VOV4.K’ho – Pơrjum dơ\ 3, Quốc hội kơnă XIV neh ngan ngồn geh lơh drim òr 22/5 tàm Hà Nội. Đơs sơnđờm mu\t pơrjum, mò Nguyễn Thị Kim Ngân, Chủ tịch Quốc hội Việt Nam sồr ală kuang bàng Quốc hội lơh jat niam nùs nhơm lơh broă geh kơnòl, bồ tơngoh jak, tơrgùm kơlôi sơnơng sră nggal, mơkung lơh jat niam nùs nhơm tam klac bal, lơh tờm, geh kơnòl uă cribơyai, tă pơgồp uă jơnau đơs, pơgồp bơnah tàm cồng nha lơh geh bơh dơ\ pơrjum dê, lơh geh jơnau sồr, jơnau kơ\p kờn bơh cau te\ khà mờ làng bol gùt lơgar dê.

Jat bơta jàu kơnòl bơh Thủ tướng Chính phủ dê, ồng Trương Hoà Bình, Phó Thủ tướng Chính phủ neh sền sră yal bơh Chính phủ dê yal sền sơ wì bơtơl cồng nha bơtàu tơnguh lơh sa- mpồl bơtiàn nam 2016 mờ broă mu\t lơh kơnòl broă ală nhai bồ nam 2017 mờ ală broă tờm đơng lam, atbồ bơh Chính phủ dê tàm ală nhai pơn jat tai. Jơnau yal đơs loh, gơguh tai GDP tàm 3 nhai bồ nam do, gùt lơgar mìng lơh geh 5,1%, lơyah rlau pơndrờm bal dùl tu\ mờ nam lài. Khà kờp lơh gơlik phan mờ công nghiệp 4 nhai bồ nam gơguh 5,1%, uă ngan là bơh gah broă lơh tơnhàu phan kuơ tàm ù gơmù. Broă tam pà mờ jàu broă rơndăp lơh priă bơcri dà lơgar lơyaì.

Tơngai tus, Chính phủ tơrgùm đơng lam ală bộ, gah sơnah lơh broă mờ ală tiah mu\t lơh kràn cê jơh nùs ală broă lơh chul chồl gơguh tai lơh sa jơnhoa rlau tàm ală nhai gam wơl, lơh ngan jơh nùs lơh geh jơnau kờn gơguh tai GDP gùt nam geh 6,7% bè Quốc hội dê sồr.

Cau cih mờ yal tơngi\t-Lơ Mu K’ Yến