VOV4.K’ho - Tàm ală ngai nhai 4 do, bal mờ broă kah ưn ngài g^t nđờ tơlăk nă kuang bàng, cau ling, làng bol lơgar he neh phi să kờ` dà lơgar geh tơrgùm bal ngai 30/4/1975, he kung kah sùm ală cau “Hờ đah nê tiah tam lơh”, tài broă lơh di pal, neh sền gàr, dong kờl kăc màng kờ` ngai pha lin tơmù ală hoàc huơr. Tàm càr Kon Tum geh 2 nă cau lơh broă sa priă nhai neh tam dră mờ jơnau sồr bơh gơnoar atbồ dê, ờ lơh bơrtoh hìu măy pờ tơl^k ồs đèng kờ` lơh broă hơ\.

Tus mờ jơnau kah wơl 40 nam lài, tu\ càr Kon Tum geh tơnklàs, ồng Đinh Thục, là 1 tàm 17 nă cau lơh broă sa priă nhai rài lài do, lơh broă tàm hìu măy pờ tơl^k ồs đèng Kon Tum yal wơl: Bồ nhai 3/1975, tơnơ\ mờ tơnklàs Buôn Ma Thuột, ling nguỵ, mờ gơnoar atbồ nguỵ  tàm Tây Nguyên gơtìp aniai uă ngan. G^t loh broă ờ jai tam lơh là geh ngan, tàm Kon Tum gơl^k geh bơta gùng cau lơi, cau hơ\ ntoăt dô. Ờ su\k ơm tềng đăp mờ broă tam lơh gơtìp ờ jai, tơnơ\ mờ tu\ tơl^k jơnau yal bal rài atbồ tàm Kon Tum lài do, ồng Phạm Đình Hùng, kuang atbồ càr mờ là kuang atbồ mpồl ling Kon Tum neh hòi điện thoại ồng Đinh Thục in kờ` sồr sơn siao bơrtoh lơh tơrlah hìu măy pờ tơl^k ồs đèng Kon Tum. Tềng đăp mờ phan bơna dờng màng, nùs nhơm ờ gơtùi ai lơh broă ờ niam, den tàng ồng Đinh Thục neh cri bơyai mờ ồng Trần Lâm kờ` dră wơl mờ jơnau sồr bơh gơnoar atbồ do: “Ngai 16, tu\ 12 jơ, ồng Phạm Đình Hùng, kuang atbồ càr hòi tus mờ sồr lơh tơrlah hìu măy pờ tơl^k ồs đèng lài mờ tu\ 8 jơ ngai 17. Mơya tu\ hơ\, mờ jơnau neh g^t tàm 9 nam tam lơh, a` là cộng sản den tàng g^t là [pal prăp gàr. A` pơgồp bal mờ bi Trần Lâm ơm tàm hìu măy kờ` gàr hìu măy”.

Broă lơh khin cha jăk chài bơh 2 nă cau lơh broă tàm hìu măy pờ tơl^k ồs đèng Kon Tum geh ồng Lê Anh Phương, duh broă sùm H5, hơ\ là măt sơnđan is [òn drà Kon Tum lài do dê, atbồ mờ lam bồ mpồl ling bơh tiah đah tô măt tơngai mu\t tus gàr [òn drà Kon Tum neh dờp. Ồng Phương pà g^t, mho ngai 16/3, tơnơ\ mờ tu\ neh mu]t tàm hìu lơh broă Kon Tum, mpồl lơh broă ồng Phương tus hìu yàng dờng Kon Tum mờ hìu măy pờ tơl^k ồs đèng Kon Tum. Tàm do, ồng go\ 2 nă cau lơh broă, mờ tơnơ\ do hơ\ sồng g^t măt sơnđan là Đinh Thục mờ Trần Lâm gam gàr 2 ngkơr phào sền gàr ală măy pờ tơl^k ồs đèng.

G^t ồng Phương là kuang bàng tơnklàs [òn lơgar tus gàr [òn drà, ồng Đinh Thục yal nền nòn ală broă mờ jàu ngkơr phào mpồl lơh broă in. Geh ồng Phương pin dờn, den tàng, ồng Đinh Thục mờ ồng Trần Lâm là cau geh jàu kơnòl pơn jăt tai sền gàr hìu măy ồs đèng Kon Tum tàm bơta sền gàr lơngăp lơngai gam uă kal ke. Ồng Lê Anh Phương pà g^t: ”A` lùp nđan lah ờ dô ntrờn tàm tiah ndai mờ lah gam ơm tàm do? Ồng hơ\ yal là tàm tu\ tam lơh mờ Tây lài do, neh g^t kăc màng bloh, ờ ngòt kăc màng den tàng ơm tàm do. A` sồr, di bè hơ\ a` jàu wơl bi in 1 ngkơr phào, bi sền gàr tai hìu măy pờ tơl^k ồs đèng, bi ba` lời cau ndai mu\t lơh aniai tus tàm do yơ. A` jàu broă hơ\ gơs, hơ\ sồng tus tàm tiah ndai tai. Tus trồ nggùl ngai, a` tus wơl mờ bi hơ\ kung gam tàm hơ\ sơl. Bi hơ\ tơrgùm cau lơh broă mờ pờ tơl^k ồs đèng làng bol in”.

Kơnờm mờ broă gàr niam 6 mpồl măy pờ tơl^k ồs đèng bal mờ gùng che ồs đèng, den tàng tơnơ\ mờ ngai tơnklàs Kon Tum ngai 16/3/1975, broă pờ tơl^k ồs đèng Kon Tum pơn jăt tai lơ broă bè ờs, drơng làng bol mờ ală broă sền gàr bơta lơngăp lơngai mpồl ling sền gàr [òn drà Kon Tum in. Ală măy pờ tơl^k ồs đèng Diesel do là phan bơna sơnrờp ngan gah lơh ồs đèng Gia Lai-Kon Tum dê mờ broă ai ồs đèng gam pơn jăt tai tus g^t nđờ 10 nam tơnơ\ mờ hơ\.

40 nam neh rơlao, ồng Đinh Thục, cau lơh broă sa priă nhai tam dră mờ jơnau sồr bơh gơnoar atbồ dờng ờ lơh tơrlah hìu măy pờ tơl^k ồs đèng Kon Tum nam hơ\ tu\ do neh tòm 84 sơnam. Bu\ lah sơnam dờng, mơya ồng Đinh Thục gam ờ ru ngan mờ kơnòl là atbồ [òn 11, sơnah [òn Thống Nhất, [òn dờng Kon Tum. Bơdìh hơ\ tai, ồng gam là cau atbồ mpồl cah rơ`a [òn, atbồ mpồl cau dờng sơnam, atbồ mpồl dong kờl sơnơm sơm ba phan bơna, geh làng bol [òn lơgar pin dờn mờ gơboh kờ` ngan./.

Cau mblàng Ndong Brawl