VOV4.K’ho - Ală nam do, bulah cồng nha bơto bơtê kơnòm bơsram tàm ù tiah [òn dờng Kon Tum, càr Kon Tum neh geh bơta bơtàu tơnguh sùm mờ tơnguh tai uă ngan. Nàng lơh geh cồng nha do, gơnuar broă đơng lam mờ pơlam gùng lòt lơh broă mờ ală lơh broă Đảng tàm ală hìu bơsram neh geh tơnguh jơnhoa mu\t lơh cồng nha. Bơh hơ\, gah bơto bơtê mờ bơ sram tàm [òn dờng Kon Tum mu\t lơh geh cồng nha broă bơtàu tơnguh bơto bơtê tơl làm tàm [òn dờng.

Là 1 nă cau pơgru, cau geh đảng pơnrơ jăk tàm uă nam tơn, pơgru Trần Thị Thu Hà, atbồ ơdu\ 3D, hìu bơsram kai 1 Ngô Quyền, [òn dờng Kon Tum sùm lam lài tàm ală broă lơh hìu bơsram dê. Bơdìh mờ broă lơh niam ală gùng dà, broă lơh bơh Đảng mờ adăt boh lam dà lơgar ală kơrnoăt cau geh đảng pơgru Trần Thị Thu Hà gam tus bal tàm broă bơsram is, bơceh is tàm broă tam gơl pa tơnguh niam broă bơto di pal mờ tơl nă kơnòm bơsram. Pơgru Trần Thị Thu Hà, bơto tàm hìu bơsram kai 1 Ngô Quyền, [òn dờng Kon Tum đơs: “Gơnuar bơh 1 nă cau pơgru, cau geh đảng gơwèt mờ a` là sùm lam lài, lài ngan là broă lơh jăt kơnòl gùng dră bal mờ nùs nhơm sùm lơh jăt niam ală gùng dà, adăt boh lam Đảng mờ Dà lơgar dê. Ờ tìs mờ ală bơta ờ ai cau geh Đảng lơh, ờ tìs mờ nùs nhơm cau pơgru mờ sùm kis tam klăc, đềt mềr bal ờ ală bơyô, cau pơgru ndai, sền gròi, dong kờl ală cau, kis mờ lơh broă, bơsram sră jăt ơnà jăk Bác Hồ dê”.

Tus tu\ do, mpồl cau geh Đảng hìu bơsram kai 1 Ngô Quyền geh 23 nă cau tàm khà 42 nă cau pơgru. Bơh tàm broă bơyai lơh pơrjum jăt tơngai, mpồl cau geh Đảng tàm hìu bơsram do sùm sền kuơ tus mờ broă bơto bơtê gùng dră bal, nùs nhơm mờ tơn wèt gùng dà lơh jăt kơnòl gùng dră bal tàm hìu bơsram. Tàm hơ\ geh uă ngan là đơng lam niam broă bơto mờ bơsram, bơh tàm broă đơng lam nền nòn mpồl đơng lam Đảng tàm ală nam do dê, hìu bơsram neh pơn yờ să ngan geh dờp khà là hìu bơsram chài rơgơi, hìu bơsram đềt mềr, kơnòm bơsram jăk, hìu bơsram geh khà dà lơgar khà 2. G^t gơnuar kơnòl tòm, mpồl cau pơgru tàm hìu bơsram ndrờm tơl^k nùs nhơm geh kơnòl uă, lam lài tàm ală broă lơh kờ` pơgồp bal ai khà niam broă bơto bơtê mờ bơsram tàm hìu bơsram lam lài tàm gùt [òn dờng tàm ală nam bơsram pa do.

Tơn jơh bơsram dar dơ\ 1 nam bơsram 2014-2015, hìu bơsram geh rơlao 74% khà kơnòm bơsram geh khà bơsram jăk, rơlao 21% khà kơnòm bơsram geh khà jăk di mơ, kơnòm bơsram tàm hìu bơsram sùm geh khà uă tàm tơl dơ\ pơlòng geh gah bơto bơtê mờ bơsram càr, [òn dờng bơyai lơh. Pơgru Vũ Thị Vân kuang atbồ đơng lam Đảng, gơnuar atbồ hìu bơsram kai 1 Ngô Quyền, [òn dờng Kon Tum pà g^t:“Hìu bơsram kai 1 Ngô Quyền neh geh gah bơto bơtê mờ bơsram dờp là hìu bơsram geh khà niam tàm broă bơto bơtê mờ bơsram khà 3, kờ` tơnguh sùm cồng nha do, mpồl đơng lam Đảng hìu bơsram neh đơng lam hìu bơsram tơrgùm tơnguh niam broă bơto mờ bơsram. Bal mờ broă, tơl nă cau pơgru tus bal bơsram is bơtơl, bè gah hìu bơsram, den hìu bơsram kung tơnguh broă bơto bơtơl sùm ai cau pơgru in, mờ tơnguh broă sền gròi is tàm hìu bơsram, còp ơdu\, tus sền bơto kờ` di tu\ pơlam dong kờl cau pơgru tơnguh niam broă bơto”.

