VOV4.K’ho – Bàr pe nam rềp ndo, khà priă bơsơ\t kau su gơmù uă ngan bơh lài tus tu\ do, lơh cau tam tờm chi do tàm Dak Lak gơtìp kal ke uă ngan. Mpồl lơh sa kă bro mờ cau tam kau su tàm do gam lơh ngan sơrlèt gan, jòi tơl ală broă lơh nàng sơrlèt gan kal ke, sền gàr broă lơh sa, sền gàr sươn kau su bơh he dê.

7 jiơ nggùl drim, tàm sươn kau su 15 lồ bơh hìu bơnhă mè Sol, ntum Ea H’đing, kơnhoàl Cư\ Mgar, càr Dak Lak dê neh geh bơh 6 tus 7 nă cau lơh phan gam còr bơsơ\t kau su tơryang tơryồng ngan lơh broă. Khà priă bơsơ\t kau su gơmù gam bơh 5 tus 6 rbô đong dùl ki\, den tàng tơnơ\ tu\ tơm jơh priă apah cau còr bơsơ\t, priă hìu bơnhă lơh geh mìng dùl e\t lơm. Nàng pơn jat tai bơcri priă sơngka sền gàr sươn kau su jat di broă lơh, bè ơn phơng, rơcang sơndră kòp bơr còr, hìu bơnhă pal ngui priă càn bơh Anih priă jền dê. Uă nam tờm kau su lơh geh cồng nha uă ngan, mè Sol pin dờn tờm chi do gơ` halà jo\ kung geh ai wơl bơngă mờ mò geh kơ\ nùs bơcri priă sơngka sền gàr, kơ\ nùs kơ\p gơn: “Kau su tăc yòm den rài kis hìu bơnhă làng bol dê kung ngai sơlơ bơtàu tơnguh sơl. Tờm kau su ai geh he in uă ngan priă jền, bè lơh hìu, blơi rơndeh. Mơya, bàr pe nam rềp ndo, kau su tăc gơmù khà priă uă ngan, den tàng rài kis gơtìp kal ke, priă nàng apah cau lơh broă kung ờ tơl sơl. Bulah bè hơ\, a` kung gam lơh ngan sơl lòt dan càn tai nàng sền gàr sươn kau su, tài bơh dà lơgar neh geh broă lơh sền gàr sươn kau su den bulah bè lơi a` kung sồr oh kòn kòn sau lơh ngan sền gàr sươn kau su mờ kơ\p tus khà priă gơguh”.

Kung tam kau su neh uă nam do sơl, bi ùr H’ Yi Ayun, kis tàm [òn Gông, ntum Ea Drơng, kơnhoàl Cư\ Mgar, ờ gơtùi sơrbì broă lơh còr bơsơ\t kau su tàm Mpồl lơh sa kă bro kau su Dak Lak, bulah priă lơh geh kung gơmù sơl bơh rlau 8 tơlak priă dùl nhai, gơmù mìng gam wơl 4 tơlak priă lơm. Nàng lơh geh priă jền ngui sa tàm rài kis hìu bơnhă, bi mờ bơklau bi dê pal ngui tai tu\ jiơ ru broă nàng lòt dong lơh hìu đam, lơh apah broă sươn mìr…Bi ùr H’ Yi Ayun, đơs bè do: “Bàr nam do, khà priă bơsơ\t kau su gơmù uă ngan, mơya cau lơh phan bè a` do kung gam lơh ngan lơh broă, bơh àng drim gờ` là a` neh guh bi\c nàng lòt lơh kờ` geh priă ròng kòn, ai kòn in lòt bơsram gơ in niam. Bàr nam do, priă nhai dùl e\t ngan, nhai pa do mìng geh 4 tơlak mờ nggùl lơm tàm dùl nă cau lơh phan”.

Bal mờ cau lơh broă sa, cau lơh phan, ală mpồl lơh sa kă bro kau su tàm Dak Lak kung gam lơh ngan sơrlèt gan bơta kal ke nàng gàr cau lơh phan mờ gàr sươn kau su. Bè tàm Mpồl lơh sa kă bro is dùl nă să kau su Dak Lak, mpồl lơh sa kă bro kau su dờng ngan rlau jơh bơh càr dê, neh pal tơrmù priă nhai kuang bàng đơng lam bồ mờ kuang bàng lơh broă sră nggal mdê gơmù mìng gam nggùl lơm pơndrờm mờ lài, mơkung tềm pềr uă ngan priă tă lơh sa, kờ` geh priă nhai mờ priă dong kờl ndai ai cau lơh phan in. Ồng Nguyễn Độ kuang atbồ Mpồl lơh sa kă bro kau su Dak Lak, pà gi\t: “Bol a` neh pal rơndăp tăp sèng wơl broă lơh sa, tềm pềr priă tă lơh nàng tơrmù priă lơh gơs phan, kờ` gàr priă nhai bơh cau lơh phan dê. Bol a` neh geh kơrnoat sền gàr priă nhai kờp bal bơh 4 tơlak dùl nă cau tàm dùl nhai, pơndrờm mờ priă nhai bè hơ\ den cau lơh phan kung iang nùs sơl nàng lơh broă. Bè ală bơta dong kờl den bol a` ai jơh ală bơta dong kờl ai cau lơh broă in, pơnyơu bè priă sền gàr rềs àr mpồl bơtiàn, priă blơi sră kham sơm kòp ờ sa priă, priă dong kờl sền gàr rềs àr khih jơlai bơh cau lơh phan kau su dê, bol a` kung geh ai jơh ală priă jền do ai cau lơh broă in”.

Jat Gah lơh broă sa mờ bơtàu tơnguh [òn lơgar càr Dak Lak dê yal, jơh gùt càr Dak ak geh pơgăp rlau 40 rbô lồ kau su. Tàm hơ\, kau su sươn dờng pơgăp 30 rbô lồ, kau su sươn dềt là rlau 10 rbô lồ. Jơh ală bă kau su do gơ ơm tàm rơndăp ù tiah, kis dờng, bơtàu tơnguh niam, cồng nha lơh geh kung uă sơl. Dilah mpồl lơh sa kă bro mờ làng bol pơn jat tai sền gàr mờ sơngka niam, den bă kau su do digơlan geh cèng wơl cồng nha phan bơna uă bè jo\ jòng.

          Cau cih mờ yal tơngi\t- Lơ Mu K’ Yến