VOV4.K’ho - Đại sứ ală lơgar tàm mpồl ASEAN tàm lơgar Ukraine gah lơgar Việt Nam, Malaysia mờ Indonesia neh geh dơ\ lơh broă mờ Ngoại trưởng lơgar Ukraine ồng Dmytro Kuleba nàng cri bơyai gùng dà broă chồl pràn broă lơh bal bơh mpồl ASEAN mờ ală lơgar tàm mpồl ASEAN tàm lơgar Ukraine.

Ală Đại sứ dan tơnguh broă tam gơl mpồl ală cấp, crơng gơs Uỷ ban ASEAN tàm lơgar Ukraine, cri bơyai k^ jơnau ring bal ờ geh visa mờ crơng gơs gùng par tus tơl bơh càr lơgar Kiev mờ càr lơgar bơh dùl lơgar tàm mpồl ASEAN, mờ chồl pràn ală broă tam gơl bơta chài rơgơi, bơto bơtê, tàp pràn să jan.

Đơs tàm dơ\ lơh broă, Đại sứ lơgar Việt Nam ồng Nguyễn Anh Tuấn hòi jà Bộ Ngoại giao lơgar Ukrane sền gròi ai tơl bơta niam nàng mpồl cau lơgar Việt Nam kis tàm lơgar Ukraine tơrgùm tơl mờ ală bơta tàm mpồl bơtiàn lơgar Ukraine dê kung bè pơgồp bal bơta niam tàm broă tơnguh bơtàu lơh sa mpồl bơtiàn lơgar do dê, kờ` bal mờ broă pồ lãnh sự lơgar Việt Nam tàm [òn dờng Odesa.

Cau mnlàng Ndong Brawl