VOV4.K’ho – Bal mờ cau te\ khà gùt lơgar, cau te\ khà mờ làng bol càr Lâm Đồng pa pơyua rlau 350 jơnau đơs tă pơgồp bè ală bơta duh, pơnrơ ngan, ờ suk ngan tàm mpồl bơtiàn mờ tàm càr pơyua tus Quốc hội, Chính phủ mờ ală anih lơh broă Dà lơgar in. Cau te\ khà Lâm Đồng dan sơlơ tơnguh tai broă lơh gròi sền tàm ală broă lơh jat gùng dà broă lơh kơrnoat boh lam bè rơndăp tăp sèng lơh sa bal mpồl lơh sa kă bro dà lơgar, kuơmàng là gơ wèt tus broă bơsong ală rơndăp broă lơh, broă kuơmàng ờ huan geh cồng nha, hoàc hươr jo\ jòng.

Cau te\ khà sền gròi uă ngan mờ dan Quốc hội tus gròi sền gơ wèt mờ ală jơnau dan tơnơ\ dơ\ gròi sền mờ ală mpồl kuang bàng gròi sền neh sồr tam gơl, bơtơl mờ mu\t lơh ală bơta lơh glài jat di jơnau cih bơh adat boh lam dê. Ală jơnau dan bơh cau te\ khà càr Lâm Đồng dê neh geh mpồl kuang bàng Quốc hội Lâm Đồng tơrgùm jơh mờ yal mờ Ủy ban Thường vụ Quốc hội in.

               Cau cih mờ yal tơngi\t-Lơ Mu K’ Yến