VOV4.K’ho – Drim òr 4/7, tềng đap bơta đơng lam bơh Thủ tướng Nguyễn Xuân Phúc, Chính phủ pơnjat tai pơrjum ờs mờng nhai 6 nam 2017, tơr gùm tàm broă lơh bơt bơtàu thể chế, chính sách adat boh lam. Chính phủ neh iat jơnau yal bè broă kờp sền, tam gơl, bơ tơl ală jơnau cih bơh adat boh lam dê gơ rềng tus ù tiah, bơt bơtàu, hìu ơm, bơcri priă kă bro, rơndap ù tiah.

Đơs bè bơta do, Thủ tướng đơs tờm broă bơt bơtàu thể chế, adat boh lam là bơta kuơ màng. Mơya “Dilah thể chế sùm rồn bơ klơn, ờ ai geh bơta [uơn jat cơ chế lơh sa drà kă bro jat gùng dà xã hội chủ nghĩa den ờ gơtùi bơtàu tơnguh”. Kung tàm dơ\ pơrjum, Chính phủ neh iat, cribơyai bè rơndap cih adat dơp ndơl dà lơgar, rơndap cih adat sền gàr dà lơgar tam gơl, rơndap cih adat tam gơl, bơ tơl ờ uă bơta bơh adat Lý lịch tư pháp, rơndap cih Nghị định tam gơl, bơ tơl ờ uă bơta bơh Nghị định sồ 67 cih mùl màl ờ uă bơta mờ broă mut ngui adat rơcang sơndră bơta aniai bơh jràu dê…

                                                        Cau cih mờ yal tơnggit K’Duẩn