VOV4.K’ho –  Mho ngai 3/8, tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân, Chủ tịch Hội đồng te\ khà dà lơgar neh đơng lam pơrjum dơ\ 1, Hội đồng te\ khà dà lơgar. Chủ tịch Quốc hội, mò Nguyễn Thị Kim Ngân pà git, tàm pơrjum dơ\ 9, Quốc hội khóa 14, Quốc hội neh pồ Chủ tịch Hội đồng te\ khà dà lơgar mờ ki\ ring bal mat ală Phó Chủ tịch, ală kuang geh jơng bơh Hội đồng te\ khà dà lơgar dê, bal mờ hơ\ Quốc hội kung neh tơlik Nghị quyết sồ 118 ngai 19/6/2020 bè broă crơng gơs Hội đồng te\ khà dà lơgar.

Broă crơng gơs Hội đồng te\ khà dà lơgar gờ` rlau mờ tơngai lơh broă lài 1 dơ\ pơrjum nàng Hội đồng te\ khà dà lơgar geh tu\ tơngai nàng rơcang lài, mhar lơh broă ngan ngồn mờ geh tu tơngai ua\ rlau tai nàng pơlam ală jơnau cih pa bơh Adat te\ khà Kuang bàng Quốc hội mờ Kuang bàng HĐND, Adat bơyai broă Quốc hội, Adat bơyai broă Chính phủ mờ Adat bơyai broă gơ noar atbồ kấp hơ đơm pa geh Quốc hội khóa 14 tam gơl.

Tàm pơrjum dơ\ do, ală kuang geh jơng bơh Hội đồng te\ khà dà lơgar dê geh cribơyai, ai jơnau đơs tàm jơnau rơcang cih ală sră nggal nàng lơh bơnàng jă ai broă lam lơh broă lơh bơh Hội đồng dê. Dơ\ pơrjum do kung ai jơnau đơs bè Jơnau rơcang cih Nghị quyết crơng gơs Văn phòng Hội đồng te\ khà dà lơgar mờ pồ Kuang atbồ Văn phòng Hội đồng te\ khà dà lơgar.

Cau mblàng K’Duẩn