Pơgru Thái Khắc Hoà kuang jăt jơng atbồ gah bơto bơtê mờ bơsram [òn dờng Kon Tum đơs:“Tơnơ\ mờ rơlao 2 nam lơh jăt kơrnoăt dà lơgar 4, gah bơto bơtê mờ bơsram neh geh ală gah lơh broă kuơ màng. Mùl màl, kuang bàng, cau pơgru mờ cau geh Đảng tàm gah lơh broă do neh go\ di pal mờ mùl màl rơlao broă kuơ màng bơ\t bơtàu Đảng tàm rài pa, go\ loh broă kờ` mhar mờ broă pal tam gơl pa broă lơh niam đảng, lơh đảng he sơlơ ngai sơlơ kloh niam mờ pràn kơl dang, broă yal tìs di, tìs di is neh lơh mpồl kuang bàng, mpồl ơruh pơnu tàm gah do go\ loh ală broă niam kờ` tơnguh mờ go\ ală broă gam ờ niam kờ` tơmù di tu\ tơnơ\ mờ tu\ neh sền tìs di mờ tìs di is”.

Tus tu\ do jơh 70 hìu bơsram tàm [òn dờng Kon Tum ndrờm neh geh mpồl cau geh Đảng, khà cau geh Đảng là 890 tàm khà 2 rơbô 175 nă kuang bàng, geh 41%. Bơh tàm broă lơh sùm mpồl đơng lam Đảng dê bè broă yal tìs di mờ tìs di is tàm mpồl cau geh đảng neh geh lơh nền nòn. Broă bơsram mờ lơh jăt ơnà jăk Bác Hồ pơn jăt tai lơh geh cồng nha, ală broă lam sồr dờng bơh gah lơh broă do neh lơh broă mùl màl, pơgồp bal tàm broă lơh geh cồng nha broă tam gơl pa tơl ală bơta gah bơto bơtê mờ bơsram tàm tơngai tu\ do.

Pơgru Lê Thị Ngọc Yến, kuang atbồ đơng lam đảng, gơnoar atbồ hìu bơsram kơnòm pa lòt bơsram Nắng Hồng, ntum Đak Blà, [òn dờng Kon Tum đơs: “Gơwèt mờ mpồl đơng lam Đảng, mpồl đơng lam gơnoar atbồ hìu bơsram neh pơgồp bal nền nòn mờ mpồl đơng lam đảng gơnoar atbồ [òn dờng, ală gah, mpồl lơh broă tàm broă bơto bơtê kơnòm bơsram tàm hìu bơsram dê, bè bơ\t bơtàu rơndăp broă tơnguh bơtàu hìu bơsram, ơdu\ bơsram, hòi jà mờ tơnguh sùm khà kơnòm bơsram, lơh jăt niam broă bơto bơtơl kơnòm bơsram pa lòt bơsram tàm [òn dờng, lơh jăt niam broă pơlòng bơto mờ bơsram tàm hìu bơsram”.

Bè broă bơ\t bơtàu Đảng tàm tơngai tus, pơgru Thái Khắc Hoà kuang jăt jơng atbồ gah bơto bơtê mờ bơsram [òn dờng Kon Tum pà g^t:“Gơwèt broă bơ\t bơtàu đảng mờ tơnguh bơtàu cau geh Đảng tàm hìu bơsram, den gah bơto bơtê mờ bơsram [òn dờng do neh sền kuơ broă tơnguh bơtàu cau geh đảng gah khà niam, pơgồp bal mờ ală mpồl đơng lam đảng sền gròi broă bơ\t bơtàu mpồl đơng lam Đảng tàm hìu bơsram kloh niam, pràn kơl dang. Tus tu\ do, khà cau geh Đảng tàm hìu bơsram geh uă, cau geh đảng bơto geh 39%”.

Broă tơnguh cồng nha đơng lam, bơta pràn tam dră bơh ală mpồl đơng lam Đảng mờ tơnguh gơnuar tòm cau geh đảng tàm hìu bơsram gah bơto bơtê mờ bơsram [òn dờng Kon Tum geh uă cồng nha rơlao tàm tơngai tus.

K’ Hạnh ngui bơh Anih pờ tơlik jơnau đơs sơndio rùp Kon Tum, ]au mblàng Ndong Brawl.