VOV4.K’ho- Ơm tàm tiah nhàr lơgar, tàm tơngai lơh broă bơh nam 2015-2020 Đảng bộ ling klàng kơnhoàl Chư Prông, càr Gia Lai neh lơh geh uă cồng nha pơn rơ go\ ngan bè: Bơta pràn jak cribơyai tàm broă sền gàr dà lơgar mờ sền gàr bơta lơngap lơngap tàm kơnhoàl dê ngai sơlơ geh cồng nha; bơta niam pơlam tàp mờ tàp tam lơh sơlơ tơnguh uă, chi bộ ling klàng ngai sơlơ geh lơh kơ\ kơl jap, wil tơl mờ geh uă bơta tam gơl kơ\ kơl jap, pơgồp bơnah bơt bơtàu mpồl ling phàu crong kơ\ kơl jap mờ tơl làm.

Lam bol a` lòt sền tiah tàp ling Jít Tú tàm xã Bình Giáo, Thiếu tá Phạm Thanh Tùng-Chính trị viên Gah đơng lam ling klàng kơnhoàl Chư Prông- đơs là: Tơngai lơh broă pa do, mpồl neh cribơyai dong Huyện ủy, UBND kơnhoàl rơndap ù tiah tàp ling ờ nàng mờr 19 lồ 6 sào, tàm hơ\ neh bơcri priă bơt bơtàu 2 lồ 5 sào mờ priă tă lơh rlau 14 tơmàn đong. Tiah tàp ling geh hìu ơm is ai mpồl ling griăp [òn in, geh tơnau re dà, hìu pơr jum, hìu đơng lam, tiah lơh broă sa mờ gơtùi gàr niam broă pơr jum, pơlam tàp tơrgùm ai 120 tus 150 nă cau in. Ờ mình pơ gồp bơnah tơnguh bơta niam pơlam tàp mờ geh cồng nha sền gròi pah nam 100% lơh geh jat jơnau sồr, tiah tàp ling gam geh ngui mờ uă ngan jơnau kờ` krơi is ndai tàm broă gàr kơ\ kơl jap dà lơgar mờ bơta lơngap lơngai. Tu\ kòp Covid-19 gơlik geh kal ke, tiah tàp ling geh ai ngui lơh tiah ơm yah ngài tơr gùm bal.

            Đơs bè cồng nha bơh tiah tàp ling pơlam tàp tơr gùm dê, ồng Ngô Địch Long- Kuang atbồ Gah đơng lam Ling klàng xã Ia Mơr yal: lài do, broă pơlam tàp geh lơh jat cụm tàm hơ\ geh ală xã: Ia Ga, Ia Lâu, Ia Piơr, Ia Mơr, Ia Púch. Bơta ngài đah ală xã dê kung ngài ngan sơl, ờ buơn tàm broă lòt rê bơh kuang bàng, cau ling dê. Den tang bè hơ\, tàm tơngai pơlam tàp, mpồl cụm lam lài geh ơpah anih lơh broă halà lơh toal tăng lơh tiah ơm rlô ai mpồl ling griăp [òn in. Mơya, phan bơna ờ tơl, bal mờ bàr pe tiah kung gam geh ờ tơl dà ngui sa tàm kàl prang den tàng broă lơh pơlam tàp bơh ală mpồl ling dê gơtìp uă ngan kal ke. “Tu\ tiah tàp ling Jít Tú lơh gơs, tơl bơta kal ke neh geh bơsong. Tàm tơngai pơlam tàp tơr gùm tàm do, ală mpồl gam geh tai tu\ jơ “ bơsram pa, mờ sền wơl tai jơnau bơsram lài” mờ ờ gơtìp gơ rềng tài bơh ală bơta gơ rềng bơh tàm tiah bơdìh dê den tàng bơta niam geh tam gơl loh làng”.

Tàm tơngai lơh broă bơh nam 2015-2020, Đảng ủy Ling klàng kơnhoàl  neh pơ gồp bal mờ Mpồl bơyai broă Huyện ủy, Đảng ủy ală xã, thị trấn dê dong Huyện ủy bơt bơtàu ală chi bộ ling klàng, pơ gồp bơnah tơnguh uă bơta niam ling klàng tàm kơnhoàl tàm kơnă hơ đơm dê. Tus tu\ do, jơh 20 chi bộ ling klàng xã, thị trấn geh kấp ủy; 100% Phó Kuang atbồ Gah đơng lam ling klàng kấp xã là cau geh Đảng; khà thôn đội trưởng là cau geh đảng geh tus 71%. Broă bơtàu tơnguh Đảng tàm mpồl ling griăp [òn, mpồl rcang lài lòt ling ngai sơlơ geh sền gròi. Dilah nam 2015, khà cau geh Đảng tàm mpồl do geh 14,7% den tus nam 2019 là rlau 21%.

Kơnhoàl Chư Prông geh 41,2 kơi sồ gùng nhàr lơgar rềp nhàr bal mờ càr Ratanakiri (lơgar Campuchia), bơta lơngap lơngai chính trị tàm tiah do dê kung gam geh uă bơta kal ke. Tơngai pa do, Đảng ủy Ling klàng kơnhoàl neh rcang pơgồp bal niam mờ ală mpồl ling geh gơ rềng tàm broă lòt sền, sền gròi, lơh anih kơryan nàng ờ lời gơlik geh jơnau cau mut ơm kis, lòt gan tiah nhàr lơgar. Bơh nam 2015 tus tu\ do, Mpồl ling phàu crong kơnhoàl neh ai g^t nđờ rơhiang nă kuang bàng, cau ling pơgồp bal mờ ală mpồl ling tàm broă lòt sền, sền gròi ù tiah kơnhoàl mờ neh g^t go\ di tu\ 9 dơ\ mờ 74 nă làng bol kòn cau gam jòi gùng lòt gan tiah nhàr lơgar; ting bơtrơh dô 232 nă cau mut tàm brê mờ geh tềl tơng go\ là kờ` lòt gan tiah nhàr lơgar.

Ồng Bùi Viết Hội-Bí thư Huyện ủy Chư Prông đơs ngan: Tơngai lơh broă bơh nam 2015-2020, mpồl ling phàu crong kơnhoàl dê neh lơh jat niam mpồl tam klăc ring bal mờ tơrgùm bal g^t nền bơta gơlik geh; pơ gồp bal mờ mpồl Kuang bàng; Ling sền gàr tiah nhàr lơgar rcang tus bal cribơyai dong kấp ủy, gơnoar atbồ kơnhoàl tàm broă gàr kơ\ kơl jap bơta lơngap lơngai chính trị, ờ do ờ dă mpồl bơtìan kung bè bơta lơngap lơngai tiah nhàr lơgar.

Kung jat Bí thư Huyện ủy yal, tàm tơngai lơh broă pa do, Đảng ủy Ling klàng kơnhoàl gam cribơyai lơh geh cồng nha broă bơt bơtàu mờ lơh kơ\ kơl jap ngan ngồn mpồl lơh broă chính trị tàm kơnă hơ đơm, ngan là bơt bơtàu bơta pràn sền gàr dà lơgar gùt làng bol pơgồp bal bơta pràn sền gàr bơta lơngap lơngai làng bol mờ bơta pràn bơh mpồl ling sền gàr tiah nhàr lơgar gùt làng bol dê. Jat hơ\, Mpồl ling phàu crong kơnhoàl neh sơm bat tê bal mờ kấp ủy, gơ noar atbồ kơnhoàl dong làng bol tơn jơh jơ gloh tơr mù r[ah, bơt bơtàu [òn lơgar pa.

Cau mblàng K’ Hạnh