VOV4.K’ho - Mho òr (20/4), Chủ tịch lơgar ồng Trần Đại Quang neh wă 122 nă cau ala măt kra [òn, kuang atbồ [òn, cau geh bơngă pin dờn tiah làng bol kòn cau, tiah nhàr dà lơgar gơtìp kal ke đah tô dà lơgar. Đơs niam ală broă lơh pơgồp bal bơh làng bol ală kòn cau tàm cồng nha bal dà lơgar dê, ồng Trần Đại Quang neh sồr tàm tơngai tus, pal pơn jăt tai lơh geh cồng nha ală nghị quyết, chỉ thị bơh Đảng, Dà lơgar dê bè broă kòn cau mờ broă dong kờl kòn cau, tơnguh bơta niam ală broă lơh chài rơgơi, pơgồp bal mờ tơnguh bơtàu lơh sa mpồl bơtiàn, gàr niam bơta lơngăp lơngai dà lơgar mờ bơ\t bơtàu [òn lơgar pa. Bơdìh mờ broă dong kờl làng bol tơnguh bơtàu lơh sa mpồl bơtiàn, tơnguh niam broă bơto bơtê mờ bơsram, lơh sơnơm, ồng Trần Đại Quang sồr pal pơn jăt tai pơn jờng ală bơta kuơ chài rơgơi, pơgồp bal tàm broă tơnguh bơta pràn tam klăc gùt jơi bơtiàn kòn cau. Ồng Trần Đại Quang kung đơs uă tus mờ broă pal geh broă lam sồr mờ tơnguh gơnoar bơh ală kra [òn, kuang atbồ [òn bal mờ cau geh bơngă pin dờn tàm ală jơi bơtiàn kòn cau, ai tơl bơta [uơn niam broă tìp bal, bơsram bal broă mờng chài, mờ ai tơl^k ală broă lơh geh nùs nhơm mhar, mùl màl tàm broă prăp gàr, tơnguh ală bơta kuơ chài rơgơi kòn cau dê.

Cau cih mờ yal tơng^t Ndong Brawl