VOV4.K’ho - Mho òr 08/03, tàm Hìu tàm pơr lòng tàp pràn să ja` càr Dak Lak neh geh lơh broă lơh “ Chờ bồ sơnam pa Phú Mỹ” tiah Tây Nguyên. Do là broă lơh sơnđờm ai ală broă lơh chờ gờm Dơ\ lơh chờ kơphê Buôn Ma Thuột dơ\ 5. Tus bal broă lơh do, geh 4 mpồl, là ală cau lơh broă sa kơ nòm să tus bơh ală càr : Gia Lai, Dak Nông, Lâm Đồng mờ mpồl cau tờm hìu là Dak Lak. Ală mpồl tàm pơr lòng pe bơnah, tàm hơ\ geh: Jơnau gi\t wa\ bè tờm kơphê mờ dơ\ lơh chờ kơphê Buôn Ma Thuột; Sơngka sền gàr, pik tơnhàu plai kơphê mờ du\t ndơl là bơnah pơr lòng kơphê Việt geh kă bro tàm dunia. Bơh jơnau gi\t wa\ uă ngan mờ bơta chài tàm pơr lòng jak ngan, mpồl Dak Nông neh ai geh khà dùl, mờ priă jờng là 25 tơlak. Bi Nguyễn Xuân Sơn, cau tàm mpồl càr Dak Nông pà gi\t: Tus bal jơnau nhơl Chờ bồ sơnam pa Phú Mỹ tiah Tây Nguyên là tu\ niam nàng tìp mat, lơh quèng, lùp bơsram tai jơnau gi\t wa\ ai cau lơh broă sa in, ngan là tàm broă tam mờ sơngka sền gàr kơphê.

Chờ sơnam pa Phú Mỹ