VOV4.K’ho - Đơng lam pơrjum mhar drim òr (17/7) geh pờ tơl^k tơn tàm internet mờ ală càr tiah đah tô tàm gùl lơgar bè broă sơndră mờ trồ tiah lơh aniai, Phó Thủ tướng Chính phủ Trịnh Đình Dũng neh sồr ală kuang bàng tàm Chính phủ pơgồp bal mờ ală càr mhar tơmù hoàc huơr bơh mìu càl dờng sồ 2 lơh aniai, jòi 10 tàm 13 nă cau tàm ơhò VTB 26 pơn diang chah gơbàn bu\ tu\ neh ơm tàm tiah dà lềng Hòn Ngư, thị xã Cửa Lò, càr Nghệ An.

Ồng Trịnh Đình Dũng neh dờp broă lơh ngan bơh ală mpồl, ală càr neh lơh ngan tàm broă sơndră mờ mìu càl dờng sồ 2, tơmù ờ uă ngan hoàc huơr bè kòn bơnus bal mờ phan bơna. Mìu càl dờng sồ 2 ờ pràn, mơya mhar, bu\ lah tơrgùm đơng lam, mơya kung gơbàn hoàc huơr uă.

Bal mờ broă jòi cau gơbàn rềs àr, ồng Trịnh Đình Dũng sồr ală càr pal mhar tơmù hoàc huơr tơnơ\ mờ mìu càl dờng; dong kờl làng bol tàm tiah rềs àr gờ` ring niam rài kis.

Cau cih mờ yal tơng^t Ndong Brawl