VOV4.K’ho – Ngai òr (5/7), tàm Hà Nội geh bơyai lơh ki\ rơndap broă kuơ màng bal pa tơngai bơh nam 2017 tus nam 2021 đah Chính phủ Việt Nam mờ 18 anih lơh broă bơh Liên hợp quốc dê. Rơndap broă lơh bal tơngai bơh nam 2017 tus nam 2021 geh bơt bơtàu jat 3 kơrnuat là tơl làm, ringbal mờ kơ\ kơljap, dipal mờ rơndap broă bơtàu tơnguh lơh sa mpồl bơtiàn bơh lơgar Việt Nam dê, ală jơnau kờ` bơtàu tơnguh kơ\ kơljap tus nam 2030, kung bè ală jơnau pơrgon dunia bơh lơgar Việt Nam dê bè gơnoar kòn bơnus.

Mờ jơnau kờ` priă jền kờp du\ 423 tơlak đôlar Mỹ, rơndap broă kuơ màng bal tơngai bơh nam 2017 tus nam 2021 sền gròi lài tus 4 gah kuơ màng, 9 mpồl cồng nha ndrờm bal, pơnjat tai bơtàu tơnguh bơnàng jă ai broă rề ơnàng git gơp lơh broă bal đah Liên hợp quốc, Chính phủ, ală mpồl lơh broă bal dùl nă să is, ală lơgar tam klac bal bơtàu tơnguh, ală mpồl lơh broă mờ mpồl ờ di chính phủ đơng lam geh crơng gơs di mờ adat boh lam.