VOV4.K’ho – Nhờl chờ lơh broă sa là broă lơh nhơl chờ pa bơh [òn dờng Dà Làc, càr Lâm Đồng dê neh lời wơl jơnau kah kir niam mờ gơ hòi gơ jà gal ngan nac nhơl chờ tus sền mờ jòi git ngan ngồn, pơgồp bơnah chồl pràn bơta gơguh lơh sa ai gah nhơl chờ tờm ngan bơh tiah do dê in. Bulah bè hơ\, bơh 5 nam lơh tơrlòng lài, broă rề ơnàng mờ bơtàu tơnguh broă lơh nhơl chờ lơh broă sa bơh Dà Làc– Lâm Đồng dê neh ai go\ ua\ bơta ờ niam. Den tàng, Lâm Đồng pal ơm ing broă ring bal broă lam lơh rơndap broă bơcri pria\ bơt bơtàu tơrlòng lài broă nhơl chờ lòt triang sền lơh suơn tam phan tàm gùt càr.

Tơngai lài, anih nhơl chờ lòt triang sền suơn tam rơpual plai dờng tàm gùng Hồ Xuân Huơng, sơnah [òn 9, [òn dờng Dà Làc, càr Lâm Đồng sùm gơ hòi gơ jà gal ngan nac lòt triang sền. Tàm do, ờ mìng tàm ală sơntìl rơpual tơt plai dờng ngan, cau tờm trang trại gam tơrgùm mờ tam ua\ ngan sơntìl rơpual krơi sơ bơi, ală bơta biap, kơnuh, plai chi tiơng pơn rơ bơh Dà Làc dê.

Bi Nguyễn Ánh Minh, cau nac nhơl chờ tus bơh [òn dờng Hồ Chí Minh đơs là, ờ geh bơta lơi niam rlau geh sền ală plai rơpual dờng ngan, geh pic is, geh sa 2, 3 bơta biap, kơnuh, plai chi Dà Làc dê. Gơ wèt mờ bi, bơh tơ nơ\ gơbàn kòp Covid-19 tus tu\ do, dơ\ ơm rlô să do neh cèng wơl ua\ bơta kơ lôi sơ nơng niam ngan: “A` kờ` ngan se\ còp ală anih nhơl chờ lơh broă sa bè do. He geh jòi git bè bơta chài tam, ua\ bơta sơntìl tai. Pah dơ\ lòt triang sền den ndrờm go\ tai ală bơta pa, bè dơ\ do den cau tờm suơn ràng tơlik tai ua\ sơntìl rơpual pa niam ngan. A` kung yal ua\ bơyô in lòt sền den khi ndrờm kờ` lơm”.

Ai gơ wèt mờ bi Nguyễn Thị Nhung, tu\ geh sền mờ rơ wah pic is ală plai dâu tây dum pơrhê tàm dùl anih nhơl chờ lơh broă sa tàm sơnah [òn 8, [òn dờng Dà Làc là dùl broă jòi git ngan ngồn niam ngan ờ git lơh. Tàm do, bơdìh mờ geh sền broă lơh bơh dùl nă cau lơh sa suơn sre dê, bi mờ mpồl bơyô bi dê neh cùp ua\ ngan rùp, prap wơl ală tu\ tơngai kir sơnrai bơh dơ\ lòt nhơl do dê: “A` gơ lơh kờ` ngan tu\ lòt triang sền anih nhơl chờ suơn tam phan bè do. Tài tu\ tus ndo den he geh sền go\ chi tam geh dờng tàm bơta bè lơi. Bơh hơ\ hơ\ sồng he git loh công nghệ tam phan jat gùng dà kloh niam là `chi, cèng wơl phan bơna geh bơta niam, ờ do ờ dă ai cau ngui sa in bè lơi”.

Nac nhơl chờ gơ lơh kờ` ngan tu\ geh lơh cau lơh broă sa

Kờ` tơnguh bơta pràn mờ bơta [uơn bè lơh sa suơn sre nàng ngui geh cồng nha ală bơta phan geh is, lơh gơlik ală phan bơna pa drơng nhơl chờ, lơh gơlik pria\ jền, ai geh broă lơh mờ yal tơnggit phan lơh gơs bơh suơn sre bơh càr dê, lồi nam 2015, Ủy ban Nhân dân càr Lâm Đồng neh ring bal rơndap broă lơh tơrlòng lài bơt bơtàu ală broă lơh nhơl chờ lơh broă sa tàm càr.

