VOV4.K’ho - Ngai òr (07/6), tàm Hà Nội, gah lơh sa dà lơgar, gah cri bơyai broă lơh bal mờ lơgar ndai, anih duh broă dà lơgar bè cau lơgar Việt Nam kis tàm lơgar bơdìh, mpồl “Bơceh Việt Nam” lơgar Mỹ neh pơgồp bal bơyai lơh pơrjum cri bơyai ală cau jăk chài lơgar Việt Nam hờ lơgar bơdìh mờ broă tơnguh bơtàu lơh sa bal mờ tơrgùm bal lơgar Việt Nam tơngai bơh nam 2016 tus 2020 mờ tơngu me “Tơnguh bơta pràn tàm pơlòng bơh lơgar Việt Nam tàm broă lơh sa gùt dunia”. Tàm pơrjum, ală cau jăk chài, ngăc ngar cau lơgar Việt Nam; kuang bàng đơng lam ală gah, mpồl lơh broă dà lơgar neh tơrgùm cri bơyai bè ală tơngu me: tam gơl pa broă tơnguh, bơ\t bơtàu tai broă lơh sa; bơ\t bơtàu pa dà lơgar; tơnguh bơtàu cau lơh broă, khoa học công nghệ kờ` tơnguh bơta pràn tam pơlòng lơgar Việt Nam. Ală kuang bàng, cau jăk chài neh ai tơl^k ală jơnau đơs ală mpồl broă lơh mùl màl kờ` tam gơl pa khoa học công nghệ, bơto bơtê mờ bơsram, tam gơl pa bơceh… Tàm pơrjum, mò Nguyễn Thị Doan, kuang jăt jơng atbồ lơgar neh đơs niam ală jơnau đơs pơgồp bal bơh ală cau lơgar Việt Nam kis ngài mờ dà lơgar tàm ală gah kuơ màng. Bơh tàm ală jơnau đơs tàm pơrjum, kuang bàng đơgn lam Đảng, Dà lơgar, ală anih lơh broă geh gơnoar geh ai jơnau tơng^t kờ` lơh gơs, tam gơl pa kơrnoăt broă lơh.

Cau mblàng Ndong Brawl