VOV4.K’ho-Bơh lồi nam lài tus tu\ do, khà priă sur ờ hềt lơh gơs puăc sùm gơmù uă ngan mờ kal ke ngan tăc lơh cau ròng sur kơlôi rơcang ngan tài bơh gơtìp hoàc hươr. Tàm càr Daklak, bulah ờ go\ di là càr geh khà priă sur ờ hềt lơh gơs puăc gơmù uă ngan rlau jơh tàm gùt lơgar ờ mơya uă anih ròng uă sur mờ hìu cau ròng phan kung pal tăc mờ khà priă gơmù uă ngan, bơh 26 tus 30 rbô đong lơm tàm dùl ki\, mờ broă ròng wơl sur tìp uă ngan kal ke.

Hìu bơnhă ồng Trần Văn Hùng, kis tàm [òn 9, thị trấn Phước An, kơnhoàl Krông Pach, càr Daklak ròng rlau 30 nơm sur. Tài bơh khà priă sur ờ hềt lơh puăc tăc gơmù uă ngan, mờ kal ke ngan tai tăc, sơlơ ròng sơlơ hoàc hươr, den tàng di bàr pe ngai là ồng Hùng gơ sơ\t lơh puăc dùl nơm nàng tăc is halà jà oh mì gơ\p să tàm [òn blơi [à dong kờl bi. Ồng Trần Văn Hùng, đơs bè do:

“Khà priă phan sa siam phan ròng tơngai tu\ do kung gơmù sơl pơndrờm mờ lài pơgăp bàr pe jơ\t rbô đong dùl bào. Mơya mờ khà priă nàng cau ròng phan lơh geh priă cồng den khà priă sur tu\ do kung gam ờ hềt lơh geh sơl. Cau lơh broă sa bè bol a` do kung geh sơl jơnau tàm bơrlu\ halà klài phan sa jat phan sa sinh học, mơya mờ khà priă tu\ do den là ờ gơtùi ngan nàng pơn jat tai ròng sur”.

Ndrờm bè hơ\ sơl, hìu bơnhă mò Lê Thị Mười, kis tàm [òn Yung, xã Ea Yông, kơnhoàl Krông Pach, càr Daklak tu\ do kung mìng ròng mìng 5 nơm sur lơm gời, mìng ndrờm mờ dùl bơnah jơ\t pơndrờm mờ kờp jơh dơ\ ròng lài do. Ờ mìng gơmù bè sur ròng, broă bơcri priă ai broă ròng siam sur kung geh hìu bơnhă tềm pềr ngan sơl tàm khà lơyah ngan rlau jơh, mơya ờ ai sur in sa jat tơl khà ờ, ờ go\ ci\t sơnơm rơcang sơndră kòp, geh tu\ tơngai ròng siam sền gàr kung ờ huan uă sơl. Bulah wàng ròng neh geh lơh niam ngan sơl, mơya tài bơh hoàc hươr den tàng ờ hềt gơtùi ròng pa tai. Mò Lê Thị Mười, đơs:

“Khà priă ròng phan, khà priă nàng lơh sa tàm tơngai tu\ do, gah ròng phan hoàc hươr uă ngan. Den tàng tu\ do, wàng ròng mìng gàr wơl lơm mờ go\ gơtùi lời sơrbì ờ. Cau ròng dùl êt rah rài gơmù uă ngan, ờ go\ ròng uă tai”.

Gơ wèt mờ ală hìu ròng sur sơlơ uă den sơlơ gơtìp hoàc hươr. Wàng sur bơh hìu bơnhă ồng Đinh Quang Dũng, kis tàm [òn 3A, xã Ea Wy, kơnhoàl Ea H’leo, càr Daklak geh tơngai ròng rlau 1 rbô nơm sur, mơya tu\ do kung mìng gam ròng 150 nơm lơm. Tu\ do, kờp bal pah nhai ồng hoàc hươr rlau 6 tơlak priă. Ồng Đinh Quang Dũng pà gi\t, ròng phan ing lơm gời ko\ng hoàc hươr nàng kơ\p khà priă gơguh, tài bơh sur me deh kòn kung ờ gơtùi tăc yòm sur kòn sơl:

“Hoàc hươr nam pa do là rlau 6 tấn kờp mờ priă là rlau 150 tơlak priă. Bơh tơngai sa tềp tus tu\ do hoàc hươr pơgăp 50, 70 tơlak priă. Sur me deh kòn den he pal ròng gi\t lơh bè lơi tai. Tu\ dùl rhiang puan jơ\t đờ nơm sur puăc hơ\ ròng tus dờng nàng tăc, geh cồng halà ờ kung pal ko\ng sơl nàng ơm kơ\p khà priă gơguh”.

Jat Sở Nông nghiệp mờ phát triển nông thôn càr Daklak yal, tu\ do, broă ròng tai sur pa gơ wèt mờ broă ròng sur mìng ndrờm mờ nggùl pơndrờm mờ ală nam lài. Sở Nông nghiệp mờ phát triển nông thôn kung bơto yal lài làng bol pal rwah ală phan ròng dipal, pleh ròng uă bal dùl phan ròng bal dùl tu\ tơngai, [ươn ngan gơtìp cau kă phan bơcăp khà priă. Mơkung ờ go\ di ròng uă is phan ròng, tơrmù jơnau ròng uă mơya ờ huan geh cau blơi. Bal mờ hơ\, cau lơh broă sa gơtùi lơh gơs phan sa bơh phan sa neh geh lài tàm hìu nàng ròng mờ bơtàu tơnguh ròng phan jat tàm tu\ tơngai kal ke bè tu\ do!

Cau cih mờ yal tơngi\t- Lơ Mu K’ Yến