VOV4.K’ho- Kờp bơh tu\ mu\t tàm broă bơ\t bơtàu [òn lơgar pa, tờm chi sa plai đơs bal, tờm sầu riêng đơs is, ngai sơlơ geh anih ơm kơ\ kơl jăp tàm rơndăp tăp sèng lơh broă sa sươn sre bơh càr Dăk Lăk dê mờ neh gơ gơs là gah lơh sa tờm bơh uă hìu bơnhă dê.  Nàng tơnguh uă priă kă bro phan bơna mờ bơtàu tơnguh kơ\ kơl jăp, cau lơh broă sa càr Dăk Lăk dê neh crơng gơs ală mpồl tam klac lơh bal, lơh gơlik gơs ală kơnhoàl ù tiah tam tờm sầu riêng niam bơkah, sùm geh drà kă bro tài bơh geh ală mpồl lơh sa kă bro pin dờn, ai lài tàm broă blơi mờ tăc mờ lơgar ndai.

Bal mờ 15 nă cau tam tàm bă ù ơnàng mờr 15 lồ sầu riêng bal mờ ală sơntìl sầu riêng kơnồng rơmi\t gar nsiăp sa bơkah ngan bè DONA, Ri6…pah nam Mpồl lơh broă bal sầu riêng Phước Lợi tàm xã Ea Kênh, kơnhoàl Krông Pach dê gam tăc tàm drà kă bro rlau 400 tấn plai sầu riêng. Mờ priă blơi tàm sươn bơh ală cau kon buôn dê là bơh 55 rbô tus 65 rbô đong dùl ki\, kờp bal tơl lồ tơnơ\ mờ tu\ kờp jơh priă tă lơh den geh cèng wơl cồng nha bơh 900 tơlak tus 1 tơmàn priă tàm dùl nam. Tờm sầu riêng neh gơ gơs là tờm chi tam gơcèng wơl bơta tam gơl dờng bè rài kis bơh ală cau tàm mpồl lơh broă bal dê.

Ồng Nguyễn Văn Lưu, lơh broă tàm Mpồl lơh broă bal sầu riêng Phước Lợi, xã Ea Kênh, kơnhoàl Krông Pach, càr Dăk Lăk, yal bè do: Broă lơh bal tàm VietGap den he pal lơh gơlik plai sầu riêng bơkah mờ ờdo ờdă, geh anih lơh gơlik loh làng. Dơ\ 2 tai là lơh gơlik plai sầu riêng niam sùm, cau lơh broă sa iang nùs tăc geh yòm sùm.

Nàng lơh geh bơta chờ hờp hơ\, mò Nguyễn Thị Thanh Thảo, cau atbồ Mpồl lơh broă bal sầu riêng Phước Lợi pà gi\t: Bal mờ jơnau đơs “lòt gùng dềt coă bồ” gùng dà bơh drà kă bro dê, ală cau bơh Mpồl lơh broă bal sầu riêng Phước Lợi dê neh đòm jat lơh sa jăt jơnau sồr lơh sa hữu cơ VietGap mờ gam lơh sră nggal crăp mã jòi gi\t anih lơh gơlik phan bơna nàng lơh jăt di ală jơnau sồr tơl khà tăc mờ lơgar ndai di gùng geh sră pơrgon kă bro phan ngan ngồn bơh dà lơgar dê ai, bơh hơ\ tơnguh uă priă tăc bro bơh phan bơna dê.

Ală cau tàm mpồl lơh broă bal do neh geh ai lòt bơsram, mờ pơlam lơh ală broă chài tàp lơh broă sa sươn sre niam, jơnau gi\t wa\ bè ờdo ờdă phan sa mờ broă chài ngui phơng sih, sơnơm sền gàr phan tam tàm tu\ tam, sơngka sền gàr mờ pik tơnhàu plai sầu riêng. Broă tam phan lơh jăt jơnau sồr tơl khà VietGap dê gam dong làng bol in iang nùs ngan bè priă tăc phan bơna lơh geh mờ drà kă bro phan den geh sùm.

