VOV4.K’ho – Tàm nùs nhơm gùt lơgar rơcang wă rò sa tềp Đinh Dậu 2017, ngai òr, 13/1, tàm càr Lào Cai, Chủ tịch lơgar Trần Đại Quang bal mờ mpồl lơh broă tus còp mờ lơh broă mờ pôs ling mpồng nhàr lơgar dunia Lào Cai, mpồng nhàr lơgar dunia Kim Thành mờ pà phan ală hìu nhă geh sră dong kờl bơh dà lơgar, hìu nhă r[ah tàm xã Gia Phú, kơnhoàl Bảo Thắng mờ xã Bản Khoang, kơnhoàl Sa Pa. Chủ tịch lơgar sồr ală kơnă gơnoar atbồ mờ làng bol ală kòn cau càr Lào Cai pal brồ guh nùs nhơm pràn kơldang is, mut ngui bơta chài khoa học kỹ thuật, khin cha kơlôi sơnơng, jòi gùng lơh sa dipal mờ bơta geh ngan bơh càr dê. Chủ tịch lơgar sồr, càr pal tơn jơh, ai geh mờng chài kờ` rề ơnàng broă ròng ka dà mrềt tàm Sa Pa, mơkung jòi git, mut ngui ală sơntìl chi tam geh cồng nha tơnhàu uă.

            Cau cih mờ yal tơnggit K’Duẩn