VOV4.K’ho - Drim òr (31/8),  tàm hìu lơh broa\ Chính phủ, Phó Thủ tướng Trịnh Đình Dũng neh geh bùi wa\ đại sứ lơgar Cuba ồng Herminio Lopez Diaz. Tàm bùi wa\,  ồng Trịnh Đình Dũng neh đơs jơnhua bơta git gơp tam klac oh mi, lơh broa\ bal tơl làm mờ pin dờ` pal bơh Đảng, Dà lơgar mờ làng bol 2 lơgar. Ồng Trịnh Đình Dũng đơs, tàm tơngai tus, 2 lơgar kờ` sền gròi chul chồl ala\ Bộ, gah broa\ lơh geh gơ rềng bal, lơh pràn ala\ broa\ lơh bal tu\ do, lơh gơs adat boh lam tus mờ broa\ bơtàu tơngguh bal.

Ngan ngồn,  2 gah kờ` pal chồl guh rlau tai cồng nha bơh Ủy ban 2 chính phủ, tài do la broa\ lơh bal geh cồng nha, di pal. Tềng đap mat,  2 gah kờ` pal rcang niam dơ\ pơrjum dơ\ 35 Uỷ ban 2 Chính phủ kờp du\ geh lơh tàm Hà Nội  nhai 10 tus nàng chồl guh  ala\ bơceh kờ`  ai tơngguh git gơp  2 lơgar tàm gah lơh sa-ka\ bro-bơcri pria\, bơto bơsram-lơh sơnơm,  bơt bơtàu,  lơh sa suơn sre, … slơ ngai slơ bơtàu tơngguh, di pal mờ bơta git gơp chính trị  niam bơne\ bơh 2 lơgar.

                                       Cau cih mờ yal tơnggit K’ Brọp