VOV4.K’ho – Ngai òr 18/5, ală cau tơlik mat te\ khà kuang bàng Gơnoar ala mat dà lơgar kơnă 14 gơ wèt mpồl te\ khà sồ 1 mờ ală cau tơlik mat te\ khà kuang bàng Mpồl duh broă ala mat làng bol càr Daknông kơnă III, tơngai lơh broă bơh nam 2016- 2021 gơ wèt mpồl te\ khà sồ 2 neh geh dơ\ tìp mat mờ cau te\ khà kơnhoàl Tuy Đức nàng lam sồr te\ khà. Tàm dơ\ tìp mat, tơnơ\ tu\ iat broă rơndăp lơh broă bơh ală cau tơlik mat te\ khà dê, uă ngan cau te\ khà đơs là, broă lơh geh kuơ ngan ngồn mờ broă bơtàu tơnguh lơh sa- mpồl bơtiàn, tơnguh jơnhoa rài kis ai làng bol in. Cau te\ khà kơ\p kờn là, ală cau tơlik mat te\ khà, bulah geh pồ halà ờ geh pồ kung kờn pal tơngo\ niam gơnoar broă, kơnòl broă bơh tơl nă cau dê tàm tơl gơnoar broă geh Đảng, Dà lơgar, mờ làng bol jàu kơnòl. Gơ wèt mờ ală cau geh pồ, kờn pal sền gròi geh jơnau đơs tàm ală dơ\ cribơyai, pơrjum Gơnoar ala mat dà lơgar, Mpồl duh broă ala mat làng bol càr Daknông gơ wèt tus mờ bơta kung gam ờ suk, gam geh tàm bơta geh ngan rài kis tu\ do.

Cau cih mờ yal tơngi\t- Lơ Mu K’ Yến