VOV4.K’ho – Ồng Tà Thía Banh kuang atbồ đơng lam Đảng ntum Phước Hà, kơnhoàl Thuận Nam là 1 tàm 9 nă cau chài bơh càr Ninh Thuận dê geh Kuang atbồ lơgar pồ pà sră jờng rơ cau chài jak ngan nam 2015. Ală nam do, ồng Tà Thía Banh neh geh uă tă pơgồp tàm broă prăp gàr mờ bơtàu tơnguh bơta chài rơgơi kòn cau Rơglai dê, ngan là bơto dròng cing mồng ai oh kòn là cau kòn cau tàm tiah do in.

Bulah ờ ru ngan mờ broă lơh bơh dùl nă Kuang atbồ đơng lam Đảng ntum Phước Hà, kơnhoàl Thuận Nam, càr Ninh Thuận, mơya pah poh 2 dơ\ tàm mho ngai dơ\ pram mờ ngai dơ\ prao, tơnơ\ tu\ jơh lơh sir broă tàm ntum, ồng Tà Thía Banh lòt tus tai tàm Hìu bơsram kai II Phước Hà lam bơto dròng cing mồng ai kơnòm bơsram kòn cau Rơglai bơh hìu bơsram dê in. Tu\ hìu bơsram lam lơh srơh bơ\t bơtàu hìu bơsram rềp mềl, kơnờm bơsram nhhăp nhhar, ồng Tà Thía Banh sồr hìu bơsram ai cing mồng bơto tàm hìu bơsram ai ală oh in. Cau chài jak ngan Tà Thía Banh, pà gi\t: “Să tờm a` den kơ\p kờn lơh bè lơi nàng ală oh pal geh bơta kờn gơboh cing mồng mờ ală phan ngui đơs crih ndai nàng prăp gàr bơta chài rơgơi is kòn cau Rơglai dê”.

Tu\ geh Dà lơgar pồ pà sră jờng rơ Cau chài jak ngan, ồng sền go\ hơ\ ờ mìng là bơta chờ hờp lơm gời ờ mờ gam là kơnòl bơh să tờm dê tai. Ngan den tàng bè hơ\, tàm ală tu\ bơto dròng cing mồng, ồng sùm bơto pơlam ală oh gi\t wa\ loh làng bơta kuơ bơh tơl jơnau ngui tàm ală dơ\ lơh chờ bơhiàn yau bơh cau Rơglai dê. Mìng tàm dùl tu\ tơngai ờ jo\, mơya ồng Tà Thía Banh neh bơto ai ală oh in 5 jơnau dròng cing mồng. Ală jơnau dròng cing mồng do tơnơ\ tu\ bơsram, hìu bơsram geh săc rwah lòt lơh tàm ală ngai lơh chờ bơh hìu bơsram dê bơyai lơh. Pơgru Thuận Văn Lợi là kuang jat jơng atbồ Hìu bơsram kai II Phước Hà, kơnhoàl Thuận Nam, càr Ninh Thuận, pà gi\t: “Gơ wèt mờ ồng Tà Thía Banh den là jơh nùs ngan tàm broă lơh bơto bơtê. Pơgồp bal mờ hìu bơsram pờ 2 ơdu\ nàng ală oh in gi\t wa\ geh bè broă dròng cing mồng. Gơ wèt mờ ală kơnòm bơsram, bàr pe nă oh geh bơta gi\t wa\ bè cing mồng, bal mờ hơ\ ală oh bơsram [ươn ngan gi\t mờ bơsram jak ngan. Mờ bơsram chài dròng cing mồng”.

Bơh ơdu\ bơsram, ală bơta kơlôi rơcang bơh ồng Tà Thía Banh dê bơh lài bè bơta hi\u roh te\ bơh phan ngui đơs crih bơhiàn yau neh dùl bơnah lơi geh tơrmù geh tu\ ồng sền go\ geh bơta kờn gơboh ngan bơh să tờm kơnòm bơsram là oh kòn bơh kòn cau he dê. Bơh sơn rờp mìng sền lơm cau dờng dròng cing mồng, ngui ală phan ngui đơs crih tàm ală dơ\ lơh chờ, tu\ do, kơnòm bơsram Hìu bơsram kai II Phước Hà gơtùi ngui chài ngan ală phan ngui đơs crih bơhiàn yau mờ bơh mpàng tê tờm lơh gơs is săp ntas niam ngan, mùl là bơhiàn niam ngan kờn pal geh sền gàr tàm bơta chài rơgơi kòn cau Rơglai dê. Oh Tà Yên Đông là kơnòm bơsram tàm Hìu bơsram kai II Phước Hà, pà gi\t: “Kơnờm bơh hìu bơsram pờ ơdu\ bơto dròng cing mồng mờ a` kờn ngan dròng cing mồng. Kơnờm wa Banh bơto oh dròng, wa hơ\ bơto jơh nùs ngan. Kơnờm bè hơ\ mờ oh gi\t wa\ geh cing mồng bơh kòn cau he dê”.

Broă ai cing mồng nàng bơto bơtê tàm hìu bơsram neh lơh ală oh in geh nùs nhơm gi\t wa\ bè gùng đơs crih bơh yau mờ ơm kis rềp mềl ngan mờ bơta chài rơgơi kòn cau he dê. Ală tu\ bơsram dròng cing mồng tàm hìu bơsram neh dong ală oh gơlơh niam ngan mờ kờn gơboh ngan hìu bơsram ơdu\ bơsram ndrờm bè hìu tờm bơh he dê sơl. Gơ wèt mờ kơnòm bơsram kòn cau Rơglai tàm do, pah ngai lòt bơsram tàm hìu bơsram ngan ngồn gơ gơs là dùl ngai chờ hờp ngan. Ai gơ wèt mờ ồng Tà Thía Banh, ơdu\ bơto dròng cing mồng ndrờm bè là anih nàng ală oh lòt rềp rlau, gi\t wa\ rlau bè bơta chài rơgơi bơhiàn yau bơh kòn cau Rơglai he dê!

Cau cih mờ yal tơnggi\t- Lơ Mu K’ Yến