Uỷ viên Bộ chính trị, Chủ tịch Uỷ ban Mặt trận dà lơgar Việt Nam Nguyễn Thiện Nhân pơyua sra\ gờm chờ Noel 2016 tus làng bol  Yàng Bàp mờ Tin Lành Việt Nam tàm gùt lơgar. VOV4.K’ho dan pơyua tus tơl làm tơnggu me sra\  gờm chờ do.

                                                                                               Hà Nội, ngai 12 nhai 12 nam 2016

SRA\ GỜM CHỜ

            Noel nam 2016 gam tus rềp, chờ hờp bal  mờ bơta chờ bơh làng bol Yàng Bàp mờ Tin Lành Việt Nam tàm gùt lơgar, A`, ơla mat Uỷ ban Mặt trận Dà lơgar Việt Nam kờ` gơboh ngan pơyua tus ala\  Bèp Yàng, Mục sư,  Cau drơng broa\ Yàng bal mờ gùt làng bol Kitô hữu jơnau gờm chờ niam bơne\ ngan rlau jơh.

            Tàm dùl nam do,  làng bol Yàng Bàp mờ Tin Lành neh  chồl guh bơhìan kis “Niam rài kis, niam gùng yàng”, đềt mềr bal mờ sơm bat tê bal, pơ gồp pràn  bal mờ làng bol gùt lơgar lơh ngan lơh broa\ lơh sa,  chồl  broa\ lơh bơceh, sơrlèt tơl kal ke kờ` bơtàu tơnguh lơh sa, gàr niam ngap lơngai dà lơgar, ờ do ờ da\ mờ niam bơne\ mpồl bơtìan, tus bal nhap nhar ngan tàm srơh pơr lòng kờ` gơboh dà lơgar, ngan la dơ\ lam sồr “Gùt làng bol tam klac bơt bơtàu [òn lơgar pa,  tiah  [òn drà  ngac jak” bơh Uỷ ban Mặt trận Dà lơgar Việt Nam lam lơh. Giáo hội Yàng Bàp mờ ala\ Hội thánh Tin Lành neh lơh is lài dơ\ lam sồr bơh cau kơđơng Yàng, cau jat Yàng sền gàr tiah kis, mut lơh gàr niam bơta kuơ mpồl bơtìan mờ ờ do ờ da\ phan sa,  sền gàr gơnoar tờm dà lơgar... Mờ ala\ broa\ lơh ngan ngồn, geh cồng nha, làng bol Yàng Bàp mờ Tin Lành neh pơ gồp bơnah kuơ màng ngan tàm broa\ geh  lơh niam mờ  chồl guh bơta pràn tam klac dờng gùt jơi bơtìan dà lơgar.

            Di tàm tu\ do, A` jơh nùs ngan  gờm chờ Hội đồng  Giám mục Việt Nam pa bơyai lơh geh cồng nha dơ\ pơrjum  Hội đồng giám mục Việt Nam dơ\ XIII, gờm chờ ala\ Hội thánh Tin Lành tàm Việt Nam neh bơyai lơh ua\ ngan  broa\ dờng tàm bơta tam klac đềt mềr,  geh lòt bal  sùm  mờ jơi bơtìan.

            Noel tus kung la tu\ dà lơgar rcang mut tàm sơnam pa. A` nting sap ala\   Bèp Yàng, Mục sư, Cau kơđơng Yàng, cau duh broa\ Yàng, làng bol Ki Tô hữu Việt Nam  gờm chờ Noel mờ dùl nam pa  chờ hờp, boh gơbài mờ bềng bơta niam bơne\ tàm rài  kis bơh Yàng tàm  Trồ.

                                                                                                                   Dan ơm ngac!

                                                                                                              Nguyễn Thiện Nhân

                                                                                                              Uỷ viên Bộ chính trị

                                                                                             Chủ tịch Uỷ ban Mặt trận lơgar Việt Nam