VOV4.K’ho - Neh gơs bơhiàn ờs mờng, pah tu\ tus àng kơn nhai dar me nhai 1 pah nam, làng bol ală kòn cau Việt Bắc gam ơm kis tàm càr Dak Lak chờ hờp ngan bơyai lơh chờ bơhiàn yau tàm bòn ơm kis pa. nam do là dơ\ 6 chờ bơhiàn yau chài rơ gơi Việt Bắc geh bơyai lơh tàm ntum Ea Tam, kơnhòal Krông Năng, càr Dak Lak, là tiah geh tus rlau 80% khà kờp làng bol là kòn cau Tày, Nùng, Dao, Thái ơm kis. Dơ\ chờ geh bơyai lơh mờ 3 bơnah lơh bơhìan bal mờ 8 bơta lơh chờ, tàm hơ\ kuơ màng ngan rlau jơh là dơ\ bơyai lơh yàng ù mờ dơ\ bơyai lơh chờ lồng tồng, hòi dan trồ tiah geh niam, kàl lơh sa gớ sniam, làng bol lơh sa gơtìp uă bơtuah. Bơnah lơh chờ mờ ală bơta `hơl bơhiàn yai bè pa` sơna kam, drok gai, lòt ceh càng èt, to plai kòn, geh gal ngan cau tus bal. chờ sơnam pa Việt Bắc tàm càr Dak Lak geh bơyai lơh tàm 2 ngai, ngai 6 mờ ngai 7/3, geh gal ngan nac nhơl chờ tus bal ală bơta nhơl bơhiàn yau, sền ală jơnau đơs crih tamya mờ sa ală bơta phan sa bơhian yau. Bal mờ broă sền gàr mờ bơtàu tơnguh bơta niam chài rơ gơi bơhiàn yau, do là tu\ nàng làng bol ală kòn cau Việt Bắc ơm ngài bòn tờm geh tìp mat mờ ală kòn cau oh mi ndai ơm kis tàm càr Dak Lak, tam klac bal mờ gơp, bơtàu tơnguh bal.

   }au mblàng K’ Duẩn