Mò Nguyễn Thị Thanh Thảo, cau atbồ Mpồl lơh broă bal sầu riêng Phước Lợi, đơs bè do: Tu\ crơng gơs Mpồl lơh broă bal sầu riêng Phước Lợi den bol a` kờ` là lơh gơlik geh phan bơna kloh ờ [ơ\ [ơl, ờdo ờdă di jơnau sồr tơl khà VietGap dê mờ tơngai mờr tus do den bol a` lùp anih lơh gơlik loh làng nàng kờ` wèt tus geh dùl khà uă lơh geh bơta niam nàng tăc tàm drà.

Jăt ồng Nguyễn Hoài Dương, Kuang atbồ Sở Nông nghiệp mờ Phát triển Nông thôn càr Dăk Lăk dê yal, jơh gùt càr tu\ do geh rlau 6 rbô lồ sầu riêng, tàm hơ\, sươn sầu riêng neh geh plai là pơgăp 3.500 lồ, mìng tơrgùm uă tàm ală kơnhoàl: Krông Pach, Krông Năng, thị xã Buôn Hồ…tờm sầu riêng tàm Dăk Lăk neh cèng wơl priă jền uă ai cau lơh broă sa in, uă hìu bơnhă kơnờm bơh sầu riêng neh lơh ngan klàs bơh r[ah dùl bă kơ\ kơl jăp.

Bal mờ ală tờm chi sa plai ndai, gah lơh broă sa sươn sre càr Dăk Lăk gam hòi jà làng bol tam sầu riêng tus bal tàm ală mpồl lơh broă bal, hợp tác xã mờng quèng bè sầu riêng nàng gơtùi dong kờl tàm yal tơngi\t bal bơta mờng chài. Kuơmàng là gơtùi lơh geh tiah tam tơrgùm bal dùl bă tiah nàng lơh gơlik tiah tam sầu riêng gơtùi [ươn [oài tàm broă đòm jăt ngui măy mok jak chài pa tàm broă tam phan dùl ròt.

Jăt ồng Nguyễn Hoài Dương, Kuang atbồ Sở Nông nghiệp mờ Phát triển Nông thôn càr Dăk Lăk dê đơs: Dilah bol he crơng gơs geh ală tiah tơrgùm bal dùl bă den jăt tàm hơ\ geh crơng gơs ală mpồl lơh broă bal, hợp tác xã. Crơng gơs geh ală mpồl lơh broă bal, hợp tác xã tam bal chi sa plai den geh cèng wơl uă ngan bơta kuơ mờ geh cồng nha. Hợp tác xã geh gơ gơs là anih tàm tơrbo\ bal đah cau lơh broă sa mờ mpồl lơh sa kă bro nàng mpồl lơh sa kă bro tam klac lơh bal, bơcri priă, bơh sơntìl niam tus ală broă lơh jak chài, đòm jăt ngui công nghệ cao, jòi gi\t anih lơh gơlik, lơh mat phan kă bro ai ală phan bơna in. Pơlam gùng lơh sa jăt kơnhoàl ù tiah tơrgùm bal dùl bă tiah lơh bơnàng jă ai broă crơng gơs ală hợp tác xã in là gùng lòt ngan ngồn ờ gơtùi pleh klàs.

Tam gơl lơh sa sươn sre jat gùng dà ờdo ờdă gam rơhời gơ gơs là jơnau gi\t wa\ lơh jat is bơh tơl nă cau lơh broă sa tàm xã Ea Kênh dê, kung bè ală tiah tam sầu riêng bơh càr Dăk Lăk dê. Do là bơnàng jă kơ\ kơl jăp ngan nàng lơh geh bơta niam, gơtùi tăc kơ\ kơl jăp tàm drà, tơnguh priă lơh geh. Kơnờm bơh gùng dà do, broă priă lơh geh bơh làng bol [òn lơgar dê neh geh khà tam gơl sơrbac mhar ngan, lơh geh bơta [ươn nàng [òn lơgar mu\t tàm tơngai bơ\t bơtàu [òn lơgar pa bal mờ ală broă tơnguh uă.

Cau mblàng Lơ Mu K’Yến