VOV4.K’ho - Tơnơ\ 10 nam crơng gơs, mpồl ơruh pơnu lam lài lài do càr Dak lak geh mờr 5 rbô na\ cau tàm mpồl. Srơh pơr lòng kờ` gơboh dà lơgar ala\ nam do neh geh ala\ cau tàm mpồl jơh nùs lơh jat mờ neh geh ua\ ngan cau geh pơnrơ jak. Khi lơh ngan lơh broa\ sa, ka\ bro, ờ mìng lơh pas hìu nha\ in mờ gam dong kờl cau tàm mpồl sơrlèt  gan kal ke.

Lo\ Nguyễn Thị Định [òn tờm hờ Hà Tĩnh, tus bal tàm broa\ lơh ơruh pơnu lam lài tàm Quảng Trị nàng drơng broa\ lơh gùng ù Hồ Chí Minh. Tơnơ\ geh lơh gơs broa\ lơh, lo\ geh rê hờ [òn tờm mờ geh bau hơ\ sồng geh mut tus ntum Ea Kiết, kơnhoàl Cư\ Mgar, càr Dak Lak nàng tus ơm kis lơh broa\ sa pa. Tơnơ\ rlau 20 nam tus ơm kis tàm ù tiah pơrhê nđiơm gơs, lơh ngan nàng sơrlèt  jơgloh rbah mờ kòp tê jê sa\, tu\ do ùr bơklau lo\ neh geh 3 lồ ù tam tiêu,  kơphe,  mờ chi sa plai ai tơnhàu rlau 1 tơmàn pria\ pah nam. Lo\ Định đơs:“Bơklau la cau ling sồt sa\, pơ ùr la cau  ơruh pơnu lơh broa\ lam lài den tàng  2 na\ drờm geh lơh ngan brồ guh tàm rài kis. Tàm do khi tơmut bol a` tàm hìu nha\ rbah, bulah kal ke ngan mơya bol a` kung ờ dờp. Tu\ do,  broa\ tam bơrlu\ bal ala\ chi tam kơphe,  tiêu, chi tam sa plai ndai. Nam pa do,  den pria\ geh rlau 1 tơmàn pria\,  lơh hìu jơh 1 tơmàn 200 tơlak pria\, hơ\ sồng  ròng siam kòn lòt bơsram. Tàm broa\ lơh dong kờl cau rbah, làng bol ai càn ờ sa cồng mờ khà pria\ 200 tơlak pria\ geh dong khi brồ guh tàm rài kis”.

Lo\ Định la dùl na\ cau pơnrơ gơguh jak ngan tàm srơh pơr lòng kờ` gơboh dà lơgar tàm ntum Ea Kiết, kơnhoàl Cư\ Mgar. Srơh broa\ lơh do neh geh ala\ mpồl cau tàm mpồl lơh jat nhap nhar mờ geh mut lơh mờ ala\ broa\ lơh nền nòn, ờ mìng  geh lơh mờ broa\ lơh ngan ngồn, ờ mìng geh lơh ngan lơh sa hìu nha\, ala\ cau ơruh pơnu lơh broa\ lam lài gam ta\ pơ gồp pria\ nàng geh dong tus cau tàm mpồl gơbàn kal ke rlau. Kơnờm bơh hơ\, tus tu\ do,  Mpồl cau ơruh pơnu lơh broa\ lam lài do ntum Ea Kiết, kơnhoàl Cư\ Mgar ờ gam  la cau tàm mpồl rbah tai. Mò Trần Thị Thanh kuang atbồ Mpồl cau ơruh pơnu lơh broa\ lam lài lài do ntum Ea Kiết, kơnhoàl Cư\ Mgar, càr Dak Lak, ai git:“Tu\ do,  mpồl bol a` geh 41 na\ cau, bol a` geh lam sồr tơl cau tàm mpồl geh ta\ pơ gồp 1 tơlak pria\ nàng geh dong oh mi cau ùr  gam rbah  rlau mờ ala\ cau ndai nàng bơtàu tơngguh lơh sa hìu nha\,  geh tai pria\ jền. Lài do bol a` gam tàm sơnam ơruh pơnu geh bal tus lòt tam lơh, tu\ do geh rê kis bè ờs wơl bol a` la cau tàm mpồl pal bơsram bal, tam klac,  tàm ròng bal nàng brồ guh,  bơt bơtàu mờ bơtàu tơngguh rài kis hìu nha\, bơt bơtàu [òn lơgar pa bơh ntum slơ ngai slơ niam bơne\ rlau”.

