VOV4.K’ho - Mho òr (19/2), Chủ tịch lơgar Trần Đại Quang bal mờ mpồl kuang bàng bơh dà lơgar tus còp mờ lơh broă mờ Kuang àng, Cảnh sát sơndră mờ crùh ồs sa, mpồl đơng lam ling klàng, mpồl đơng lam ling sền gàr tiah nhàr dà lơgar càr Thanh Hoá. Tàm dơ\ lơh broă, ồng Trần Đại Quang neh pơn jờng, chờ gờm ală cồng nha jăk chài mờ mpồl ling càr Thanh Hoá neh lơh geh tàm nam pa do. Ồng Trần Đại Quang đơs loh, tàm tơngai tus, bơta tàm dunia, tàm tiah do pơn jăt tai gơbàn kal ke, geh uă bơta gơbàn ờ niam, kal ke mờ ờ g^t lài. Broă yal yă gal cau, bơchồt l^k dră, lơh gơbàn ờ niam tus bơta lơngăp lơngai, ờ do ờ dă gam là ală broă pal tơrgùm bơsong mơ bơh sơnrờp mờ tàm ală tiah. Ồng Trần Đại Quang sồr mpồl ling tàm càr Thanh Hoá pal mhar tam gơl pa, tơnguh bơta niam tàm broă bơto bơtê, tàp ling, bơto bơtơl, sùm bơyai lơh tàp ling, tơnguh bơta pràn tơrgùm bal, bơta ngăc ngar mờ bơta pràn rơcang tam lơh, nùs nhơm niam chài, bồ tơngoh g^t jơnau bal bơh kuang bàng, cau ling dê. Mờ sền gàr nền nòn bơta lơngăp lơngai chính trị tàm dơlam is, gàr niam bơta ndơ\p ndơr ling klàng, bơta ndơ\p ndơr tàm dơlam is.

     Cau cih mờ yal tơng^t Ndong Brawl