VOV4.K’ho - Mho òr (31/3), tàm hìu lơh broa\ Chủ tịch, Chủ tịch lơgar Trần Đại Quang neh wa\ ồng Ted Osius đại sứ lơgar Mỹ tàm Việt Nam tus tìp mờ cri bơyai bè git gơp Việt Nam-Mỹ, tàm hơ\ geh broa\ lơh bal bơyai lơh nam APEC 2017 mờ pơrjum dờng màng APEC dơ\ 25 tàm Việt Nam. Tàm bùi wa\, ồng Trần Đại Quang neh đơs đah lơgar Mỹ pơnjat tai dong kờl Việt Nam  geh bơt bơtàu wơl  bơh aniai rài tam lơh, ngan la ala\ bro lơh lơh kloh  sơnơm da cam/dioxin, jòi ta\ bồm mền, siau phào bơrtoh gam jơng kah wơl tơnơ\ jơh tam lơh. Bè sa\ tờm ồng Ted Osius đơs tờm,  pơnjat tai geh lơh ngan git gơp bơh 2 lơgar,  đơs ua\ ngan bè lơh  broa\  tơl làm 2 lơgar gam bơtàu tơngguh tàm jơh 3 gah, la 2 lơgar, ala\ lơgar rềp bal mờ dunia. Bè nam APEC 2017, ồng Ted Osius ai git, ồng Donald Trump kuang atbồ lơgar Mỹ gam sền ngan ngồn broa\ tus bal poh  dờng màng APEC nam 2017 tàm Việt Nam.

                        Cau cih mờ yal tơnggit K’ Brọp