VOV4.K’ho – Tàm pơrjum dơ\ 1, gơnoar ala mat dà lơgar kơnă 14, ồng Nguyễn Thiện Nhân kuang atbồ gah tề lam gùng dră bal dà lơgar Việt Nam neh yal jơnau tơrgùm jơnau đơs, jơnau dan bơh cau te\ khà mờ làng bol dê tàm dơ\ te\ khà pa do. Jơnau yal đơs loh “ Cau te\ khà mờ làng bol gùt lơgar ờ suk ngan tềng đap broă lơgar Lo pơnjat tai tơnguh ală broă lơh bồr, bơt bơtàu, mut lơh ală broă lơh, ai phàu crong, ling klàng tus ală bồt, blàng lu\ tìs mờ kơrnuat boh lam dunia di bồt Hoàng Sa, Trường Sa mờ ơhò plung bơh lơgar Lo dê lơh pờng, kơ`au phan bơna, phan lơh ka bơh cau lơh ka Việt Nam dê. Ală broă do lơh gơguh uă bơta ờ niam tàm tiah do, pơhìn tus khat gơboh gùng dà lềng, lơh tìs jơnau pơrgon anih duh broă dunia dê bè adat dà lềng nam 1982, lơh tìs jơnau yal bơr bè broă lơh bơh ală gah tàm dà lềng đah mattơngai lik ( DOC) geh ki\ đah ală lơgar ASEAN mờ lơgar Lo. Cau te\ khà kơp kờ` Đảng, dà lơgar pơnjat tai geh boă lơh tam dră ringbal, krà` cê mờ geh cồng nha, ờ mìng gàr kơ\ gơnoar tờm dà lềng, bồt dà lềng bơh dà lơgar dê, mờ gam gàr niam tiah kis ngap lơngai, kơ\ kơljap nàng bơtàu tơnguh dà lơgar.

                  Cau cih mờ yal tơnggit K’ Duẩn.