VOV4.K’ho – Drim òr 18/1, Chủ tịch lơgar Trần Đại Quang neh pơyua jơnau nting săp sa tềp kuang bàng, cau ling mờ làng bol tàm bồt Trường Sa dờng, bồt Sinh Tồn mờ bồt Song Tử Tây. Do là dơ\ sơn rờp bơh anih sơnio rùp, ồng Trần Đại Quang nting săp sa tềp kuang bàng cau ling mờ làng bol tàm ală bồt dờng màng bơh dà lơgar dê. Ala mat kuang bàng đơng lam Đảng, Dà lơgar, ồng Trần Đại Quang pơyua tus jơh ală ling klàng mờ làng bol ală jơnau còp să rềp mềl, ală nùs nhơm kờn gơboh mờ ală jơnau nting săp niam bơne\ ngan rlau jơh. Ala mat kuang bàng, cau ling, ling klàng mờ làng bol bồt Trường Sa, kuang đơng lam bồ bồt Trường Sa ưn ngài bơta sền gròi uă ngan rlau jơh bơh Đảng, Dà lơgar mờ să tờm ồng Trần Đại Quang dê bal mờ làng bol, cau ling tàm ù gờl. Tu\ do, ling klàng mờ làng bol tàm bồt Trường Sa gam rơcang chờ sơnam pa, sa tềp, ală ơhò lòt bơh ù gờl neh tus bồt jun di tu\ ală phan drơng tàm dơ\ sa tềp. Ling klàng mờ làng bol bồt Trường Sa sùm tam klac bal, sơrlèt gan kal ke, lơh gơs jak ngan kơnòl broă geh jàu, ntàu kơ\ tàm tiah nhàr lơgar dà lềng bồt bơlào, mờ nùs nhơm gam cau gam bồt, bulah tàm tu\ gơlik geh bơta lơi, tu\ lơngai lơi kung sùm kơ\ kơl jăp tê ìa ngkơr phàu sền gàr gơnoar tờm dà lềng bồt bơlào dờng màng bơh Dà lơgar dê.

Cau cih mờ yal tơngi\t- Lơ Mu K’ Yến