VOV4.K’ho – Tàm tu\ geh ờ uă broă lơh ờs mờng gam mờr roh tềng đăp mờ broă gơrềng bal bơh rài kis pa, den tàm ntum Ea Kao, [òn dờng Buơn Ma Thuột, càr Dak Lak geh 1 mpồl cau ùr kòn cau Rơđê neh crơng gơs mpồl lơh broă bal tà` phan ờs mờng. Bơh tu\ hơ\, ală oh mi cau ùr geh prăp gàr broă lơh ờs mờng kòn cau dê mờ geh tăc tus tàm drà kă bro kờ` pơgồp bal tàm broă tơnguh rài kis hìu nhă.

Tus [òn Tơng Jú, ntum Ea Kao, [òn dờng Buôn Ma Thuột, càr Dak Lak [uơn ngan kờ` geh tìp mờ 1 mpồl cau ùr kòn cau Rơđê gam nggui bal tàm hìu hờ đang jòng, ha là 1 bơnah tềng gah hìu tòm gam mờ bơnơ\ tà` ồi. Phan geh ală lo\ lơh gơs tu\ do ờ mìng geh drơng tàm broă ngui pah ngai mờ neh gơs là rài kis tòm bơh hìu nhă dê tu\ mpồl lơh broă bal tà` phan Tơng Bông dờp blơi jơh ală phan geh mpồl cau ùr do tà` gơs. Lo\ H’ Yăm, kòn cau Rơđê neh rơlao 20 nam tàm broă tà` ồi tàm [òn do pà g^t: “Lài ngan bơh nam 2003, tus lơh broă tàm do tơl nă cau geh 1 tơlăk 500 tus 1 tơlăk 700 rơbô đong. G^t kal ke kung lơh sơl, tài a` gơboh mờ broă do. Broă do là broă kòn cau a` dê”.

Mpồl lơh broă bal tà` phan Tơng Bông crơng gơs nam 2003. bơh 2, 3 bơta phan dềt ờ uă sơnrờp ngan, drơng tàm broă ngui làng bol in tàm ală dơ\ ngai chờ, ngai satềp…tus tu\ do, phan bơh mpồl lơh broă bal do neh tus tàm ală hìu tăc phan tàm càr Dak Lak dê. Bu\ lah bè hơ\, kờ` geh cồng nha do, lo\ H’ Yăm, cau atbồ mpồl lơh broă bal do neh bal mờ ală oh mi cau ùr tàm [òn sơlèt mờ ală kal ke. Kờ` geh bơta phan tà` di pal mờ drà kă bro, lo\ H’ Yăm neh tus jòi sền kờ` g^t uă ngan drà tăc, tus bal g^t nđờ dơ\ ràng tơl^k drà tăc phan kờ` g^t, lơh kuèng mờ broă tam gơl ngui phan mờ bơto sồr làng bol tà` gơs phan kờ` drà tăc in geh dờp. Den tàng, bơdìh mờ tà` gơs ală bơta phan jăt bơhiàn, mpồl lơh broă bal do neh pơgồp bal ală bơta phan, măy mo\k pa kờ` tơmù khà priă tă lài ngan mờ geh tơl^k bơta pràn tam pơlòng bè bơta kơl jăp, niam, khà priă mờ ală bơta phan ndai di pal mờ broă ngui cau ngui in. Lo\ H’ Yăm pà g^t: “Lài ngan, tà` ờ hềt niam, dơ\ 2 là bè bơta phan geh tà` gơs mìng geh ală bơta phan ờs mờng là ào, ồi, kơl dung trao, ală bơta phan do kal ke ngan kờ` tăc geh priă, mờ khà priă lơh gơs kas ngan den tàng ờ tăc yòm. Geh tu\ kờ` den hơ\ sồng geh cau tus blơi, mơya bơh tu\ geh măy may phan lơh gơs ală bơta phan lời kir dềt rơhền den [uơn ngan tăc”.

Tơnơ\ mờ 12 nam lơh broă, bơh tàm khà priă lài ngan mìng rơlao 1 tơlăk mờ 10 nă cau, tus tu\ do, mpồl lơh broă bal tà` phan Tơng Bông neh tơnguh khà priă lơh broă tus 230 tơlăk priă. Khà cau tàm mpồl lơh broă geh sùm là 42 nă mờ 100 nă cau lơh broă jăt kàl, ală cau do ndrờm là làng bol kòn cau kis bơh jo\ tàm do, rài kis tơl nă cau rơlao 1 tơlăk 500 rơbô đong pah nhai. Khà priă do bu\ lah ờ uă, mơya neh pơgồp bal tàm broă dong kờl ală oh mi geh tai priă kờ` ring niam rài kis bơh broă lơh ờs mờng kòn cau dê.

 Bơh tàm broă lơh mpồl lơh broă bal tà` phan bơh ală oh mi cau ùr tàm ntum Ea Kao dê, tus tu\ do, càr Dak Lak neh geh tai 10 mpồl lơh broă bal tà` phan làng bol kòn cau dê. Mơya kờ` ală mpồl lơh broă bal do mùl màl là anih prăp gàr bơta niam ờs mờng mờ pơgồp bal tàm broă tơnguh khà niam rài kis, ồng Nguyễn Phương Nam, kuang atbồ anih lơh broă Gah lơh sa mờ tơnguh bơtàu [òn lơgar càr Dak Lak đơs là broă sền gròi bơh ală anih lơh broă, gah lơh broă càr dê tàm broă tơnwèt gùng dà, bơto bơtê broă lơh là geh kuơ màng ngan: “Broă tìp mờ drà tăc phan ală cau do dê ờ pràn, den tàng tàm tơngai tus gam sền gròi hơ\ là bơta pràn dong kờl tai bơh Dà lơgar dê. Kuơ màng ngan là broă yal ală bơta phan kờ` ai tơl bơta niam mpồl lơh broă bal in dong kờl jòi geh drà tăc ală bơta phan geh tà`, mờ bơta pràn den ală cau do geh rơcang lài is, drà tăc là bơta tòm ngan”.

Kơ\p kờ` mờ nùs nhơm khin đơs jăk lơh, bal mờ broă sền gròi, dong kờl bơh gơnoar atbồ ntum, broă tà` phan cau ùr kòn cau Rơđê tàm càr Dak Lak dê ờ mìng geh prăp gàr mờ gam gơs là 1 broă lơh tòm, dong kờl ală oh mi cau ùr in ring niam rài kis, pơgồp bal bal tàm broă tơnguh bơtàu lơh sa ntum dê.

Cau mblàng Ndong Brawl