VOV4.K’ho - Drim ngai òr, 24/2, ală hìu cau lơh broă sa, mpồl lơh sa kă bro kơphê tàm ală càr Tây Nguyên: Kon Tum, Gia Lai, Dak Lak, Dak Nông mờ Lâm Đông neh lòt lơh broă nàng sơngka sền gàr rlau 537 rbô 400 lồ kơphê, tàm hơ\, kơphê neh ai tơnhàu là rlau 530 rbô lồ, kơphê gam wơl là kơphê pa dờng. Bàr pe nam rềp ndo, ală mpồl lơh sa kă bro neh khin cha bơcri priă sơngka sền gàr, bơtàu tơnguh, tam pa tờm kơphê. Bơh ngai bồ sơnam pa 2015 tơn, ală hìu cau lơh broă sa, mpồl lơh sa kă bro neh tơr gùm klah ntê, koh sơr bì jơh ală ntê tu lơh aniai, ntê kơphê kra jo\ sơnam croă` ờ geh kuơ hòn tàm nđir gơ\p rềp măt ù, halà ală ntê cờn căt uă ir rlau mờ nsrum nha. Jăt Mpồl lơh broă sùm Mpồl đơng lam Tây Nguyên yal, nam 2014, ală càr tàm Tây Nguyên neh lơh geh rlau 1 tơlăc 313 rbô tấn kơphê gar, gơguh rlau 35 rbô tấn pơndrờm mờ nam 2013, tàm hơ\, Dak Lak geh kơphê gar uă ngan rlau jơh, mờ rlau 453 rbô 441 tấn.