VOV4.K’ho - Tơnơ\ mờ tu\ neh ơm rơlô bơkang, kơnòm dềt tàm [òn K’Nach, ntum Buôn Triết, kơnhoàl Lăk, càr Dak Lak neh geh tus bal tàm nùs nhơm chờ hờp bơh ală broă nhơl chờ kàl rơlô bơkang. Ală dơ\ đơs crih tamya, ală broă nhơl mờng geh ală bi, ală lo\ ơruh pơnu, lơh broă lam lài tus bơyai lơh tàm hìu chài rơgơi. Oh H’Me Ri Êung, kòn cau Mnông, kis tàm [òn Ung Jung 2, ntum Buôn Triết pà g^t, oh geh mè, bèp lam tus tàm do bơh gờ` kờ` tus bal ală broă lơh nhơl chờ do. Oh H’Me Ri Êung đơs: “Oh ờ hềt tu\ lơi geh tus bal nhơl chờ bè do, ngai do geh tus bal den oh chờ hờp ngan, oh kờ` ngan nhơl ală bơta mờ geh dờp phan pà. Oh kơ\p kờ` nam tơnơ\ mpồl ơruh pơnu geh bơyai lơh tai ală broă nhơl chờ bè do tai”.

Ală kơnòm dềt tus bal nhơl hờ bơdìh ù tiah

            Mờ uă broă nhơl chờ bè: “Pơlòng `o\ 36 bơta”, “Mpồl bơyô jan plai niam”, “Cau đơs crih lơs rơlao”, mờ bơsram tamya “broă tamya bơh ală iar dam dê”, uă kơnòm dềt bơh sơnrờp gam ờ khin, mìng nggui sền, tơnơ\ mờ hơ\ neh tus bal mờ ală broă nhơl kờ` tam phà geh phan. Ờ mìng geh dờp phan pà bơh ală dơ\ nhơl, ală oh geh khà blơsram jăk gam geh dờp ală khà priă bơsram geh mpồl ơruh pơnu càr Dak Lak pà. Cèng tàm tê phan pà tài geh khà sơlèt mờ kal ke bơsram jăk, oh H’ Linh Bkrông, kòn cau Rơđê kis tàm [òn K’Nach chờ hờp đơs: “Oh chờ hờp ngan tu\ geh dờp phan pà bơh ală bi, oh lơh ngan tơnơ\ do bơsram jăk, geh bơsram jăk nam tơnơ\ ală bi tus tai pà phan uă rơlao tai ală oh in”.

Bal mờ broă đơgn lam bơh ală kơnhoàl, [òn drà, mpồl ơruh pơnu tàm càr bơyai lơh nhơl chờ kơnòm dềt in, mpồl ơruh pơnu càr Dak Lak gam crơng gơs ală mpồl tus còp, pà phan, jàu priă bơsram ai kơnòm dềt geh rài kis kal ke tàm ală ntum tiah sar lơgar ngài in. Mpồl ơruh pơnu càr Dak Lak neh pơgồp bal mờ Gah lơh broă-cau ling sồt să mờ mpồl bơtiàn càr, kes priă dong kờl kơnòm dềt càr mờ ală anih lơh sa kă bro dong kờl, jàu geh mờr 100 khà priă bơsram mờ khà kờp jơh rơlao 150 tơlăk priă mờ rơlao 800 pò phan, [a`, kèo ai ală kơnòm dềt in.

Pà phan ală kơnòm dềt geh rài kis kal ke in

               Bơdìh hơ\ tai, mpồl ơruh pơnu càr Dak Lak gam lam sồr mpồl cau bơsram dờng lơh broă lam lài tus tàm ală ntum kal ke kờ` bơyai lơh ală broă lơh kàl rơlô bơkang kơnòm dềt in. Bi Y Nhuần Byă, kuang atbồ đơng lam mpồl ơruh pơnu càr Dak Lak pà g^t: “Mìng broă lơh khà càr den bơyai lơh ală kơnòm dềt in mờ tus còp, lam sồr ală oh geh rài kis kal ke, mờ neh jàu ală khà priă bơsram ai ală oh geh rài kis kal ke tàm gùt càr. Kal ke ngan tu\ do là ală kơnhoàl den kal ke ngan kờ` geh ală anih nhơl chờ ai ală kơnòm dềt in di tàm kàl rơlô bơkang do, hơ\ là bơta mờ bol a` gam ờ su\k ơm ngan. Tàm dơ\ rơlô bơkang do geh rơcang 1 rơbô nă cau bơsram dờng lơh broă lam lài geh tam pà tus bal 25 ntum tàm gùt càr, pơgồp broă lơh tòm ơruh pơnu in, tàm hơ\ geh lời broă nhơl chờ ală kơnòm dềt tàm ală tiah sar lơgar ngài in”.

Dùl kàl rơlô bơkang tai neh tus mờ ală kơnòm dềt tàm càr Dak Lak, mờ nùs nhơm niam, rơcang lài bơh mpồl ơruh pơnu càr Dak Lak dê, geh pơgồp bal tàm broă dogn kờl ală kơnòm dềt geh 1 kàl rơlô bơkang chờ hờp mờ niam bơne\.

Cau mblàng Ndong Brawl