Ua\ ngan cau ơruh pơnu  lam lài lài do tu\ do sa\ neh dờng sơnam, pràn neh gơmù, ua\ cau gơbàn sồt sa\, mơya neh lơh ngan sơrlèt kal ke hơ\ nàng khi geh lơh ngan bal mờ kòn sau lơh ngan bơtàu tơngguh lơh sa hìu nha\. Srơh broa\ lơh do ờ mìng  geh tàm kơnhoàl Cư\ Mgar mờ gam gơ rề ơnàng  tàm gùt càr Dak Lak. Bè tàm kơnhoàl Ea H’Leo, ồng Bùi Hoàng Sơn kuang atbồ Mpồl  cau ơruh pơnu lơh broa\ lam lài lài do, ai git:“Mut lơh srơh pơr lòng kờ` gơboh dà lơgar “Lơh lam lài lơh jat  jơnau bơto sồr bơh Bác Hồ”, mpồl tàm  kơnhoàl neh lam sồr, pơlam ai tus ala\ mpồl tàm ala\ ala\ ntum mblàng pơlam cau tàm mpồl lơh broa\ sa, ka\ bro nàng bơtàu tơngguh rài kis phan bơna hìu nha\ mờ dong bal sang sơbì jơgloh tơmù rbah. Neh geh ala\ cau pơnrơ gơguh jak pah nam geh bơh 400 tus 500 tơlak pria\. Geh ta\ pơ gồp tàm [òn lơgar den mpồl cau  ơruh pơnu lơh broa\ lam lài lài do neh lơh jat niam  gùng dà broa\ lơh bơh Đảng, adat boh lam bơh Dà lơgar, hơ\ sồng geh tus bal ai is ù, bơt bơtàu [òn lơgar pa, lơh niam ngan”.

Tơnơ\ 10 nam crơng gơs,  Mpồl ơruh pơnu lơh broa\ lam lài lài do càr Dak Lak geh mờr 5 rbô na\ cau, tus bơh gùt lơgar, ờ  dùl mpồl bal, mpồl ơruh pơnu lơh broa\ lam lài lài do pơnjat tai chồl guh bơhìan tam klac, lam lài tàm ala\ gah broa\, pơ gồp bal bơt bơtàu [òn lơgar Dak lak slơ ngai slơ pas pràn. Mò Trịnh Thị Hường kuang atbồ  mpồl ơruh pơnu lơh broa\ lam lài lài do càr Dak Lak, ai git: Tàm tơngai tus bal mờ broa\ lơh geh lơh ngan bơsong ala\ bơta khà pria\ dong kờl,  mpồl pơnjat tai lam sồr cau tàm mpồl tus bal pơr lòng kờ` gơboh dà lơgar, tam klac, dong bal bơtàu tơngguh lơh sa, bơtàu tơngguh rài kis. Mò Trịnh Thị Hương đơs:“Bơh sơnrờp ngan la ơruh pơnu lơh broa\ lam lài lài do pal la cau lam lài tàm broa\ mut lơh ala\ jơnau Bác Hồ bơto “Ờ geh broa\ lơi kal ke”. Ơruh pơnu lơh broa\ lam lài  gam pràn den  gam ngui bơta jak chài pa tàm lơh sa, bal mờ hìu nha\, [òn lơgar bơt bơtàu [òn lơgar pa pas niam. Lài jơh la pal lơh sa phan bơna jak,  broa\ dơ\ dùl la sa\ tờm he lơh geh, bơta dơ\ 2 tai la geh pơlam tus oh kòn he geh lơh sa hìu nha\”.

Tu\ kơnòm  sa\ neh lòt gan mơya nùs nhơm lơh broa\ lam lài,  lam bồ, tam klac, lơh ngan sơr lèt kal ke gam bè ờs tàm tơl cau ơruh pơnu lơh broa\ lam lài lài do càr Dak Lak tu\ do. Khi la ala\ cau lam lài nàng ala\ rnàng kơnòm sa\ bơsram, đòm jat.

                                                Cau mblàng K’ Brọp.