VOV4.K’ho – Tàm dơ\ lòt còp mờ lơh broă mờ Quân khu 4 mờ càr Nghệ An, di dơ\ sa tềp bơhiàn jơi bơtiàn dê, Chủ tịch lơgar Trần Đại Quang neh lòt còp mờ pà phan cau r[ah, hìu bơnhă chính sách tàm xã Nam Giang, Nam Lĩnh, gơ wèt kơnhoàl Nam Đàn, càr Nghệ An in. Ồng Trần Đại Quang đơs niam ngan kuang bàng đơng lam bồ càr Nghệ An, kơnhoàl Nam Đàn neh sền gròi dong kờl mờ geh uă broă lơh geh kuơ ngan dong kờl ală hìu bơnhă chính sách, hìu r[ah, cau gơtìp sơnơm khih diôxin lơh aniai; jờng rơ ală mpồl cau, cau geh nùs nhơm niam geh uă broă lơh “kis gi\t jơnau gi\t adat”, “hùc dà kah tô da”, lơh broă niam dong kờl cau nàng pơgồp bơnah lơh tơrmù [à ală hoàc hươr, roh rui, kal ke, dong ală hìu bơnhă chờ hờp wa\ rò sơnam pa sa tềp, kờn “jơh ală hìu ndrờm geh phan sa tềp”, làng bol chờ sơnam pa tàm rài kis chờ hờp, niam bơne\, ờdo ờdă, mờ tềm pềr. Ồng Trần Đại Quang kơ\p kờn ală anih lơh broă đơng lam đảng, gơnoar atbồ tàm tiah do mờ làng bol tam klac bal, lơh ngan nàng cèng wơl rài kis ngai sơlơ niam rlau, pơgồp bơnah lơh jat jơnau kơ\p kờn bơh Bác Hồ dê tu\ gam kis là bơ\t bơtàu Nghệ An gơ gơs là dùl càr bơtàu tơnguh.

Cau cih mờ yal tơngi\t- Lơ Mu K’ Yến