VOV4.K’ho – Sền iat pơrjum dơ\ 9, Gơnoar ala mat dà lơgar kơnă 13, iat jơnau yal bơh Gơnoar atbồ lơgar dê, cau te\ khà ală càr Tây Nguyên chờ hờp ngan tềng đap bơta bơtàu tơnguh bơh broă lơh sa mpồl bơtiàn, tam gơl pa tàm broă đơng lam bồ bơh ờ uă gah, sơnah lơh broă dà lơgar. Bal mờ hơ\, cau te\ khà kung kơp kờ` dơ\ pơrjum geh tơlik kơrnuat tus uă bơta kuơ màng dà lơgar dê.

Tơnơ\ mờ tu\ iat ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar yal bè bơta bơtàu tơnguh lơh sa mpồl bơtiàn nam 2014 mờ ală nhai bồ nam 2015, bơta bơcri priă jền dà lơgar mờ bơsong ală bơta lơh sa, sền gàr ngap lơngai, gùng dră bal mpồl bơtiàn bơh dà lơgar dê, uă cau te\ khà càr Dak Lak chờ hờp ngan bè bơta bơtàu tơnguh bal bơh dà lơgar dê, kung bè broă đơng lam bồ bơh ală gah, sơnah lơh broă geh uă tam gơl pa.

Cau te\ khà tàm càr Dak Nông kung tơl^k nùs nhơm niam bè broă tơnguh bơtàu lơh sa-mpồl bơtiàn dà lơgar dê. Cau te\ khà Lê Đình Nhung, kis tàm sơnah [òn Nghĩa Đức, [òn drà Gia Nghĩa kơ\p kờ` ală adăt boh lam kuơ màng geh ring bal tàm pơrjum do kờ` gờ` geh ngui tàm rài kis, tàm hơ\ uă ngan là adăt pal lơh jăt broă tơmù khà kuang bàng lơh broă mờ sơndră mờ sa kuề sa koà: “Bơh tàm dơ\ sền tàm pơrjum Gơnoar ala măt dà lơgar, iăt jơnau yal cồng nha tơnguh bơtàu lơh sa-mpồl bơtiàn, cau te\ khà bè bol a` chờ hờp ngan mờ pin dờn tàm broă đơng lam bơh Đảng, Dà lơgar… tàm hơ\ uă ngan là tàm pơrjum do geh ring bal mờ tam gơl ờ uă adăt boh lam, jăt a` lơh bè lơi den khà du\t ndơl ală adăt do geh ngui là pal mùl màl mờ rài kis, tàm hơ\ uă ngan là tàm broă sơndră mờ sa kuề sa koà, broă lơh kuang bàng pal lơh bè lơi tơmù di pal, ai ală cau mùl màl geh ngăc ngar, jăk chài, geh nùs nhơm niam drơng broă lơh”.

Cau te\ khà Trần Viết Truy, kuang bàng jơh sơnam lơh broă sơnah bòn Duy Tân, bòn dờng Kon Tum, càr Kon Tum pà git: ồng kung bè ală cau te\ khà ndai chờ hờp ngan, mơya kung geh ală ờ suk tềng đap bơta lơh sa dà lơgar dê: “Jơnau yal bơh gơnoar atbồ lơgar tềng đăp gơnoar ala măt dà lơgar den làng bol chờ hờp ngan mơya mùl màl den tơnơ\ bơta chờ hờp hơ\ kung là bơta ờ su\k. Hơ\ là bơtàu tơnguh hơ\ mìng là đơs bal, ai đơs bè làng bol lơh broă sa den gam geh ală kal ke. Ờ suk uă ngan, broă lơh gơnoar ala măt dà lơgar pal cri bơyai bè lơi bè broă lơh sa mờ tăc phan lơh gơs. G^t nđờ rơndeh pơn diang plai rơpung kài tăc hờ lơgar cau gơ ơm tềng hơ\. Kơrnoăt tu\ do là lơh bè lơi nàng làng bol lơh gơlik phan bơna, gơtùi tac phan bơna hơ\, pleh mờ tơnhàu geh uă mơya tăc ờ ỳom, tăc ỳom mơya tơnhàu ờ geh.”

Cau mblàng Ndong Brawl mờ K’ Duẩn