VOV4.K’ho – Ngai òr 27/3, tàm Hìu duh broă Chủ tịch lơgar dê, ồng Trần Đại Quang Chủ tịch lơgar neh wa\ rò mpồl cau ala mat cau Việt Nam kis tàm lơgar ndai mờ Yàng Phờk Việt Nam tàm lơgar Thái Lan gam còp mờ lơh broă tàm lơgar he. Ồng Trần Đại Quang đơs ngan, do là jơnau kuơmàng ngan, bơh ală broă lơh jat yàng, pin dờn pơgồp bơnah chul chồl lơh broă mờ lơgar ndai chài rơgơi, sơlơ tơnguh tai bơta gi\t gơ\p lơh bơyô bal đah Việt Nam mờ Thái Lan mờ dong kờl, lơh geh tơl ală bơta niam nàng mpồl bơtiàn cau Việt Nam kis tàm lơgar Thái Lan iang nùs, mu\t gơ rờm bal mờ bơtàu tơnguh. Ồng Trần Đại Quang sồr Mpồl cau jat yàng Phờk Thái Lan kung bè Cinh phủ lơgar Thái Lan pơn jat tai lơh geh tơl ală bơta nàng yal tơngi\t bơta chài rơgơi Việt Nam tàm ală rơnàng làng bol tàm lơgar he ơm kis kung bè nàng làng bol Việt Nam kis tàm lơgar ndai tus bal lơh ală broă lơh mpồl bơtiàn, pơgồp bơnah ngui niam gơnoar broă mờ yal tơngi\t rùp să ală hìu yàng phờk Việt Nam tàm lơgar Thái Lan.

Cau cih mờ yal tơngi\t- Lơ Mu K’ Yến