VOV4.K’ho – Mho òr, 24/4, tàm gơlang Chủ tịch, ồng Trần Đại Quang, Chủ tịch lơgar neh wă Bộ trưởng Môi trường mờ Tài nguyên dà lơgar Singapore ồng Masagos Zulkifli gam geh dơ\ tus còp mờ lơh broă tàm lơgar Việt Nam.

Chủ tịch lơgar đơs tờm, Singapore là lơgar lơh broă bal kuơ màng bơh Việt Nam dê mờ bơta tam klac, pin dờn bal mờ gơp đah kuang đơng lam bồ, Chính phủ mờ làng bol 2 lơgar geh là bơta pơn jờng kuơ màng nàng lam git gơp 2 lơgar bơtàu tơnguh pràn rlau tai. Chủ tịch lơgar pà git, sền gàr tiah kis là bơta jal mhar tàm broă bơtàu tơnguh mờ Việt Nam ờ tam gơl tiah kis nàng ai bơtàu tơnguh lơh sa, kơp kờ` tàm tơngai tus, 2 lơgar ờ mìng chul chồl tam klac bè chính trị, lơh sa, sền gàr dà lơgar, sền gàr ngap lơngai, nhơl chờ, tìp mat làng bol, mờ kuơ màng pal tam klac lài ngan bè tiah kis, ngan là tàm broă atbồ mờ sền gàr tiah kis, dà, bơtàu tơnguh [òn dờng tơlir.

                   Cau cih mờ yal tơnggit K’Duẩn