Tàm tiah tìp mat, cau tĕ khà dan mờ càr pơn jat tai bơcri priă ring bal phan bơna bơt bơtàu tàm tiah ƀồt Hải Minh; tơrmù crăp hơđơm mat ù ală gùng che ồs tàm ală gơl gùng drà anih tờm nàng tơrmù ƀà hoàc huơr tài bơh mìu càl rbŭt dờng; lơh mhar lơh niam wơl tiah drà, sền gàr tiah ơm kis dà lềng; mờ gàr niam broă lơh loh làng, song dơ pă tàm rơndăp tăp sèng hìu bơsram tơnơ̆ tơmŭt bal. Uă jơnau đơs kung dan càr geh broă lơh bơtàu tơnguh lòt nhơl pơgồp bal mờ gàr niam lơngăp lơngai mờ tơnguh uă cồng nha kis bơh làng bol dê.

Đơs mờ cau tĕ khà, ồng Phạm Anh Tuấn- Chủ tịch Anih duh broă Làng bol càr Gia Lai đơs nền, càr rơ̆p ai lơh lài lơh sir phan bơna bơt bơtàu tàm tiah ờ pràn, pơgồp bal mờ jơnau kờñ gàr niam lơngăp lơngai ai làng bol in mờ bơtàu tơnguh kơ̆nhăp kơ̆. Mơkung sơlơ tơnguh tai lơh niam wơl tiah drà, lơh wơl rơndăp tăp sèng gah gùng, sền gàr tiah ơm kis dà lềng mờ bơt bơtàu Quy Nhơn gơ gơs tiah drà lòt nhơl niam jak, lơngăp lơngai, rềp mềr, tàm hơ̆ geh bơta lòt bal bơh làng bol dê  là bơta tờm ngan lơh nền.