VOV4.K’ho –  Drim ngai 5/8, tàm hìu lơh broă Quốc hội geh lơh pơrjum dơ\ 2, Mpồl đơng lam dà lơgar, mpồl bơyai lơh pơrjum Liên nghị viện ASEAN dơ\ 41 (AIPA 41), Chủ tịch Quốc hội, mò Nguyễn Thị Kim Ngân, Chủ tịch AIPA 41 neh đơng lam pơrjum. Tàm pơrjum do, ală kuang geh jơng bơh Mpồl đơng lam dê neh cribơyai bè broă rơcang tus dơ\ mut pơrjum bơh AIPA 41 dê mờ ală broă lơh tờm bè dơ\ mut pơrjum, dơ\ pơrjum gùt mpồl dơ\ 1, pơrjum Ủy ban lơh sa, Ủy ban xã hội, pơrjum ùr nghị sỹ kơ nòm să… dơ\ tơn jơh pơrjum mờ jàu gơ noar broă Chủ tịch AIPA.

Đơs tàm pơrjum, Chủ tịch Quốc hội đơs nền, tài bơyai lơh pờ tơlik tơn tàm internet den tàng broă rơcang lài là kươmàng ngan bơh ma\i mok kỹ thuật tus broă rơndap lơh ală dơ\ mut pơrjum, tơn jơh pơrjum mờ ală dơ\ jàu khà jờng tă pơ gồp tài bơta tă pơ gồp jak ngan ai AIPA in; dơ\ bơyai lơh dờp ală kuang geh jơng là kuang bàng gròi sền bơh AIPA dê; dơ\ bơyai lơh jàu lơgar Chủ tịch AIPA tus. Tềng đap bơta kòp Covid-19 gơlik geh kal ke, Quốc hội Việt Nam neh sồr mờ tam gơl broă lơh bơh pơrjum AIPA 41 dê rơcang geh mut lơh bơh ngai 8 tus ngai 10/9 jat broă lơh pờ tơlik tơn tàm internet.

Cau mblàng K’Duẩn