Bơh 5 nam lam lơh, tus tu\ do, Lâm Đồng neh geh 33 anih nhơl chờ lơh broă sa geh lơh sră ai gơnoar mờ lơh broă, rlau 10 anih ndai gam geh bơcri pria\ lơh, mờ kờp jơh khà nac lòt triang sền, jòi git ngan ngồn mờr 4 tơlak 300 rbô dơ\ mờ pria\ lơh geh bơh ală broă lơh mờr 200 tơmàn đong, tă dia mờr 20 tơmàn đong.

Jat ồng Phạm S, Phó Chủ tịch Ủy ban Nhân dân càr Lâm Đồng pà git, tài Lâm Đồng là tiah sơn rờp tàm gùt lơgar lam lơh tơrlòng lài broă lơh nhơl chờ lơh broă sa, pơgồp bal nhơl chờ mờ broă lơh sa suơn sre den tàng neh ai tơnggo\ ua\ bơta ờ niam, tàm hơ\ kal ke dờng ngan rlau jơh tu\ do là broă atbồ rơndap tap sèng bơt bơtàu tàm ală anih nhơl chờ lơh broă sa do. Neh gơlik geh bơta 2, 3 mpồl bal, cau dùl nă să sơ mờm broă bơtàu tơnguh bơta nhơl chờ pa do nàng bơcri pria\, tac bro ù tiah hìu đam… lơh broă atbồ ù tiah, rơndap tap sèng tiah drà ngai sơlơ ờ gơtùi sền gròi.

Ồng Phạm S đơs: “Tu\ lam lơh tơrlòng lài neh ai tơnggo\ ua\ bơta ờ niam, hơ\ là 2, 3 anih bơtàu tơnguh dềt ir, ờ geh tơl ală bơta bè phan bơna nàng drơng nac nhơl chờ in, lơh nac lòt nhơl ờ niam nùs mờ lơh gơ rềng tus broă lơh bal bơh gah nhơl chờ càr Lâm Đồng mờ [òn dờng Dà Làc dê. Ua\ mpồl sơ mờm broă bơtàu tơnguh broă lơh nàng lơh ua\ broă lơh dờng tàm ù lơh sa suơn sre tìs mờ adat boh lam. Dùl bơta tai là geh bơta blac pơrlồm tàm broă lơh ală anih ơm wơl tàm anih nhơl chờ lơh broă sa he dê, lơh gơlik bơta kuơ bè ù tiah, hìu đam ờ ngan, tàm tu\ ờ hềt geh kấp lơi atbồ. Dilah ờ ơm ing broă ai gơ noar lam lơh den geh gơ rềng ua\ ngan tus bơta atbồ ù tiah, phan geh is nhơl chờ bơh [òn dờng Dà Làc dê”.

Dùl anih nhơl chờ lơh broă sa

Là ù tiah noat mrềt pah nam, [òn dờng Dà Làc– càr Lâm Đồng geh bơta pràn mờ bơta [uơn nàng tam ală bơta biap, kơnuh, plai chi tiơng pơn rơ, bal mờ broă sền gròi ngui công nghệ cao tàm broă lơh sa neh lơh gah lơh sa suơn sre bơtàu tơnguh pràn ngan. Do là bơta pal geh mờ tơl, là bơta [uơn ờ huan geh ngan nàng Dà Làc in bơtàu tơnguh pràn broă nhơl chờ lòt triang sền lơh sa suơn sre mờ gơ jat bal mờ ală gah lơh sa ndai. Den tàng, Ủy ban Nhân dân càr Lâm Đồng gam đơng lâmlă anih lơh broă geh gơ noar tơrgùm kờp sền, bơt bơtàu mờ tam gơl ală broă lơh dipal nàng bơsong ală bơta ờ niam, lam broă lơh nhơl chờ lơh broă sa bơtàu tơnguh kơ\ kơljap tàm tơngai tus.

Cau mblàng K’Duẩn