Chủ tịch Quốc hội đơs nền Việt Nam sùm sền lơgar Mỹ là dùl tàm ală lơgar lơh broă bal kwơ màng lam lài; jờng rơ uă ngan ală broă lơh bơtàu tơnguh uă bơh bơta gĭt gơp Tam klăc lơh broă bal kwơ màng tơl làm Việt Nam mờ Mỹ tàm tơl gah tàm tơngai pa do. Chủ tịch Quốc hội sồr Kwang atbồ Anih lơh broă ala mat lơgar Mỹ mò Jennifer Wicks lơh jat niam gơnoar broă tàm tơrbŏ bal, pơgồp bal mờ lơgar Việt Nam sơlơ tơnguh rlau tai ală broă lơh tìp mat, tàm pơgơl mpồl kwang bàng tàm ală kấp, ngan là bơh đơng lam bồ kấp dờng; sơlơ tơnguh tai lơh geh broă lơh tìp mat tơm bơh bơr sùm, ngan ngồn đah anih lơh broă lơh adat boh lam 2 lơgar dê.

Ring bal mờ ồng Trần Thanh Mẫn- Chủ tịch Quốc, Kwang atbồ Anih lơh broă ala mat lơgar Mỹ mò Jennifer Wicks đơs là cồng nha bơta gĭt gơ̆p 2 lơgar tŭ do geh bơta tă pơgồp bal kwơ màng bơh bơta gĭt gơ̆p pràn kơl dang đah 2 Quốc hội dê; jờng rơ uă ngan ală cồng nha lơh geh pơn rơ ngan tàm lơh broă bal đah Quốc hội 2 lơgar tàm tơngai pa do. Kwang atbồ anih lơh broă ala mat lơgar Mỹ đơs nền crăp rcang pơgồp bal niam mờ ală Bộ, gah, anih lơh broă, ƀòn lơgar Việt Nam nàng sơlơ tơnguh tai tàm pơgơl mpồl kwang bàng tàm ală kấp mờ ală gah; ring bal broă 2 gah rơ̆p gờñ lơh sir cribơyai, kĭ hơ Jơnau kĭ hơ kă bro tàm pơndrờm, ring bal mờ tàm pơndrờm; đơs sùm kờñ sơlơ tơnguh tai lơh broă bal tàm ală gah pa pơn rơ, tàm hơ̆ đah lơgar Mỹ is ồn sền gròi bè lơh broă bal năng lượng, jak chài- măi mok, tam gơl sồ; ring bal mờ đơs nền tai jơnau hơ sơlơ tơnguh tai lơh broă bal bơsong jơnau gơ lời wơl rài tam lơh dê.