm gùt ù tiah pôs đồng kăc màng tàm ală tiah ngài ngan bè Cao Bằng, Tân Trào, Bắc Kạn, Lạng Sơn, Tiah đah tô mat tơngai mu\t dà lơgar, Việt Bắc, Lào Cai, Hoà Bình…Mờ ồng kung bal mờ mpồl cau lơh broă măy mok uă dơ\ lòt tus lơgar Lào nàng crăp, lơh niam wơl ală măy mok pờ tơlik jơnau đơs, sơnio rùp ai Anih pờ tơlik jơnau đơs dà lơgar Lào in.

Tơngklàs tiah đah jum dà lơgar, ù tiah dà lơgar tơrgùm dùl, cau lơh broă măy mok Trần Văn Đốc dùl dơ\ tai lòt gùng tus tiah đah jum dà lơgar, tus bal atbồ, lơh niam wơl, crăp mờ lơh pa anih pờ tơlik jơnau đơs tàm ală tiah tàm tiah tàm gùl lơgar; bơh Thừa Thiên- Huế tus Đà Nẵng, Bình Định tus Khánh Hoà. Ală anih lơh broă gơtìp tam lơh lơh aniai uă ngan, neh geh ală cau lơh broă măy mok pờ tơlik jơnau đơs mhar lơh niam wơl, mờ ai lơh broă wơl. Hơ\ sồng ồng dùl dơ\ tai bal mờ mpồl cau lơh broă măy mok pơn jat tai lòt gùng tus tàm ală càr tiah đah mat tơngai lik, tiah đah jum mat tơngai mu\t dà lơgar, crăp lơh ală anih pờ tơlik jơnau đơs drơng dơ\ tam lơh tàm tiah nhàr lơgar đah jum mat tơngai mu\t dà lơgar in.

Rê wơl hờ càr lơgar Hà Nội, ồng tus bal lơh broă dờng bơ\t bơtàu Anih pờ tơlik jơnau đơs VN1 geh lơh dờng ngan rlau jơh tàm tiah Đah jum mat tơngai lik châu Á. Gơ wèt mờ ồng, geh lơh broă bal mờ mpồl cau mờng chài, cau lơh broă măy mok bơh lơgar Liên Xô lài do dê mờ jơh ală măy mok, phan ngui, măy mok pờ tơlik jơnau đơs pa ngan nàng bơ\t bơtàu anih pờ tơlik jơnau đơs ai Anih jơnau đơs Việt Nam in là bơta chờ hờp dờng ngan tàm broă lơh. Mờ do kung là tiah geh ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar bal mờ ală kuang bàng đơng lam bồ Đảng mờ Dà lơgar sền kơrnoat ai pờ tơlik jơnau đơs tàm dà lềng đah mat tơngai lik tàm nam 2009.

25 nam lơh broă măy mok pờ tơlik jơnau đơs, lơh broă bòl glar kal ke ngan tàm rài tam lơh bềng gar [ồm phàu crong dờng, tus tàm tiah đah tô mu\t tàm tiah đah jum mờ uă dơ\ tus tàm lơgar Lào lơh kơnòl broă dunia dờng màng, mơya tồn lah geh ơm wơl lơh broă tàm càr lơgar Hà Nội, mơya broă lơh măy mok pờ tơlik jơnau đơs dùl dơ\ tai jun ồng tus mờ ù tiah Tây Nguyên bềng tơngai mờ càl dờng. Hơ\ là tàm nam 1994, ồng Trần Văn Đốc bal mờ mpồl kuang bàng bơh Anih jơnau đơs Việt Nam dê tus atbồ Anih pờ tơlik jơnau đơs Dak Lak tàm [òn dờng Buôn Ma Thuột.

Do là anih pờ tơlik jơnau đơs bơh rài atbồ yau dê geh bơ\t bơtàu bơh nam 1960, neh ờ gam niam tai. Tơnơ\ tu\ tus lơh broă atbồ, geh bơta sền gròi ai priă jền bơh Anih jơnau đơs Việt Nam dê, Anih pờ tơlik jơnau đơs Dak Lak geh lơh niam wơl tơl jơh. Mờ ù tiah ơnàng mờr 20 lồ, anih pờ tơlik jơnau đơs geh lơh pơng gàr kơ\ kơl jăp. Jrong ang ten pờ tơlik jơnau đơs jơnhoa mờr 200 thơk bal mờ ală măy mok geh lơh niam pa jơh, pràn lơh broă uă ngan, tơl nàng pờ tơlik jơnau đơs tus làm gùt ù tiah Tây Nguyên dờng ơning ơnàng in, mờ tu\ jiơ pờ tơlik là 20 tàm 24 jiơ tàm ngai. Bal mờ broă  dờp pờ tơlik jơnau đơs VOV1, VOV2, do kung là tiah pờ tơlik jơnau đơs mờ uă dà đơs kòn cau VOV4.

Gi\t Tây Nguyên là [òn tờm dơ\ 2 bơh he dê, ồng Trần Văn Đốc neh lam jơh dùl hìu bơnhă mu\t tàm do ơm kis, hơ\ sồng ơm kis mờ lơh broă măy mok pờ tơlik jơnau đơs. Tàm Tây Nguyên, Anih pờ tơlik jơnau đơs Dak Lak là dùl tàm ală anih kuơmàng, kờ` pal geh sền gàr niam. Kuơmàng tàm ală nam 2001, 2004, bol ờ niam bơchồt pơrlồm, hoài jà, lơh gơlik bơta lik dră, anih pờ tơlik jơnau đơs bơh ồng Đốc dê atbồ dùl dơ\ tai geh sơlơ sền gàr niam, sền gàr niam ờdo ờdă ngan, sền gàr kơ\ anih pờ tơlik jơnau đơs dà lơgar dê.

Sùm tàm 40 nam lơh broă jơh nùs mờ broă lơh măy mok pờ tơlik jơnau đơs, sơrlèt gan rài tam lơh bềng [ồm mền phàu crong dờng, lòt làm gùt ù tiah dà lơgar mờ geh tu\ lòt tus lơgar ndai, hơ\ sồng tus tàm Tây Nguyên, ồng Đốc kung mìng lơh broă hơ\ lơm. Tu\ do, neh rê rlô lơh broă, hìu bơnhă ồng ơm kis tàm dùl nơm hìu dềt rềp kềng Anih pờ tơlik jơnau đơs Dak Lak. Bàr nă kòn pơn jat tai lơh broă bè bèp dê. Ìa rơdio dềt tềng tê, pờ jòi tơl jơnau đơs, iat kơno loh làng ngan, ồng Trần Văn Đốc đơs tờm: hơ\ ngan là bơta chờ hờp, pơnìơ să ngan bơh ală cau lơh broă pờ tơlik jơnau đơs dê. “Să tờm a` tu\ do neh rê rlô lơh broă. Kis tàm ù tiah Tây Nguyên, sền go\ ngai sơlơ bơtàu tơnguh. Ală kòn a` ndrờm lơh broă bè bèp he dê sơl, hìu bơnhă chờ hờp ngan. Lơh broă bè bèp dê lơh, den ală kòn sùm geh bơsram tàp. Bol a` kơ\p kờ` ngan ală kòn lơh broă ngai sơlơ niam rlau, bơtàu tơnguh rlau; gi\t wa\ jak chài măy mok, lơh ngan geh nùs nhơm niam tàm broă lơh mờ geh kơnòl mờ broă lơh”.

Cau mblàng Lơ Mu K’ Yến