VOV4.K’ho –  Di tơngkah 73 nam Ngai cau ling sồt să cau ling chơt màng (27/7), drim ngai 22/7, Chủ tịch Quốc hội, mò Nguyễn Thị Kim Ngân bal mờ mpồl kuang bàng bơh Quốc hội dê neh lòt còp, pà phan ală hìu bơnhă geh khà sră dong kờl bơh dà lơgar tàm kơnhòal Đất Đỏ mờ [òn dờng Bà Rịa, càr Bà Rịa – Vũng Tàu.

Tàm ală anih mờ mpồl tus còp, Chủ tịch Quốc hội neh lùp còp, pơn jờng, iat bơta kơp kờ` bơh ală mè Việt Nam khin cha jak chài, ală cau ling sồt să, cau ling kòp tê jê să dê, ai tơnggo\ nùs nhơm git ưn ngài mờ kah kơ lôi ua\ ngan tus ală phi să dờng màng mờ ală bơta roh rui dờng ngan bơh ală cau ling khin cha jak chài chơt màng, ală mè Việt Nam khin cha jak chài, ală cau ling sồt să, cau ling kòp tê jê să dê.

Chủ tịch Quốc hội sồr càr Bà Rịa – Vũng Tàu pal pơn jat tai sền gròi ua\ rlau tai ală hìu bơnhă geh khà sră dong kờl bơh dà lơgar tàm càr in. Chủ tịch Quốc hội nting bơr tus ală mè Việt Nam khin cha jak chài, ală cau ling sồt să, cau ling kòp tê jê să kis chờ hờp, kis pràn kơldang mờ pơn jat tai tă pơ gồp mpồl bơtìan in, gơ gơs là krơh niam nàng kòn sau in đòm jat.

Cau mblàng K’Duẩn