VOV4.K’ho – “Thanh Hoá kờn pal lơh pràn lơh tam gơl pa hành chính, ngan là sră nggal hành chính, drơng broă ngai sơlơ niam rlau tai jơnau kờn dipal bơh làng bol mờ mpồl lơh sa kă bro dê kờn bơ\t bơtàu mpồl kuang bàng gơnoar atbồ niam, lơh broă geh cồng nha, mpồl kuang bàng, kông chức song dơ pă, jơh nùs, jơh tồr drơng broă làng bol in”. Do là jơnau sồr bơh ồng Trần Đại Quang, Chủ tịch lơgar dê gơ wèt mờ càr Thanh Hoá tàm Dơ\ bơyai lơh tơngkah 70 nam Ngai Bác Hồ dơ\ sơn rờp lòt còp càr Thanh Hoá (20/02/1947- 20/02/2017), geh lơh drim òr 20/2. Ồng Trần Đại Quang kung sồr càr kờn pal sơlơ sền gàr dà lơgar- bơta lơngăp lơngai, gơ jat bal niam mờ kơnòl bơtàu tơnguh lơh sa, chài rơgơi, mpồl bơtiàn, rề ơnàng gi\t gơ\p lơh broă mờ lơgar ndai. Mơkung bơ\t bơtàu tiah rơcang gàr lài, nùs nhơm rơcang lài sền gàr dà lơgar tàm tơl nă làng bol gơ jat bal mờ nùs nhơm rơcang lài sền gàr bơta lơngăp lơngai kơ\ kơl jăp tàm làng bol. Bal mờ hơ\, càr pal sơlơ lơh niam tai bơta gi\t gơ\p lơh bơyô bal mờ ală tiah bơh lơgar gơ\p bơyô Lào dê, pơgồp bơnah bơ\t bơtàu tiah nhàr lơgar Việt Nam mờ Lào ring lơngai, gi\t gơ\p lơh bơyô bal, kơ\ kơl jăp, tam klac mờ bơtàu tơnguh.

Cau cih mờ yal tơngi\t- Lơ Mu K’ Yến